Wild Day Out Part 3 of 3

終於黎到 part 3 of 3 啦！

岩岩講到維港對岸開始有 d 光，咦?! 激光 show! d 人竟然轉晒頭去影激光 show！何解? 因為台上黎左個北京黎既 liya (黎亞)，遠看以為係大陸既新新人類，mini skirt / 長 boots / curly hair / 彈 guitar / rock!, 一開聲，well..... 田震接班人????? 但班聲咁...... 「滄桑」既?! 望下大螢幕，嘩！！佢個樣 = 田震同期???? 真係唔知搞乜啦！後生女既話，我會建議佢快 d 去做 facial；真係田震同期既話，我會建議佢着番下田震去新城個個類型既 look 囉，咁大個人，條腿點靚都唔好咁啦！嚇親我地 d 細佬 and 細佬女架嘛！佢 d 歌呢，咁大陸咁多人都「跑得出」就知有一定水準囉，不過就，真係幾大陸獨有既 rock 味，真係，好田震 lei~

係 d 人坐低晒既時候，(我地旁邊o個班 high fans 仲帶埋 little chairs 坐住黎打 psp!!!! ) 就出南拳媽媽！(o個班 high fans 既 'leader' 仲落 order: 收凳！收凳！媽媽呀！) 彈頭超搞笑，講好多勁肉麻既野，e.g. 最愛香港呀! 不過我 buy 喎，哈哈！ kaman 話好想聽 lara 唱珊瑚海, 然後阿jay走出黎一齊唱，佢就梗係想啦！學劉家玲話齋，諗下好嘞！kaman 應該 buy lara 多 d，不過我就好鍾意彈頭把聲，其實，我覺得佢把聲好聽過 jay 架，kaman 同 wance 唔好打我！消失比較 commercial d，但我覺得彈頭把聲唱消失好「出」好正！不過 d 音響唔知做乜，係佢地出晒黎前面「伸展台」唱個陣，都唔係好近 jer，竟然 feed 喎！雖然係小小，但都聽到 d 微弱既「we we」聲~ 哎~~~~~~~ 不過好在佢地 d 歌真係好聽，氣氛又好，佢地又好 high，好似好開心咁，唔知係咪因為見到我地勁嗌~ [後記: 之後看電視，有訪問，佢地話未去過咁大型既音樂會，所以已經好 excited，仲要見到氣氛咁好，所以好正！又話我地好熱情，唔怕凍喎！哈哈！原來佢地唔係講假架喎，真係覺得我地會凍 and 話鍾意企係度多 d if 安全~ 又好 care 我地喎，雖然話 interview jer，有 d 人連呢 d 都唔識講架嘛~ 唔怪得之啦，佢地係台上真係 high 架喎！]

南拳媽媽入返後台之後，大家都估下一個係邊個呢? 出得好快，無乜間場咁制，alive! 嘩！聖誕老人呀！一出黎就勁飛 d gift 落黎，又 poster 啦，又 cd 啦，又 tee 啦~ 我地隔離，真係企我隔離o個女仔既 friend 羅到 daniel 飛落黎既 tee 呀！！！氣氛超正，我都估唔到，連 d 男仔都好 high 咁喎！可能 conroy 真係玩慣呢 d band show 啦，d 人 buy 佢掛！不過，始終係 daniel 出現係螢幕到時 d scream 勁 d~ 我只知勁近台，望得好清楚佢四個個樣，連 d camera 影住都唔理得咁多啦！又影相，不過晒曬個位囉，我地無帶 camera 呀，只用 kaman 既 mobile 影囉，結果係一 pat pat 的！>.< kaman 竟然唔識 terence 喎，咁係 terrence 望過黎既時候，kaman 問我"佢係邊個?" 個度咁嘈，我咪勁嗌 terence 呀！ terence!!!!! 佢都係聽唔到，結果我仲大聲 d 咁叫"尹子維"！well..... 旁邊有人望住添！:p 不過真人真係好靚好型架！[後記: 原來 eva 都鍾意 terence 多 d 喎，哈哈！我話 kaman 話 daniel 唔過黎我地個邊，eva 即刻話: 我寧願 terence 望多 d! 同埋呢，佢同我買左同一期既新地 ─ 一本我地平時唔多買既 magazine!]

alive 之後，數數手指都知唔會停啦！大家係到估，跟住邊個呢? 我見好多人嗌 mavis 同伍佰，我就 doubt 會唔會咁早伍佰呀? 唔係壓軸架咩? 我仲以為係哈林添！點知真係伍佰 & china blue! band show 中流底柱喎，梗係多 fans 啦！d 人勁跳勁 scream！伍佰果然係大哥，唱一首歌換一支 guitar 呀！！唱台語 d 人都照 scream! 勁！大哥果然不同凡響！最後一首仲搵埋家強、mavis 同 jun 黎夾！jun 打 drums，家強 guitar，mavis 吹 flute~ 正！jun 竟然留到咁夜！

之後大家估係 mavis 既時候，出左家強既 mv~ 勁多 fans，家強家強，此起彼落~ 好好玩，跟住一齊 scream，但我既腳板到此時已痺痺地但好痛，所以只係原地wave 同 scream，唔可以跳！係時候再講下 d 不濟既音響~ 個喇叭開始'冊'，信我，真係有 d '冊' 架！咁大型既 show，係要開大個 volume，但唔可以冊喎！雖然唔係好嚴重，至少無人 cheer down!

家強之後，我同 kaman 都想快 d 綺貞啦~ 不過出黎既係 mavis！都正呀！mavis 出左個 hippies 既 look，好正！好似 70's d band show 咁，哈哈！不過 d 音響又 short short 地，feed 同冊都算啦，咁開咁耐咁大聲既喇叭，又真係幾難 tune 既，但！！！mavis 有一 part 個 wireless mic 竟然無聲！！唔知咪佢地未開呢??? 我地聽到晒 music，又見到 mavis 唱，但就聽唔到佢 vocal!!!! 好在都唔算太耐，一陣就聽得番 mavis 把聲。都幾 surprised 會見到 sam 同 lawrence 上台~ 不過看唔清楚 lawrence 個樣，佢頂帽似乎拉得太低啦！

mavis 都出埋，只剩綺貞、哈林同東方神起，咁擺明神起係壓軸啦！咁 next one 一定係綺貞。未看到 mv，d 人已狂嗌綺貞同小虎 (guitar)，出左 mv 就簡直瘋狂！原來係我地隔離個班都係綺貞 fans，超 high! 綺貞出黎後，好似萬眾期待咁，一唱歌就開始和唱，個 feel 勁正！可能因為係我地附近都係綺貞 fans，大家一齊唱，個 feel 好 warm，好似開 d fan club gathering 咁！正！不過最估唔到係看完綺貞後都有好多人走~

哈林係尾二出，但我覺得其實係「壓軸」~ 熱情的沙漠，唔知點解，係 harlem 唱先唔會覺得老土同核突，仲好 rock 添！我記得 tvb8 個新秀 show 都有人唱，我覺得好核突~ :p 汪明荃 d show 都有人唱，但都係好老土!!! 可能 harlem 帶得個氣氛勁好，之後竟然全場一齊唱「情非得已」，好正！好似 d candle show 咁! 成個 atmosphere 都好似完場咁~ :p

哈林返入去後，我地身邊既人唔知係邊到羅出好多神起 banner 同卡，我地先知原來我地係神起 fans 後面！嘩！都好多男仔喎！本來我地都被推向前，等左一陣，頂唔順神起 fans 既熱情，我決定同 kaman 行番後 d，點知一「出」神起 fans 堆，先知原來成個場走左近九成人！@.@ 好誇！都 ok 呀，少男跳舞組合，係咁上下啦，仲唱國語添！

之後未等佢地完場就決定走啦！行番出去 d，原來 d 賣 food & drinks 既 stalls 出面有位坐係到食架！隔遠同 wild day out 個台影左相就走啦，都未離開會場，只係岩岩出左個出口就完 show 啦，放煙花！勁高呀 d 煙花，d 煙都要一陣先散，勁喎！之後就聽到 announcement 話完 show 啦！

嘩！勁！就係咁企左 10 個鐘有多~ 計埋之前搵 toilet 同之後行番去灣仔食飯既時間，我總共 uprite 左 11 個鐘，無食過野 (除左幾粒 candies)，無飲過水，亦無去過 toilet!!!!!! ^_^

好開心！$280 好抵~ 呢個 experience 正！

Wild Day Out Part 2 of 3

講過 run down 之後係詳情！

我地排得算前，之前都講過，排我地前面既，有一半以上係神起 fans，所以我地都算係早黎既一批，個位唔錯架！

一黎係一隊叫 4pm 既香港 hip hop band，ok 呀，個 atmosphere 都唔錯，仲要係 d 人都未入晒場就開 show，人都唔齊就開始，算係咁啦！hip hop 要有既元素都有齊咁制，又有清唱同玩人聲捽碟, 最後 feat. 黃泆童，ok 得架，之前係無線都聽過佢唱，我想無線想出「女人魅」既時候，佢應該入選的！不過 d 音響就麻麻啦，第一首已經 well，第二首跳線跳到爆，不過我估跳得勁係"裝"既，因為要 cheer down 同帶清唱嘛，哈哈~ 最搞野係佢地帶頭 cheer down，正呀！不過音響呢，就真係唔多 ok，本來一開始我都係度諗：扮既 jer，聽聽下，聽到完場後就發現個 sound engineer 簡直要捉去打啦！之後先再講點解！

第一個 party 完左之後，個 atmosphere 本來帶得幾好，一開始間場個陣有 set keyboard 又 set violin，d 人見到個 violin 都幾有 interest，仲有個鬼仔出黎 set guitar，一開始見到個鬼仔既時候，我都仲聽到附近話: 喂！鬼仔呀！聽得出有期待！但第二個 party 遲大到，我估係主音 elisa 小姐，因為 guitar 呀，drums 呀，一早出黎 set 好晒，搞到 d 人開始鼓譟，當鬼仔再走出黎既時候已經開始 cheer down。等左唔知幾耐，kaman 話應有 15 mins, 整個 party 終於出黎，原來係「信仰」喎！我，應該有聽過的，不過究竟係歌定係 band 就唔記得左！等我之前仲同 kaman 講，遲咁多，咁大排，斷估都唔係 indie band 掛，點知中左，係台灣黎既 indie，elisa 小姐就將會出碟咁話喎~ 坦白講，elisa 小姐 ok 架，d music 都討好的，唔太 pop 又唔會太 alternative，出 commercial cd 都應該有路可行既！同埋呢，佢又拉 violin 又彈 keyboard 又彈 guitar，應該係得既！只係佢實在遲得太多，d 人 feedback 唔太多。仲有，我好唔滿意佢 hard sell 自己！！！好似才藝表演都不特止，仲同大家講自己就黎出碟，全自家創作，叫大家 like 佢頭先既音樂就記得去支持，當呢個 show 係免費廣告咁，雖然話呢 d show 都係想介紹有實力既 indie 比多 d 人認識，都唔晒咁揚架！

跟住落黎既，大家一定要記得，佢地叫「蘇打綠」！如果話，佢地係 wild day out 既最大驚喜同意外收獲，我諗絕不為過！！主音「青峰」超級靚聲，又超級 cutie。講野嬌嬌o爹o爹但又唔係話 sissy 喎，好 cute 啦！kaman 勁讚！原來佢感冒，練習個陣仲係啞啞地聲，但 d 假聲都仲正到爆！好過好多所謂勁人多多聲！聽左一首歌，我認得佢地，我係台灣真係有聽過架，不過我唔識佢地係邊個，原來叫「蘇打綠」，勁雀躍。而且佢地用樂器用得好好，又識得用大聲公扮扭曲既 vocal，呢 d 先叫 live 嘛！bass line 靚爆，仲要係靚女 (不要異議，彈 bass 的女生已經好型，仲要五官端正又斯斯文文，仲唔係靚女?) bass 手！勁！木 guitar 超純音，又係一個靚字！仲有個 melodica，好 pure 呀！melodica 配歐陸 d，relax d 既 spanish style，唔講野，唔嗌係最好既，聽完先嗌，正！i love soda green!!!!!!!!!!!!!!!! kaman 都超同意！(後記: 我返到屋企第一件事係上網 check 蘇打綠既 info，搵到個 forum 留埋言，原來 kaman 都有呀，遲我兩個留言！本來打算下個月去台灣先買 cd，不過已經等唔切，kaman 話 d 人留言話集成有，我地打算去看下！我仲叫 kaman 整定個台證，等佢地一有 concert 就可以飛過去聽！哈哈哈！)

勁開心終於知道呢隊 band 係邊個，心情仲好 high 既時候竟然出 jun!!!!! 唔晒停啦！同 jun 對唱個個女 vocalist 好勁！靚聲~ 所有其他既樂手都好正，jun 仲叫大家一齊做 peace sign，好 touching 好有 feel，個一刻，我有一個好強烈既感覺，音樂係 peaceful 既，rock n roll 都可以, 想返外國個 d 就知啦~

當我好奇怪點解咁早就呀 jun 既時候，跟住個 party 就出場，明晒！呢個 party 係一出道就標榜 alternative 同 rock 既 kay tse 謝安琪。well，講真，我唔太 buy 佢，不過無所謂啦，同 kaman 傾下咪捱過囉！一路都 ok 啦，都有人叫佢個名咁啦，只係最後佢竟然整首「我歌故我在」(唔係好記得，類似啦！勁 pop，其實都唔緊要，但佢真係齋唱，做到好似 d 告別 concert 咁，扁晒眼！)

跟住既出場我有 d 失憶，好似係 jolie。想黎想去都唔明點解 wild day out 會搵 jolie? 莫非同佢羅新城咩跳舞歌曲獎一樣咁離奇? 總知就露晒臍咁跳呀唱呀過左兩首歌！同埋有四個 dancers，唔知乜水，個款好似 eo2, 不過 jolie 又無話係 eo2 喎，真係唔可以證實。我唯一就係覺得，真係 fit 左喎，因為我之前係 ifc lane crawford 見過佢，好高好瘦但有肚腩。

跟住就慘囉！go glory，我只係係 magazine 到看過呢個名，知道係一男一女既獨立樂團，以為會幾好啦，唉，無謂多提，台灣既獨立樂"圈"果然好好多！

然後黎個張繼聰，嘩！好唔掂！之前看 magazine 講到佢好勁咁，但..... 我諗佢都係去做番 anakin 算啦，唔係話唱歌好唔好 or 作曲掂唔掂，但佢都幾 show off，唔太岩做佢講既 alternative 囉！仲有，唔知係咪佢以為自己跳舞好勁呢，扮 moon walk 喎，係就好似係有 d 既，都有人叫囂，但我覺得唔係囉，總是覺得有 d 唔同，不過唔識講，或者真係既，只不過係唔 smooth 既 moon walk 囉 (咁咪即係唔係囉，哈哈！) 佢又扮人聲捽碟，不過...... 同下午個個都有 d 相差喎！係勁多人狂嗌 bye bye 下，終於完左呢兩個令人勁唔耐煩既 parties。(唔好以為真係，好戲在後頭 >.<)

Endy 係成日 show 既第一個高潮，可能特別係o個兩個咁唔得"民心"既 parties 後出場，簡直係全場轟動！女既有女既叫，連男仔都勁 buy endy，喪嗌 endy! 講真，我都幾鍾意 endy 架，不過佢把聲就真係唔算好好，但係 d 歌就勁正！(即係好似佢之前講，自己作作埋 d 歌太高 key，唱唔到，or 唱得好辛苦，所以要去改進) 同埋個人又超型，可能夾慣 band，仲超 rock 添！佢唔知係 natural high 定咩呢，唱到係地下滾住彈結他 (不過之後話真係扑親喎，唔知真定假，真係就要小心 d 啦，會跌親架！)！最 not buy 既係最後都要搵埋 go glory 同張繼聰合作囉，嗯..... 咩佢地都係 warner music 架咩?

間場靜左一陣，明顯多左人去買野食 or beer，不過小春一出，都勁架！佢 set 晒台，又多 dancers，好似做自己 show 咁，不過無所謂，大家 buy 咪得囉！唱「犯賤」，明顯甩嘴，不過大家一齊和唱，氣氛幾 ok 囉！雖然唔 rock，d 歌仲好 k 添，不過算係咁架啦，大家都係看 show jer，又有野看，d 歌又岩晒 d 男仔 feel (好似無賴咁，我發現宜家 d 人聽到 d 咁既歌就好有「共鳴」，唔理係咪 pop 架啦！)，atmosphere 都幾好呀！

數下數下，都差唔多一半啦喎，但對岸好似已經開始維港 show，咦?! 八點啦???? 唔知，因為無看表！ :p

(後續)

Wild Day Out Part 1 of 3

星期一去左 wild day out，足足企左 10 個鐘，不過超超超超.......... (下刪infinity x 超) 正！本來想一早去排隊，係真係一早，不過怕太誇張，所以就約左一點！不過拖下拖下，去下 toilet 咁就一點九到添馬艦，已經由海旁近中環既入口排到去解放軍啦！！

雖然排左成個鐘有多先開始入場，不過一 d 都唔 tired，梗係啦，岩岩開始咋喎，咁快 tired 就唔晒玩啦！:p 我地算排得前，我想應該係最好位置既一區，except vip 啦，好近台，T 字台，前面"伸展台"離我地大概幾米咋！！！就算唔行去台前面，台中間 d 人都看到樣架，雖然細 d~

詳情唔講住，講下出場 run down 先~

4pm (最後一首 feat. 黃泆童) → Elisa + 信仰 → 蘇打綠 [驚喜!!!!!]→ Jun & fds (?? 總知有 band & 女聲 vocal 啦) [第一高潮] → kay → jolie (呢段失憶，唔知次序岩唔岩) → go glory → 張繼聰 → endy [第二高潮；全場到次為止先有一次勁嗌] → jordan → 黎亞 [最多人坐低之一，仲要維港有激光 show，d 人轉晒頭望向對岸] → 南拳媽媽 [可能因為經過頭先悶到發慌，呢到有個小高潮] → Alive [唔晒講都知勁啦，但洶湧情況令我有 d surprised，因為 band show 嘛，居然連 d 男仔反應都勁好！可能頭先真係悶左太耐，又唔係咁多人會 buy jay feel 的南拳媽媽] → 伍佰 & china blue [勁啦！我旁邊幾個女仔都話: 嘩！估唔到咁多 fans 喎！梗係啦，band show 喎！大把伍佰 fans 啦！我就識人喇，佢話 if 今年去都只係齋看伍佰 & china blue，又無張震嶽，所以唔去。全場開始 high 啦！最後一首，mavis，jun 同家強仲出埋黎！] → 家強 [無左 beyond 既家強依然好多 fans，我旁邊既另一班 'high fans' 就係啦！男仔勁跳，女仔喪嗌] → (此時好似已經 over run) mavis [mavis 出黎就勁嗌，臨尾仲有 surprise! mavis 自己都話係 surprise，我無看錯既話係呀 sam (李燦森) 同 lawrence (周俊偉) 出左黎跳同埋同 mavis 抱抱] → 綺貞 [好似有 d 萬眾期待，連 guitar 都係，d 人喪嗌 guitar 手個名！不過唔知係咪因為我地旁邊有好多綺貞既 fans] → 哈林 [尾二係 harlem，勁正！全場又喪嗌到勁跳到合唱，簡直好似壓軸完場咁] → 東方神起 [原來我地前面既全部都係神起 fans，唔怪得知咁細個啦 (p.s. in fact 係矮囉，因為一直我都有「隙」看到個台，之後前面幾個「高人」向右移後我都看到晒個台咁制 :p) 氣氛唔錯架，雖然人走左九成咁制，不過 d 妹妹同弟弟繼續喪嗌，ok 啦) → 完場啦！有煙花！好高呀！靚！

當愛已成往事

其實我唔係好識呢首歌，不過頭先係 office 悶悶地，client 收晒工，我地又放早，就放縱少少，上左 now.com 看番 tvb8 全球華人新秀。岩岩聽到一首歌叫「當愛已成往事」，d 歌詞都幾到位，真係幾想「點歌」，但又好似好衰咁。我唔係唔想 support 朋友，但有 d 野其實唔可以勉強嘛，唉........

可以點歌就好喇~ @_@

簡提絲的文藝空間最新更新

冬天刺激人的思維，引發人的創作靈感。
在公司無聊之時，看看窗外，觸發了寫作的欲望，靈感卻是零零散散的。分開了幾次的寫，結構不太連貫，其實只是有感而發的一篇無題散文。

願望清單~

平日除了 gmail 外，很少會用到 google，search engine 我都是用 yahoo! 的。

今日準備update 一下 blogger 的 user profile 時，發現了「願望清單」，原來 google 有一個叫 froogle 的東西給人 online shopping，除了有個人 shopping list 外，還可以有一個 public 的 wish list，讓你告訴親朋好友。我當然也把我的 wish list 寫進了 profile 中，也 link 在此！:p 有人以為放 link 在此是貪心的表現，我絕不是這樣的，我只是希望我的朋友能多點了解我的現況。

畢業後，雖每每都有 gathering，但朋友之間的了解始終未及從前，所以我希望可以把我的 wish list link 在這裡，讓我的朋友可以多一點了解現在的我！^_^

這一次的 wish list 有四樣東西，排名並不依 wish 的程度，只是我放入 wish list 的次序！第一樣是 evening dress，其實並不是要依圖所示，只是我希望可以買一條 formal 些的 evening dress。表姐下年籌酒，始終是 wedding，總希望可以穿漂亮一點！再加上上一次在 alfred 的彌月酒，看見很多從國外回來的女士都穿上不誇張但得體的 evening dress，感覺到是時候去「入貨」了！哈！我突然又想起了「旗袍」！

第二件是配 evening dress 的 pouch bag。說一個笑話，剛剛在公司 (現在也是 :p) 有點悶就想要去 update blogger 的 profile，然後走到 froogle 的 wish list，我本想打 pouch bag，只是手比較順的打錯的一個字母，想也知道吧，就出了一些，哈哈，在家就沒問題，在公司，就急急的關掉 window 呢！

第三件是一直想買的長 boots，不過還沒有想到買甚麼 style 的，現在常常穿的有一中短及中長 boots，還差一對到 knee 的長 boots，不過天生身高問題，還是要慢慢搜尋一下比較好！:p

最後一件是渴望已久的 3G mobile phone，不一定是 w900；再說下去，其實不是 3G 也沒有太大關係，也許 w800 也真的不錯！

2005. 12. 09 (Fri) Disneyland Hong Kong

終於係上個禮拜五去左 disneyland hong kong 啦!!! 原來都好多人架，不過唔係咁多大陸人，反而有好多好多「牛奶朱古力」人！即係咩? 咪南亞人囉，e.g. 馬拉呀，filipino 呀，indian 呀咁囉！總之有好多講「兩文三語」既人啦！(明明聽到佢地講 slingish 口音既英文，轉個頭就聽到 putonhua 同 s'pore 口音既廣東話啦~

In fact i found it very interesting to be in disneyland hong kong ar... really as interesting as in Japan! juz a bit smaller, but i thought it's better! 'coz i could play all the stuff inside!!! XDDDDD

oooohhhhh... yup! some of u may criticize that they don't have a toonsland in hk one.. only a garden for pic taking.. but frankly i don't really care.. 'coz i didn't take a single pic with the cartoon characters!! heehee~ my focus is not them~

also dun compare the different attractions with other amusement park or adventure playground... e.g. the space mountain with the roller coaster.. even in ocean park.. that's definitely not the same! disneyland = theme park, for u to enjoy! it's not an adventure playground for u to play! so to me... both ocean park and disneyland hong kong are attractive!!! ^O^

but of 'coz.... if the land can be a bit more bigger, that would be a bonus! 'coz i quite enjoy the feeling of 'ooo.... hurry hurry!!!! to play as many as possible'!! wahaha~~~

i would share pics taken and our 'route' later!

UPLOAD 左 d 相去 online album~

好耐無 upload 過，岩岩 upload 左 d 今年係公司影既相~
link 係 webshots 度~ id 係 candiceyeung03~ 或者係我個 web 度都有 link 架~

新 update~

呢排 update 左好多個 journal，哈哈~
計有:
1. 呢度，我 primary 既中文 diary~
2. 英文版，link 係隔離~
3. photo 版，link 都係隔離~
4. 台灣版，個 link 同隔離小菇一樣，id 轉做 sumika81 就得啦~

我將會有新 photo album 呀，記住 check out 啦~ 可能有你份添！:p
另外，我仲會 update 個 literature site，除左文字之外，仲會有 multimedia 架！

What Languages should you learn?

好耐無玩過 d online quiz，呢個係 gumyu 個 diary 度見到，好似好好玩咁，我既 result ok reasonable，佢個個勁 strange，叫佢學 chinese! 哈哈~

You Should Learn Swedish

Fantastisk! You're laid back about learning a language - and about life in general. Peaceful, beautiful Sweden is ideal for you... And you won't even have to speak perfect Swedish to get around!

What Language Should You Learn?

Y Blog 引發奇想~

越來越多形形式式既 blog，我 d blog 既總數已經多得不能再多，荒廢十年既亦唔少。雖然好似已經有好多人講緊呢個話題，我都係要講下我既看法: 呢個社會現象究竟算唔算文化現象?

唔太 serious 之前，先講下我既 experience 啦~

細個都未返學，媽咪就開始叫我將每日發生既事講「重點」比佢聽，佢會同我講番 comments 啦，同埋會講埋邊 d 其實唔係重點。大 d 之後，識字識多左，媽咪就開始叫我將「重點」寫低，呢個就係我日記既「鄒形」。到左返學要寫週記既時候，我記得我已經無寫日記，變左「交功課寫週記」，不過遇上難忘既事，都會寫下「隨筆」。以前返學，羅唔到「A」會好唔開心架嘛，咁高小之後，發覺英文羅唔到「A」，就出盡辦法去 improve 啦，我就開始用英文寫下野啦！有時寫完會比姨姨看，仲叫佢教我英文，點知姨姨唔知係咪自己都讀緊，竟然將佢讀書 d notes 羅黎教我，要我每日記低十個生字同一個星期寫一篇作文。因為我o個「一日十字」係要默書架，一個星期要記六十個！！我就只好每日都 mark d footnotes 咁，for instance 寫下點解會寫低呢個字等，幫自己記住。另外o個篇作文，topic 要自己想埋，有時因為唔知作咩好，就會寫下隨筆，譬如話呢個 week 發生左 d 特別事，有 d 咩感想咁囉，慢慢就變左用英文寫日記！不過我都無好好咁 keep 住 d 日記，雖然有時會羅番出黎看，但大掃除o個陣，隔幾年就會 dump，宜家都無晒小時候既日記嚕~ :P

升中後看左本名著 Anne’s Diary, 就學埋人地寫信比自己，我到宜家都有 keep 住 d 日記架，不過寫既野大部分只有我 or 我班 frd (即當事人) 先看得明。有時候係學校，上堂好悶o個陣都會寫下野，畫下野咁，好似 Kaman 同 Pinky 就成日改普通話書啦，又係 bio 書到畫野，仲好鐘意傳 paper 仔添~ 我都會架，我本 econ 同 bio 都好多公仔同「散文」仔，亦試過撕走 a.maths 簿既格仔 paper 寫信比自己，然後仲會夾番係自己本 diary 度添，不過所謂既 diary 就係係堂上面寫下野囉，所以都係 yw 本 blue 既中文簿，哈哈~ 雖然係咁，我都有本 melody 既 diary 架，有比過心機去寫，但一般來講，我會話比大家知o個本叫隨筆，因為通常都係比我發洩同寫我自己既想法。

一直到 S.7, keep 住寫左八、九年英文 diary，就有寫中文隨筆既念頭，雖則我 keep 住都有用中文寫下野，不過想寫既原因其實想練字，因為太耐無練字。最 crazy o個次，我係用毛筆寫小楷，不過因為所用既宣紙比較低級，發霉後扔掉了。

入 uni 之後，開始寫 html，加左個 diary 版，毫無疑問係 in english，因為o個陣既作業系統一般為英文，而我同 d frd icq or 我 d frd 既 web diary 都係 in english，順理成章咁用 english。不過其實‧‧‧Year one 既我唔知道 html 可以 set language，我用 English 既另一原因係因為唔會亂碼！:P

我既 web diary 一直都係自己寫既 html，到 d frd 用 ‘x’ o個陣我都有 apply 過個 id，for 留 message，不過宜家已經唔記得左當時既 id，所以換左 n 世。

Year two 既時候，有 uni 既同學仔同我講，話佢好用心咁看我寫既 diary，但就因為勁長既英文另佢興致大減，同唔明喎，咁我就開始用中文啦~ 當時既 web diary有兩個版本，一個英文，一個「半廣東話」(即是將廣東話用正統中文來寫，這句就是例子；正確的中文語法不是這樣的，看的時候要把「是」=「係」，「不」=「唔」，「的」=「既」等)。

之後「中文版」唔用 html，apply 過一個 online diary site，叫 ‘ej’，不過因為成日 down server，之後無用過啦，宜家個 account 都仲係度，不過無新 post。之後就用寫好既 cgi template，其實講真個句真係幾好用架，只係 host 我 cgi 既 server 係 free 既，flow rate 好低，搞到成日都看唔到 post。不過就梗係同宜家 d blog 唔同啦，宜家o個 d post 好多相都得。不過換換下，又隨住畢業，英文 diary 既 html 頁就十世都無 update過。

之後同班係外國既朋友仔熟番，發覺佢地看唔到中文，又開始番我「中、英兩版」既 online 世界啦。未興 blog 之前，我用 ‘x’ 寫英文，自己o個個寫中文，中英有時會一樣，有時又會唔同喎！

興左 blog 之後發覺，d 人會將自己既 film review 呀，current affairs 呀，even politics 都寫係自己個 blog，咁我又開多幾個同大家分享下 d 影像呀，文字呀咁囉！

就係咁，我就有 n 個 blog 啦~

講完，咁同今日既「議題」有咩關係? 梗係有啦，呢個係全球化既社會現象，男女老幼都寫 blog，唔同人寫唔同既野，不過，好似我上面講，有人當 blog 係 diary，只顧寫下自己先明既野，咁又為乜要擺上 internet 呢? 有人有 blog，會 keep 住寫，但唔會比 link 人，亦唔介意無人看！又或者「隱身」寫「真事」同「虛疑世界」中既「朋友」分享~ 我覺得呢 d 都係好值得去探討既問題！不過係 computerization 同 human relationship 既關係，咁樣又可唔可以印證到 alienation 呢?

另外就係所謂既「次文化」，大部分既 blog 都係用口語來寫，我見過 d 連講 current affairs 既 blog 都係，口語其實可唔可以「登上殿堂」，我真係好懷疑，不過又真係有 d 咁既 internet author！大家留意下就發覺好多好 hit 好 popular既 blog author 都只係中學生，講既其實只係學生平日會想到既野，老一輩所謂既深度係全部欠奉，最多只可以話佢地率真。呢 d 就係「二十一世紀」既「次文化」，同上世紀o個 d 又唔同 d~

二十一世紀講求 creativity，「創意工業」蓬勃，不過係 d blog 度，我見到 d 人有理無理，用個電話拍生活 snap shot 都擺出黎，仲話自己好有 heart，又話好有創意咁，可能我 react 得 strong d，不過我真係覺得有 d 小覷 photography，creativity 同侮辱藝術。如果o個 d snap shot 真係好有 heart，for instance某 d 街頭 snap shot係真係經過思考，我會好欣賞，只係好多人既 blog album 只係一 d 玩下「角度」同「色彩」既生活照，完全看唔到經過思考，就話自己係 pt photographer！

要講仲有好多，多到可以出 paper，如果你有心機看到呢度，好明顯你係好既朋友，仲應該係「志同道合」既好朋友，請你都思考一下呢個問題，或許我地可以交流下~ 假如你係現實唔識我，咁多謝你有心機聽一個陌生人吹水，謝謝！

最後都係賣下廣告，我黎緊會 post 去 trip 既相，不過唔好有太大期望，只係一般「到此一遊」相。仲有，我會 post 文同畫係 blog 度~ ^_^

掉了鑰匙的上鏈娃娃~

當了一個週末掉了鑰匙的上鏈娃娃，這個週末好多了~

可是 energy 還是不在這裡，energy 都用在想像中，沉溺於自我的空間中，上鏈娃娃像是靈魂出竅，飛到夢境裡，樂不思蜀。

唯一能把我扯回來現實的治療方法是 shopping，although 工作的時候我還是在現實中，可是 energy 都不在了。

shopping 的確很好，window shopping 也很有療效。只是，我畢竟是我。這一季，「發市」了，相對於從前第一擊是比較遲了，可是，份量很夠吧！(咦~ 不對，我早在七月，還是九月? 就買了 F/W 了，都忘了) 就像 Steve，已經「自己私自買入」一件 burberry sweater，原來從前的小弟弟，成年身分證也已經拿了差不多一年了！

可能是從十月中開始就「頻頻樸樸」，身心都有點承受不了的累吧！就連生日，也是半天在台灣，半天在香港過呢！天氣又開始轉寒，(我在台灣就開始轉寒了，在紹興就更只有十度左右吧，所以對我說已經「嚴冬」了好一陣子) 腦袋也想着要冬眠似的，整個人也嚮往着一種慵懶的感覺呢。所以，shopping 像是最好的治療良方，治的不是懶惰，而是滿足「慵懶的感覺」。

我已經盡力的抑壓 shopping 的欲望，因為交了 insurance fee 又做了 time deposit 後，「流動資金」真的少了很多很多，量是少了很多，質卻。。。反正總數可能比前還多一點吧 :P

夏天以後的戰利品:
M152501, AT Green Wool Blouse, AB Jeans One piece

好忙~

工作很忙，近幾個禮拜 OT 了很多晚，今天剛剛趕到尾班車回家！

上星期五，終於熬不住，頭暈暈的，又痛又脹似的，不想也知道是太累了！請了一天假在家休息。

可是今天下午開始，眼睛很熱很熱，感覺好像發燒一樣，可是我的額頭是冰的喔！！肩膀也有點僵硬和疼痛，可能感冒真的要來了！:(

第一次，有因為太忙而想休息的感覺！

但，無藥可救的我，還是留意着我的日劇！

P.S. 台灣之行暫定十月中，是次去台北跟台中。主要任務有三，一: 美其名開會討論，實際上應該是去當擋箭牌，背黑鑊　:( 二: 威逼利誘客戶簽署"資料正確確認書" :P 三: 簡報會。雖不能說全是難啃的，可一定稱不上美味！可憐的我！請容我在此自憐一下吧！

新加左個留言區呀!!!!!!

新加左個留言區呀！
不斷咁留 comments 係同一篇，感覺好奇怪，又唔係講o個篇既內容喎，所以都係加番個留言區係度！
click 下去看看啦！^_^

電車男 Train Man

Finally watched "Train Man"!!! Excellent!

It's really worth to take a bus to Mongkok for just a movie (and of 'coz a semi-lunch-tea :P)! Personally I found the movie version much better than the TV one; perhaps all 'coz Takayuki-kun! He's really excellent! This is my first time to watch him in such a 'modern' look, I mean REAL MODERN and fashionable. All his TV dramas portrait him as a high school kid or similar age, I could only see him dressed like that in magazines lei!

And... one very impt. thing: Even when he played the role of 'otani', it's more comfortable to "see" it than the TV version. I really can't stand the "TV guy"! One more episode I watched, more I wonder how he could be an Artist! Well.... doesn't it mean he acts very well? haha~ I don't think so. Takayuki-kun also acts very well lei! ^_^

Alrite, I admit la.. I really like watching Takayuki-kun acting la! Great guy! My 2nd "suki" lei~ My "dai-suki"... definitely goes to Tsumabuki-kun!!! :-D wahahaha~~~

It's too late tonite... for me to write MY REVIEW! Now.. I'm going to bed and write later! :D

~~~~~~~~~~~~~~~~~~~~~~~~~~~~~~~~~~~~~~~~~~~
Esp. to 'anonymous': I got your message. What did you do indeed? Very serious? You can leave msg again; see if I could help / just share your burden! :) You can really treat me like a 'Father'; no nun please!

問與答

係一個師妹既 xanga 到發現左呢個"問與答"，好耐無玩過，所以填下~ :p

姓名? Yeung Ka Yi Candice (aka Candy / Sumika)
性別？　女
出生日期？　 10月26日
星座？　Scorpio
職業？　Engineer

有沒有戴眼鏡？　有~ 去街都會戴下隱形眼鏡
有穿環嗎？穿了多少個？ 無~ 不過想穿耳，因為 d 耳環好靚~
現在戴的是什麼牌子的手錶？　宜家戴 citizen xC, 以前戴 Hello Kitty~
現在是長髮還是短髮？　medium~
有染過髮嗎？如有，染過什麼顏色？chestnut，啡，紅同紫都試過~
最喜歡什麼顏色？　一般黎講係 purple 同 baby blue 系~ 著衫要黑~

有在減肥嗎？　一生使命
最喜歡的食物？　甜品

最討厭的食物？　田雞同所有野味
最常吃的是零食？　其實無乜"常吃"，勉強可以話係 chestnut or 小饅頭，不過呢幾個 weeks 係公司多左吃薯片，因為 pantry 有~
最喜歡的飲品？　日本煎茶，麥茶同咖啡
有特別喜歡哪一家食店嗎？　"Starbucks / 滿記同滿屋" 算唔算?
飲酒嗎？通常喝什麼酒？　好少，屋企間中會開支紅酒；家庭聚會唔係紅就係白，or beer~ 同 d friend 去街最多飲 cocktail，Pina Colada 之類就最o岩~

最近買的音樂專輯是？　Yoshiki Eternity Melody II
近來最喜歡哪首歌？　Tokyo, Realize, Kizuna,
最欣賞哪一位歌手？ 歌手既話~ 勉強可以話係千嬅，上戶彩同 endy；group 既話就多 d~ X-Japan, L'Arc~en~ciel, Luna Sea, Kent, Coldplay etc. 　
覺得一首好歌最重要是什麼元素？　 純粹鐘意
去唱Ｋ的時候，哪一首歌是必唱的？　宜家無~ 以前係 JOEY 同 CECI 既歌~
最希望參加哪一個歌手的音樂會？　無特別~
有學什麼樂器嗎？ 有幾樣~ 不過都無"在學中"~ 鋼琴, 電子琴 (真係學過，以前逢暑假就學電子琴), 古箏 (跟媽咪學過 d basic 野, 簡單既單曲 ok~ so far 我記得係去到簡單版"香江花月夜"個個 level), 牧童笛算唔算? 小提琴同結他自學過 d basic~

最喜歡看哪類型的電影？ 劇情片，愛情片，勵志片
喜歡在家看影碟還是入電影院？　吸引到我去戲院睇o既我會去戲院睇, 自己都會買大量 vcd 返屋企睇
最近入電影院看的是哪一部電影？　The Skeleton Key
承上題，看完有什麼感想？　都幾驚 (我膽小嘛) 不過唔明個故仔既 meaning 同 skeleton key 有咩關係
有在期待哪一部電影嗎？　電車男電影版 (尋找中 :p), 妻夫木聰同竹內結子個套~
覺得最印象深刻的電影？　Gone with the Wind
比較喜歡VCD還是DVD？　當然係DVD, 不過家中無 dvd 機，以前用電腦播，宜家部 laptop 無左 dvd drive, 所以最近比較喜歡 vcd
最喜歡哪一位演員？　太多，不過日本居多囉~ 妻夫木聰，竹內結子，柏原崇，藤木直人 etc.
敢一個人看恐怖片嗎？　唔敢, 一定要有人陪, 係驚又要睇o個隻
請說出一句你最喜歡的電影對白? 無喎~

最喜歡的漫畫家？　冇
現在還有追哪些連載中的漫畫？醫龍，琴弦森林
喜歡哪一套動漫畫？　都無~
通常看少女還是少年動漫畫居多？　兩樣都睇
覺得有哪一套動漫畫是不可不看的？　無~
最喜歡的動漫人物是？嗯~~~~ 無~
對於漫畫的18禁封條的第一個反應是? 我未睇過o個個封條~ 漫畫一般係我細佬買~
請說出一句你覺得很經典的動漫畫對白? 無~

最近買的非漫畫書籍是？　教科書同雜誌唔計既話，應該係一本日文書 "grand finale"
最喜歡哪位作家？ Virginia Woolf, Charles Dickens, Oscar Wilde 同 Byron~ 宜家既應該係宮藤官九郎同片山恭一~
比較常看哪幾類的書籍？ 好看就看~ 常看比較"正經" d 既書~ 比較不常看沒意思的書，笑話之類，散文
下一本想買的書籍是? 宮藤官九郎池袋西口公園既日文版~ 同一本 Byron 既詩集
有定期買什麼雜誌嗎？　有, 香港: Monday 一般都買~ unless 到 Monday 都唔既得買~ Milk 係每個月都總有一次~ 日本: Mini 一般兩期買一次~ with 同 more 就兩個月買 either one~ 有時可能買 spring instead~ 其他: Glamour UK 版~ SCHOENER WOHNEN (德文 DECORATION 雜誌)~ 唔晒買 BUT 期期看: BUSINESS WEEK ASIA 版~ CEO WOMEN 版~ SCIENTIFIC AMERICAN 同 N 本 ENGINEERING 既 MAGAZINE~
覺得有什麼書是人生必看的？　嘩~ 我無咁勁喎~ BUT 我覺得作為一個人，一 D WORLD HISTORY 既知識應該要有~ 中學 HISTORY 讀得麻麻既話 (好似我咁)，就可以看番多 D 呢 D 書~ AND ALSO AS CHINESE， 中國歷史可能要知多 D~ ESP. 近代史~
答了一半了，請發表感言。　冇咩感覺

一眾服飾之中，你最喜歡買哪一類？　casual wear, 好似 MINI 個 D~ 不過因為返工關係買多左formal d or 女仔 d 既衫~ 開始鐘意無咁 casual 既 casual wear
最喜歡的服飾品牌是？　勁鍾意日本牌子, 經常性o係I.T.買衫; high fashion 都鍾意~ 勁 buy Paul Smith 同 LIMI feu~
覺得哪個服飾品牌的產品一生終要有一件？　最近係 Paul Smith 一條裙~ 一直覺得係 Hermes~ (不過唔係 birkin or kelly，呢兩件，我居然覺得好濫)
覺得哪個服飾品牌的哪件產品最不值得花錢？　Louis Vuitton
買衣服通常會先考慮哪一方面？　價錢, 不過價錢會因唔同因素有唔同o既指標

現在在用的手提電話是什麼型號？　Innostream 90
在用怎樣的手機鈴聲？ 阿桑既'葉子'選段
現在最想換哪一部手機？　Sharp Vodofone 日版 903SH or Sharp Smartone-Vodofone SX833
覺得手機最大的功用除了通訊外，還有什麼用？　send sms, MMS, 影相, send email (夢寐以求... 唔貴既話可以勁 SEND)~

外出時有什麼裝備是不可不帶的？　wallet
有沒有遊戲機？　有部淨係得細佬玩o既PS
最喜歡玩哪一隻遊戲？　唔打機的~

最希望去哪裡旅行？　日本
覺得自己跟什麼圖案最相配？　圓圓地o既o野
有收集什麼東西的習慣嗎？ Bookmarks, 扭蛋屋 同少少 Hello Kitty
口頭禪？　 我自己唔覺有口頭禪，不如你話我聽~
是自己一個人住還是和家人一起住？　同家人
房間中有貼海報嗎？　無貼~ 不過有擺~ 一張係 1999 UST ESC~ 一張係 Dr. Pola (pianist) 既簽名海報
覺得家中最難看的是哪一件擺設？　本來可能要掉~ 但又唔得閒執個 d~
現在最想買哪一件家庭用品？　冇, 首先我想要間屋

有沒有想過離家出走？　細個冇，大左反而有~
如果要自殺，會用什麼方法？　反鎖係車內~ 因為 carbon monoxide 會紅彤彤的~
覺得什麼類型的人最討厭？　 似呀邊個邊個~ 來自外太空既一族人~ (唔明留 comment 比我啦~)
如果可以殺掉討厭的人，會用什麼方法？　唔會咁做~

最希望學哪一國的語言？　already 學緊日文同德文~ 下一種想學係法文同意大利文~
有什麼怪癖嗎？　唔清楚~ 怪癖~ 唔係通常都唔覺既咩?
覺得愛情重要嗎？　重要
覺得最佳的戀人最重要是什麼特質？　唔定架喎~ feel 黎架嘛~

想結婚嗎？　一生一定想~ 不過唔係宜家~

最喜歡哪一個季節？　我鍾意秋天同冬天
最喜歡什麼花？　滿天星~ (好奇怪)~
最喜歡什麼節日？　聖誕節
有養寵物嗎？　絕不~
相信占卜嗎？　信信地, 所以唔太去試~ esp. 看完 skeleton key 之後~
對什麼有恐懼症嗎？　黑~ 密室~ 失敗~
你覺得『幸福』是什麼？　還在摸索中~
你覺得世界上最重要的是什麼？　屋企人

相信世上有神嗎？　信
覺得自己死後會到什麼地方去？　我都想知~ 我希望係天堂~
不開心的時候，會用什麼方法去發洩？　喊，大叫~ stay in my own room in the dark!!!

覺得自己像什麼動物？　無~
如果有下世，希望是什麼國籍血統的人？　我有想過二種~ 一係日本人~ 二係歐洲人~

有什麼想對在看的人說嗎？　多謝你~
現在的時間是？　22/09/2005 22:58
完成了，感想？　終於可以 boot 機~

終於回來了~

我回來了!

其實我並沒有離開香港，只是離開了 blogspot 一陣子！

看到上一次留言的時間，我也覺得很驚訝，不太能相信我有兩個多月沒有來過這裡。

七月初，公司來了一位新同事，少我一歲的男生，是最後幾個來見工的考生，算是男生當中最 smart 的一個，所以說，來見工之時，我們大概已知道七八成。很巧，他的女朋友好像是我中學的師妹。

七月初/中，我到了台灣一趟，三天，做了一個簡報，還有一個大會議跟一個小的。

七月尾，德文考試，Start Deutsche II，難得的，LISTENING 拿到了滿分，READING 跟 WRITING 也很好，不過 SPEAKING, WHEN COMPARED WITH THE OTHER THREE, 略遜一籌。說真的，考試的時候，只有我一個考生 (本來應該是兩個的)，他們找了一位新老師來跟我對講，她說的我都聽懂，可是跟我們在班上練的，當然差了好大的一個距離，令我有點力不從心，感覺有點像啞巴。我想要多練 SPEAKING，現在，每一天，我都會找些時間用德文跟自己說話！

八月初，公司來了另一位新同事，跟我同齡的女生，更巧的是，她是我一個小學同學的中學，HIGH DIP 跟大學同學！

八月初，得知跟我同期的同事要離開公司了，轉到一家國際大公司去。

八月中，JOE 終於回香港，久違的一次 K 聚會。

八月中，很久沒有約出來的 EEIC 同學，到了「笑笑屋」晚膳。

八月中，又開始在日經的日子，這一次是高三，老師叫 EMMA。文法其實都學過了，只是也忘得八九，再學一次也是正確的選擇，至少在上研究班時不會那麼吃力！上學後，有一重大發現！看日劇，連字幕其實也看得懂八成，沒字幕，某些情況還可以聽個七成，可是‧‧‧「聽解」練習卻很難喔！要聽很多次才可以把整個對話寫出來，再看寫出來的東西才可以明白，有點覺得奇怪。不過我會繼續努力，摸索一下。

八月中，攝影學會聚會，各人生活都很好似的。

九月初，同事離開公司了。

九月初，最後也沒有報名今年的日文二級試，還是明年再說吧！

九月到現在，還是沒甚麼特別的東西，生活還是一樣，日劇還是一樣的看，這一季是: SLOW DANCE (一定要看，因為有‧‧‧妻夫木聰)，現在很想看你 (深情之作吧)~ 電車男，不過只看到一半就沒看了！龍櫻，本來沒打算看，只因為「等」「現在很想看你」的時候來看一下，就看下去了~ (山下智久，我還是很喜歡看他演戲) 一起努力，本來也沒想過要看，因為田中麗奈演的電影不是太吸引我，只是有一天，想看看鈴木杏，所以看了一集，就這樣看下來的！

還有，把之前的「不良少年回母校」跟「STAND UP」也看過一遍，可能是這樣，令我很想看山下跟鈴木，所以又看他們今季的 DRAMA 吧~ ^_^

原來成個月無 update blog~

呢一個月發生左好多野，都係 d 瑣碎既事~
blog 既野，我改左個 blog 條 link，因為我發現原來公司有同事從 msn 中得悉呢個 blog，所以就~~~~~

公司無咩特別，係多左個 "joke man"。呢個詞係我作既，我唔知岩唔岩架，因為呢個人唔係搞 gag or play jokes，而係佢自己個人製造左好多 jokes 出黎，超好笑~ 可能你地都聽過晒，咁我就唔再多講啦~

appraisal 係六月中做左，今年既 comments 同舊年既係 180 度唔同，ok 啦！可能做左兩年野，開始心態上有 d 唔同，開始見番自己條路，d fog 慢慢散開緊。

讀完三年大學，做左兩年野，先清晰自己當初點解要讀 electronics。何解? 因為我一直處於一個自欺欺人既 situation 當中，本來就已經唔係好知個 answer 係咩，仲一路「催眠」自己，到最後連最初 vague vague 地既 answer 都唔記得左。

原來讀 elec 只係為左 interest，雖然呢個 interest 客觀既 level 可能同人地差唔多，但係我既 interests 裡面可能只係佔有好少既位置。

我仲有更多想做既事，於是，我係 "engine 界" 可能只係一個過客，亦有可能係一個要依賴 engine 生存既人。宜家既我仲未知道，我只知道為左生存，我要做好宜家要做既野；為左將來既生活，我好努力咁去學習同 equip 好自己。

日劇~

岩岩 update 完 xanga，講左 d 日劇~ (本來想講埋日劇「俳優」但太長，所以 split post)~

想 repost 係度:
最近正埋頭苦幹的「煲」日劇。我很喜歡這個廣東話，詮釋的很好！因為不只是看，而是像「煲湯」一樣，第一沸之後慢慢地用細火熬出精華！日劇的鋪排跟香港的很不一樣，第一集是為「故事大鋼」，通常會把故事的主題完整呈現，讓觀察了解該劇是否「可看」，也會加進一些吸引觀眾注意力或是引起觀眾「追看」的元素，可視為一個小高潮。然後觀眾可以根據第一集的喜好程度去選擇繼續支持與否，也正因如此，如果你當真喜歡那部劇，你會巴不得一下子把它看完，我想這是日劇成功的其中一個因素。在過了第一沸之後，劇情的張力也會變得柔和一點，在你把整部劇看完的過程中，你不只在看故事 (就是劇情)，你會慢慢的把故事背後的訊息也吸收。日劇不只是鋪排跟香港不同，連對劇本身的作用也有不一樣的理解。日劇除了是娛樂觀眾的其一媒介外，它還是傳遞訊息的最佳媒介選擇。日劇編劇都喜歡把不同的訊息透過劇來呈現在觀眾面前，這些訊息通常都是顯而易見卻無人深究的社會問題。他們要傳遞的是一個問題或社會現象，不會加入太多自己的觀點，不會把問題加以嚴肅的討論，不評好壞，只希望透過影像，讓觀眾正視這麼一個問題。任何年齡的人都可能是編劇們的「目標人物」，想年青人思考的時候，他們會用年青人有共鳴的背景或題材，也會放在年青人會看的時段，日本的劇是一季的，三個月的潛移默化，看電視不求甚解的人也會領略到背後的意義，這就像是熬出精華一樣喔。日劇成功在於它能令人「煲」，不單單是一齣，而是整個日劇文化！

呢到有 d 我推薦既劇同少少感想:
為這一次的「煲日劇潮」打頭陣的是「H2」！看「H2」，多半的理由是山田孝之，其次是棒球。安達充的作品看過不少，唯獨 H2 沒有看過，所以改編得如何無以比較，個人還挺喜歡這樣的一個故事！看棒球讓我想起壘球，很久沒打了，很想再試試揮棒的滋味！劇中各人的演技都很自然，看起來讓人感覺很舒服，像真的跟他們一起奮鬥。看完「H2」，喜歡上石原里美，一個很清純的女生，在日本藝能界算是久違了。石原里美在「新赤的疑惑」中演山口百惠的角色，氣質也真的有點像呢！

好多人都知既事實 -- 我係 Water Boys 既忠實支持者:
接着是 Cable TV 播的「Water Boys 2」，這一次主角是市原隼人，還有中尾明慶跟石原里美 (也有在 H2 演出) 。上年已經看過頭四集，很好看，無奈找不到第五集所以放棄「追看」。上年看 Water Boys 2 之前，一直覺得市原隼人很 hip hop，看過後覺得很搞笑，今年看卻覺得他有瀧澤的味道。(雖然媽媽完全反對！) 上年看的時候是第一齣看市原的作品，覺得他演戲有點 over，可能演技還稚嫩吧！可是今年重看的時候，真的大改觀。這一年看過他從前的一些作品，發覺 variety 很多，演得都不錯！可是十四歲開始演戲，會不會沒有了自己的個性呢？看過他上一些綜藝節目，都是開開朗朗，有點傻氣的，我想這麼的一個高中生角色，可能只是演回自己吧！當中的「憂鬱靜思」look 應該也是自己吧，跟第一次演戲的角色很像。(如有興趣可看岩井俊二的「青春電幻物語」) 還有，我發現，在「可愛親人」中的高中生角色也是「同出一轍」，應該是他自己啦！

俳優

承上「題」，講下「俳優」啦:

媽咪話今次既 Water Boys 唔吸引，因為 d 男仔好普通，無特色，唔能夠令人留下深刻印象。我同媽咪話，Water Boys 2 有多 d 公認既靚仔喎，媽咪好 surprised，係我講完邊幾個後，佢話: 「靚 (四聲，音同 len) 仔囉，個樣都幾標緻但就係無乜性格」，因為之前同媽咪講開話森美叫人唔好再 only「潮」而唔識乜也係「型」，媽咪續說: 「可以話 only 潮但唔型啦」因為媽咪係木村 fan 既關係，媽咪話木村就有自己既性格啦，我話木村咁老梗係啦，媽咪就話木村細個陣都有種氣質喎！

媽咪話 Water Boys I，五個都好突出，好令人記得！講講下就討論到 star，actor/actress，artist, model 等等既分別！媽咪話，山田孝之同森山未來都有種可以擔正既氣質，雖然年紀尚小 (compare with 木村等)，仲好 baby face，但 baby 得黎有種 mature 既感覺, 看下佢地已經擔正做戲 (movie!!) 啦！媽咪話呢 d 就係 artist 唔係 only actor!!!! 媽咪話，有 d 人做戲做得好好，但無左 artist 既氣質，所以只可以係 actor/actress (亦可套用係 d 做戲唔錯既配角身上，做黎做去都係做配角，因為無左擔正既氣質)。媽咪話有 d 人無咩個人特色，但可塑性好高，所以好岩做平面 model，可以散發出 designer 想要既味道！

除左 artist 既獨有氣質外，我同媽咪仲傾到「型男」，之前已經同細佬一起談論過 (well.. 母子女三人在酒樓論日本型男... heehee~~ @_@)，因為發現一路以來出產唔少「型男」既日本近年減產實在太多！型男要有既氣質係咩呢? 氣質好抽象，可以舉下例子！媽咪除左木村之外仲鐘意藤木直人，一個公認既靚仔型男！「型」有好多種，絕對唔係所謂既不覉就係型！

木村個隻，依媽咪既見解叫「帥」，五官比一般人協調，所以覺得靚，但佢個人好有自己 style 所以好型，視之為帥！

未出事前既窪塚洋介就絕對係型！其實宜家都係，因為氣質唔會變，只係太瘦，瘦到好 skinny，外觀上有稍微影響！

藤木直人算係「唯美」派既型男，好明顯，佢係「美」過木村，雖然佢 d 皮膚差 d，但美唔代表 sissy，亦唔代表中性，佢個樣都仲係男人樣，只係五官好標緻。但佢有種型既氣質，所以年輕時你會覺得係美少男，年紀大左，一樣好型！

最後一定要提既係柏原崇！！柏原崇係我永遠支持既 artist，佢係日本最後一個美少年！媽咪唔鐘意呢 type，但佢都話柏原崇好有氣質，呢種氣質由初出道，94 年既情書已經 feel 到！呢個氣質可能同佢屋企有關，佢細佬柏原收史都有，不過無咁勁！

講番宜家既日本演藝圈，陸陸續續上位既，真係無一個係以上所講既「型男」。妻夫木聰被指搶走左好多木村 fans (sensei 告之的日本近況)，雖然我好鐘意妻夫木聰而對木村無特別喜好，我都覺得木村應該係型 d 既！妻夫木既型係透過角色 or 硬照 post 表達出黎，而唔係齋企係度都有，木村係被人偷拍到湊女都好型，相反妻夫木被人拍到去行街就真係男仔一個，最多多 d artist 既氣息。但有一個就有木村既呢份味道，佢叫「塚本高史」，值得留意下，我之前其實已經提過啦！（日本一型男選舉呢，排第二的）

F4 最近登陸日本，反應唔錯！n 年前隻「流星雨」，唱功唔多好不特至，連個 cover 既都好嚇人，係得仔仔最 ok，咁都入到 oricon 十大！仔仔應該係反應最好既一個，之前日本一大百貨公司既白色情人節就係搵左仔仔做代言人，去年係 Gackt，何解佢地咁 buy 仔仔？因為佢地搵番日本失去好多年既真正「美少年」！ 柏原崇到宜家 27 歲多都仲比人話係「上世紀日本最後的美少年」就係因為後繼無人，當然亦因為柏原崇到宜家都仲好型好看得啦！日本美少年其實唔係指中性人，亦唔係妖男 (e.g. 好耐之前提過既成宮寬貴)，而係有氣質有性格，五官標緻，相貌優美，有 d 陰柔但又不失男子氣慨既男仔。日本以前出好多「美少年」，(註: 聽說三浦友和當年也算是美少年) 代表既當然係藤木直人啦，之後就係柏原崇啦！仔仔算唔算繼柏原崇之後，日本演藝圈又再次出現美少年呢? 咦~~~ 有個共通點喎！藤木直人同仔仔都係演花澤類出道架！！係藤木直人演完電影版「花樣男子」之後，聽講日本o個邊成日有人想拍 tv 版，唔知點解最後無啦，but 我肯定當時 90% 以上既人都係 choose 柏原崇做花澤類架！！仔仔，唔晒講啦，台灣版花樣男子「流星花園」既花澤類。台灣出現「流星花園」後，日本雖然未有得看，但已經有人係 web 度「希望」日本有關方面可以拍日本版既 tv，每個角色都有幾個人選既 suggestion，唯有花澤類，絕對唯「柏原崇」獨尊！

Well~ 我想可能花澤類係日本人對美少年既憧憬，所以係一個 sterotype，於是第日係街上，見到一個好「花澤類」既男仔時，我地可以歸納o個個人 as 日本美少年 type。不過，姐妹們要小心，因為花澤類「紅」左，你要留意o個個人係咪「扮野」定真係個人散發呢種 feel。

唔好以為流星花園 out 左，係日本，只係岩岩開始；又或者係仔仔係日本既開始，「戰神」又將降落日本。