夏天到了~ 換一個新 template 先~

夏天到了，之前既 template 太重 girlish pink 味道，換番個新 template 襯番夏天先~

本來想自己整番個 template，但自己又衰，唔鐘意分開幾次整，想一次過整個"算係完整"既 template 先，details 可以慢慢加，但我鐘意一 update 就 update 晒個外形同 STYLE 先~ :P

結果，眼高手低，過左咁多個 WEEKEND，無一個星期日乖乖地係屋企整。人，畢竟係比較有惰性既動物。

好!! WEB 既野遲 d 再算，呢期繼續講翻下 D 日劇先！

公司黎左個新同事~

公司有新同事啦~ 做 admin 既工作~

if 我無記錯，佢好似係我 boss 最細既妹妹~ 之前我地已經 kind of "employ" 左 boss 既弟弟 as I.T. Consultant, 幫手做 d 同電腦有關既野，我見有 name card 印左，不過唔清楚 details~ 公司既 network 就係由 boss 既 husband 個弟弟負責~ (-0-) <- 最新"o"型嘴 + 無眼看 look~

嗯~~ 小心駛得萬年船喔~ :)

更正~~~

尋日搞錯左~ 市原個套日劇先至係野島伸司既~ 所以有一種以前同一屋簷下既感覺，亦有 orange days 既青春氣息~ :)

至於套瑠璃之島呢(竹野內o個套)，係改編自一本「催淚」小說~

岩岩看完新一集瑠璃之島，開頭個半無乜野，只係最尾既三個字，已經用左三張 tissue (一包包o個隻，唔係一盒盒o個隻)~ :P

宜家看市原個套~ :) 因為今晚係星期五，有時間，所以由頭再看過~ :P

日劇依舊好好看 + 期待 SUNDAY 試機~

尋晚看埋兩集 tbs 家庭劇，今季我想看的日劇已經看晒，follow 到o個邊個進度，咁岩兩套都係星期日做，宜家要等等先有得看啦~
cable 又播冰之世界，竹野內豐都係咁樣，看黎唔見佢一排，都完全無老到喎，keep 得都幾好~ 但究竟呢幾年佢忙 d 咩呢? 雖然我都好留意 j-pop，但佢真係好「低調」喔~
唔~~~ 唔知「義經」會唔會出有 subtitles 既 dvd 呢? 我好想看日本既古裝片呀！我 only 看過卡通古裝咋!! 不過咁多集咪會好貴囉，唉!!!
仲有‧‧‧無啦~ 無咩特別野想看，會去搵三隻竹內結子既 VCD~

KAMAN 買左 N1 啦~ SUNDAY 去試機，如無意外我應該會一齊去~ 影咩好呢? 我又想影 LANDSCAPE 又想影人~ KAMAN 話去西貢影，去西貢邊度好呢? 定係去南區? 之前話唱 LUNCH K 嘛，咁我地可以係香港仔 NEWAY 唱 LUNCH K 再去 D BEACH 度影呀~ :)

我突然想，DISNEYLAND 開幕之後，一定要一齊去，仲要兩日一夜個隻，狂影相~ 哈哈~ DISNEYLAND 好靚喔!!

Liverpool!!!!!!!!!!!

尋日都唔記得講下 Liverpool 添~

Liverpool 同 AC 我都鐘意呀，咁點算呢? 就係唔好想咁多囉~
AC 輸左，有 d 可惜~

但 Liverpool 贏左，我又好高興喎~ :P

Liverpool 好勁，下半場先追番咁多~ 但 AC 又好慘喎，教練話十二碼輸波，雖敗猶榮，但教練講漏左佢地下半場比人連追三球呢~

開波之前，我都係決定支持 AC 多 d，因為 d 人鐘意 d~ 我 like Italy 嘛~ :P
但打完之後，我終於發現我鐘意 Liverpool 呢個 "team"，好似媽咪鐘意 Man.United 咁~ 亦會鐘意其他球員而支持佢既 team~

所以~ Liverpool 贏左好開心，AC 輸左，我為O個幾位球員傷心囉~

不過 Liverpool 無機會衛冕好可惜!

終於將上個月影既證件相數碼化~

上個月去攞回鄉證個陣影左四張證件相，距離上一次有一年多，宜家仲有三張係屋企~
我覺得影得我好細個，我怕以後我回鄉都唔可以戴眼鏡~ 不過我細佬話無喎，佢話佢張 HKID 仲細~ 咁又係，我地一齊出街唔可以去打機 OR 投注站，實比 SECURE 查身份證~ :(

唔敢係公司 SCAN，所以就用部手提電話影低，哈哈~ 跟住就順便自拍下，對比下我呢個月有無變先:

me@回鄉證

me@home~ Tonite! 26/May/2005~ 

有無變呢? 好似無乜~

好!! 宜家要繼續我既日劇啦~ :)

2005.05.25 再戰~

今日 kakin 過左黎食 lunch，去左 city super 食韓國野，我要左 kimchi 拉麵，可能我胃寒，呢幾日都唔舒服既胃係食左 d 勁辣既 kimchi 之後竟然舒服左好多~ 行左一陣 city super，想好左要煮豆腐！

放工，搭正 6:15pm 去到 bus stop，無晒人，都係趕唔切班車，結果等左 15 mins.，等緊車既時候想緊煮咩好，想「滾湯」，上到車，打比 daddy，原來仲有湯係雪櫃到，所以 daddy 建議食飯盒，佢食燒味飯，我食兩送飯，因為可以同 daddy share~ ^_^

返到屋企，沖涼，煲翻熱 d 湯， 等爸爸返黎~

上網，同久未連絡既小學同學 icq，約左要出黎食下飯，gather 下~

食飯，將 d 送同爸爸 share；食飽，乾淨利落，只係需要洗下個鑊 (因為用黎翻熱 d 湯)~

返入房續戰我既「青春電幻物語」，決定由開頭看起，跳過一 d 記得既部分。看真 d，o個時既市原，好細個呀!!! 雖然 d 衣著已經有個譜，唔肥，又唔太瘦，不過塊面仲係典型日本小朋友咁圓圓地有 d baby fat，眼細細，好 cute 喎。反而蒼井優就無乜唔同，可能因為女仔到二十歲都可能有 baby fat，所以無咁覺有變！咁又係，看看 00 年既我同細佬先~

Steve & I @ Uncle Sammy's Wedding~ Year 2000!

再看看我同細佬既近照:

Steve & I @the Peak~ Year 2004!

Steve 係咪變左好多呢~ 瘦左好多 (將兩個 extremes 比，我想有 20 lbs!!!!) 同高左！我呢~ 就無咩啦~

再看下 01" 同 04" 都係去 macau 既相:

Me @macau 01"

Me @Macau 04"
哈哈~ 係咪無咩變呢~

咦~ 點解講講下變左 post 相既~ anyway，好看的 movie，不過未必個個鐘意~ 超級岩井 feel，呢個 feel = 岩井~ 同 "無里頭" = 周星馳 同一道理~

係 finish 呢個 movie 之後就再煲日劇，好看喔!!! (好似無咩我話唔好看呢? 梗係啦~ 我有篩選過先看架嘛~ 咁搵得返黎看既都係有期待架啦~ 家庭戲~ 感人!! o個種傷痛既感覺仲勁過竹野內個套，不過無 cry~ 究竟係 d 演員既問題定係導演呢? 我要研究下呢個問題~ 話時話，點解日本連 d 童星都識做戲過香港 d 大人?? 仲有個香港個 d 主持，究竟識唔識講野架? 點解介紹下野都可以咁「作狀」，仲話去拍戲喎，唉~ 咪好似 f 小姐咁囉~ 本來我好想看套學警既 tv 架，但呀 f 小姐令我好頭痛~ :(

2005.05.24 岩井俊二 + 市原隼人

無咩特別既一日，要自己煮野食，本來今日食得好飽，唔想食晚餐，but 又好似唔係咁好，就煮左個買左好耐都未食既低脂拉麵，好味呀!!! 結果食晒，一共 360 大卡~ >_<
既然食左個好想食好耐但之前又因為種種原因無食到既麵，我就打開左個 cd/vcd 櫃，想看一套想看好耐既戲~
可能因為看開市原隼人，我 choose 左「青春電幻物語」~ 買左一段時間，當時係係 newspaper 度知道岩井有套新戲叫「花與愛麗詩」，有我喜愛既鈴木杏，岩岩又係 d newsgroup 度見到有人討論緊「情書」，所以就想買套岩井既戲去看~ 本來想買「四月物語」，但見到「青春電幻物語」有市原隼人就買左啦~ 我覺得岩井拍「十幾歲」既人拍得好好~ 但有好幾次我想看既時候都唔能夠下定決心，總係有好多其他戲 distract 我~
今次終於係看晒 water boys 2 之後，極度期待市原隼人係「青春電幻物語」既演繹~ 開左 power dvd，繼續躺係張床到，不過‧‧‧果真係岩井呀，單單一個 12" mon. not enough to be 個光源，看得都幾辛苦，而且套 movie 係真係要用心看，要完完全全投入去看先 follow 到個 rhythm，終於係差唔多夠一隻 disc 既時候停左佢，決定先訓覺，明日再戰！戰埋今季 tbs 家庭劇「あいくるしい」~ 除左市原之外，仲有綾瀨 haruka (保礦力最新一輯女主角，「在世界中心呼叫愛」 tv 版女主角) 喔!
Haruka~ (From Official Web, Horipro Inc.)

注: d 相係 from their official web，我看唔到話唔可以 link~ but if 真係唔得，就話我知啦~

2005.05.23 發燒的一天~

發燒，食左 extra 既 panadol flu，but 隻眼仲係好熱，但個人就好凍同渾渾盹盹~

返到屋企，第一時間探熱，仲有少少燒，岩岩過左個 arrow mark d d；休息，食左少少排飽，放棄食 panadol，食翻克痛片。果然，成日人都唔咁辛苦，感覺個人無咁熱，都係克痛得 d。

好番 d 既我，好明顯唔係好乖，入房繼續我既 water boys 2，因為仲有一半先看晒，所以根本無打算過要 finish，但因為我九點唔夠開始看，到看剩兩集既時候都只係十二點半，加上我要等細佬返屋企，所以決定看晒佢!!! 點知原來最後一集係加長版，多左一倍! 我本來以為兩點可以訓，結果搞到兩點九 :P 不過真係好好看，所以係值得既!!! ^_^

夏天不是讀書天~

以前聽過話「夏天不是讀書天」，所以就放暑假。係放暑假既時候，通常 d 爸爸媽媽都會安排好多益智既節目比小朋友，到左中學既時候，小朋友已經變成青少年，有自己既想法，開始會自己安排自己既暑假。係我既年代 (講到自己好老咁，but 我發現左宜家既中學生同我地個陣真係有好大分別)，中一至中三既時候，暑假通常都係 for 左課外活動，e.g. 練波，AYP，去 camp 等，當然有唔少同學仔亦會去旅行！(不過我屋企係新年先去，因為爸爸新年先放假！) 係做完功課，練晒琴，唔晒去 ECA 既時候，係屋企就梗係唔會溫書啦，可能會看下小說。當時岩岩興起看日劇 vcd，我地試過看足一日，朝早一早看，開住冷氣係廳到，唔晒食咁制，媽咪落街買送就買 d 雞蛋仔呀咁既 snacks 返上黎，一路看到爸爸返黎之前，如果看唔晒一套就留番爸爸訓左覺繼續看 :P 當時媽咪都話我地三個既「生活」幾頹廢 (我堂姐以前返香港住係我地到，所以係三個)；就係咁 「養成」左「煲日劇」既習慣，所以其實後來我係 Uni 到既「創舉」唔係「事出無因」既~ 不過，早幾日翻看以前既日記，先發現我既「煲日劇」習慣原來係一個「s/f hobby」(Summer/Fall Hobby)! 讀中學如是，大學既創舉全部都係住 summer hall/fall sem. 既時候創既，上年又係呢一個季度開始看日劇，一過左 Fall 就好似唔會看日劇，變左看 movies ^_^ 奇怪呢~
不過我好 proud of 呢個 hobby，真的，我覺得唔算好頹廢，只係有時候人係需要咁樣去 enjoy your life! 所以無所謂，我會繼續努力的!

上個禮拜既"週記"~

2005. 05. 16 媽咪生日

15/5 11:55PM: 坐係電視前等"直播"~
00:00: 長洲/ 被禁後 26 年/ 首次"搶包山"盛事~ 當然，本來我無乜興趣唔訓都看直播，主要係因為 martin 要"出賽"~ 早幾日"聽"緊 tvb 既新聞，訪問長洲"整包師傅"，我記得 martin 講過 d 包係佢屋企整，咁我就係房到出左廳"看"新聞，我好肯定o個個被訪者係 martin daddy~ uncle 話今年既"搶包山"佢個仔入左決賽~ 咦，martin 細佬唔係香港讀書，咁呢個入左決賽既"仔"就好有可能係 martin 啦~ 所以係星期六晚終於忍唔住 send 個 message 問下 martin 囉~ 就係咁，係媽咪生日既凌晨，我地成家坐左係電視機前"看 martin"~
00:20: 電視過後，細佬返黎~ 第一個幫媽咪慶祝添，佢竟然係 swarovski 買左個馬既擺設比媽媽，細佬好鐘意係 swarovski 買 gift，不過~ 咁既 $$，我想我要資助下佢~ 不過要等我出糧先~ :P
12:00: 飲茶
14:00: 出發去"新界"遊車河
15:00: 遊遊下去左流浮山，好似鯉魚門喎，又似大澳，反正就係賣鹹魚，蝦乾，蝦醬等等~ 又有 d 海鮮酒家~ 最特別係一路行到去海邊，真係有 d "炭燒海鮮"呀~ 海鮮粥呀~ 豆腐花呀~ 仲有燒菇~ 又有"生曬蠔豉"賣~ 好特別~ d "炭燒蠔" 真係好好味呀~ 我地仲叫左個"燒菜"，其實係用 aluminium foil 包住椰菜同蠔仔 (注: 老闆娘話係"蠔仔"，但有我隻 thumb 咁長~ 一隻半 thumb 咁大架喎~ 都算蠔仔?) 一齊燒~ 超好味~ 仲有 d 蒜蓉~ 真係好正!!! 豆花又好味道，好滑喔!
17:30: 回程本來去元朗買老婆餅，但因為呢排 auntie 買得太多比我地食 (auntie 一個禮拜入一次元朗，每次都買一打[!!!!] 仲有砵仔糕~) 所以就決定回家~
18:30 到家~ 爸爸洗車~
19:30 出發去食潮州野，伯伯介紹既一家"打冷"，係砲台山近天后~ ok 好味，個蠔餅唔錯呀~ (我同細佬話食既，雖然爸媽都話今日已經食左好多蠔 :P) 我鐘意o個度 d 反沙芋!!! 先炸一下~ 當然 d 滷水都好好味~
21:00 回家囉~

好充實的一天~
本來想拍一些蠔排既相，不過搵唔到 d 蠔排~
流浮山對住大陸，好近~ 有一條橋，起緊，去蛇口的~ 西部通道之類既名~ 爸爸說: 「你話 20 年前，d 人望過黎，望就咁近，點解 d 生活差咁遠~ 個邊 d 人生活仲係好困窘，呢邊就好繁榮~」係一個值得好好討論既問題~ 唔係講 fact~ 而係人民既心態上，唔難理解以前有人唔太識遊水都遊過黎~

媽咪~ 生日快樂!!!!　＾＿＾

2005. 05. 17
cable tv 做 water boys 2 啦~ 上年係日本做個陣，only 看左頭四集，第五集搵唔到之後就無看啦~ 好期待~
期待一: water boys~
期待二: 看左開頭，d 人同個 story 我都 buy~
期待三: 石原 satomi (有人譯里美)~

Satomi~ (from official web, Horipro Inc.)
開始看個陣覺得個女仔唔突出 but 令人我舒服~ (雖然佢個角色幾惡) 看埋 H2 後超想看呢個女仔做戲~ [注: 其中一個理由同我鐘意看深田做戲一樣~ :P]
期待四: 小池徹平，5cm 今季個男 model~ 不過 model 個樣好好多~ 係戲裡面超瘦~ but d muscle 都 ok 喎 (好似好矛盾 but that's the truth :P)
期待五: 男主角 -- 市原隼人

Ichihara~ (From Yahoo! Japan Search result)
我覺得呢個男仔做戲唔錯，同埋我覺得佢有瀧澤既味道，compare 下:

Takky~ (From Yahoo! Japan Search Result)
我覺得係超似，不過媽咪話唔係喎，同埋媽咪話山田孝之做戲好 d，又無咁"細路"，媽咪話山田個樣都好細個，baby face，不過多左種 mature 既感覺，即係好似我細佬咁~ 認同!! 山田係呢個:

takayuki~ (From Yahoo! Japan Search Result)
不過咁喎，如果三年一代溝，孝之係屬於我既年代，佢 21 歲有多啦，市原係我細佬既年代，佢同我堂妹同年，岩岩 18 歲~ 拍 water boys 個陣，山田已經 20 歲，做左超齡既高中生 (不過唔緊要，日本 d 戲，高中生可以由 16 - 26 歲擔演的，柏原收史舊年仲演緊高中生，依東美琦仲今年添 :P )，市原呢，就 17 歲，岩岩係高三既年紀~ 不過山田做戲又真係好既，山田算係日本新生代演技派男優喎~ 攞唔少獎啦~ 日本個邊 d 傳媒話佢公司想棒佢做妻夫木聰第二呀~ 妻夫木聰就係我 msn 個 image 囉~ 呢到有新既 photo，係 official web~

Tsumabuki-san~ new photo from official web, Horipro Inc.!  
之但係，其實市原隼人係山田師弟，所以應該都唔錯~ 況且佢十二三歲開始拍，經驗都唔錯啦~ 同埋呢，佢地公司仲有竹內結子同常盤貴子等，都係演技派喔!!! :)

其實點解會鐘意看 water boys 系列呢? 我記得香港上畫o個陣我都無"期待"架，不過看過之後就好鐘意 :P 唔知呢，可能個主角傻傻更更得黎又好有 heart，d 配角又騎騎呢呢，輕鬆得黎又有 d 意義咁啦~ 不過我想主因係"主角"人選係我杯茶囉~ 哈哈，so I buy it! (^_^)

2005. 05. 19
星期日被人發現左原來我唔鐘意 girlish 打扮，反而多數着得比較中性 (注: 係中性唔係男性)。事緣我話我買左件呢季好興既 short-sleeves jacket，咁我可以着 vast + jacket 去見客~ 佢就話本來夏天去見客，就算係 d executive grade 都唔多着 jacket，男裝通常都係 long-sleeves shirt + tie 就 ok~ 件 jacket 係 only for "看的"，only 攞住~ 女仔就更加唔着 jacket，通常都係搭住件 cardigan~ 雖然我認同佢講既野，因為我見 d 大老闆娘 (自己係 boss o個 d，唔係老公係 boss o個隻) 都係着條好 elegant 既 one-piece 加 cardigan~ 後生 d 個 d 就着 d 好靚既 ruffles shirt 咁~ 但佢話知我唔係好接受得到呢 d style 喎~ 點解會咁架? 佢又知既? 我好 like shirt，通屋都係，但就係 d college look or plain d 既 shirt~ 我一 d 都唔抗拒着裙，but casual look 既話通常都係 jeans~ 會着 vast but 算係日本 mini 個隻 style，即係 tank top 既感覺~ 我 like pink，but 要我着 d pink 得黎好多 details，ruffles 咁呀個 d 我會想嘔~ :P 就係咁，突然想去買衫，想換下個 look，當然我都係唔會想買 d 超 girlish 衫~ 去左好多個 online auctions 到 "shop"，突然好想着 college look~
lunch time 過左海，食完飯行經禧利街，想番起以前 summer time，都成日沿樓梯街行落黎去搭 mtr 返屋企。係搭 mtr 返公司途中，果真比我見到兩個師妹，不過着住運動裝~ 我都係唔太習慣係街到見到 yw 套運動裝~ 我覺得上完 P.E. 係課室換番長衫係技巧好令人懷念，呢個記憶好好!!
就係咁，我好想試下着番校服既感覺~ 所以更加想換 college look~
同埋呢~ 真係想搞個 party 着校服 / college look 既~ 感覺應該唔錯，咁耐無着校服，唔知仲記唔記得着校服個感覺呢? 校服係學校既 symbol 之一，應該係令人更有 belongings 既一樣野~ 無可否認，yw 套校服令我鐘意左旗袍，我想過架啦，以後有 d 咩要着 evening dress 既場合，可以既話，我都想着旗袍去~ :P

2005.05.20
今日 german mock test，listening 比我預期中好，反而 reading 某一 part 要留意下，竟然可以成段都唔知講咩，成段 passage 我只係知道個 theme，看左 d 問題先可以估番 d 內容 >.< 話咁快又一個禮拜啦，water boys 做到第四集，又要等 weekend~ 今季日劇無咩特別想看，就係想看下好耐無見過既竹野內豐，仲要係野島伸司出品，梗係要支持下啦~ 一口氣看左四集，無話可說~ 野島伸司既催淚功真係勁!!! 第一集，一路看，其實無咩太傷感既情緒，但就真係跟住戲中人一齊喊 :( 一晚用左一整包健力士 tissue~

2005.05.21
無咩特別，同平時一樣，am 上 german，跟住飲茶，同媽咪去左 shopping，yoga lesson，回家吃飯~ 看埋第五集竹野內豐，嗯‧‧‧竹野內都仲係好型喔~ 不過，點解井川遙變得有點「師奶」? 哈哈~ 終於忍唔住就上網搵 dvd~ 日本版 dvd，無 subtitles，雖然咁樣可以 train 下 d listening，but 成 HKD$2xxx, 唔可以全部都看懂既話實在貴得可憐，所以就去 check 下台灣個 d~ 不過真係唔知台灣既 d 係咪正版，d auction 話"日版原裝" + 中文字幕，咁即係‧‧‧有無 authorization 呢?

2005.05.22
DATING! ^_^ 今日本來想去 ocean park，but 因為 keep 住落雨，所以改左去 movie~ 約左係 causeway bay but 竟然無 The Kingdom of Heaven，宜家到處都做 star war，為左 check 下邊間 cinema 有，去左 pacific coffee，買左杯 latte~ finally 去 IFC，去到 IFC，買 ticket 先，去到已經 1:45pm, 2:15pm 既話就無乜時間食 lunch，同埋得番最前兩行，所以就買左 4:50pm 啦~ 難得去到 IFC，就去左 kakin 成日講既 mix 啦~ 真係好味喎，d 卷卷好特別，d smoothies 好好味呀，仲有 therapies 添! :) 食完 lunch 之後個頭好痛，唔怪得之今日咁唔舒服啦，好似好唔開心咁，but 又唔係喎，原來係病左 :P 行左一陣 City super，好凍!! 再行 ZARA，好暈，行唔到，無心機看野；最後決定離開 IFC 一陣再返去看戲，入左 Dymocks 一陣，定唔順，發燒~ >.< 去左 mannings 買 panadol flu 個隻，食左等一陣就好少少~ 跟住去左 city hall 既 library 呀!!! 勁~ 仲借埋書添~ 差唔多時間返去看 movie 啦~ 正!!! 好看呀~ orlando 又型，做戲又好~ 「賞心樂事」過 colin 啦，看 alexander 個陣我成日將佢「自動」變左做 brad pitt :P 呢套絕對唔晒啦~ to me，orlando 正過 brad pitt 啦!
好番 d 既我看完 movie 就去左 cwb 幫媽媽買少少野，結果我係 seibu，本來只係買 HKD$ 189 既野 (最 urgent) 再加 HKD$225 (optional)，最後我離開 seibu 既時候，帶住左 HKD$ 775 既卡數~ 其中有 HKD$175，本來打算出糧之後先買既~ :____( 每一次係 seibu 同 lane crawford，普通 shopping 既時候唔會出事，一趕時間買野就出血!!! (Y.Y)
好曳既我，返到屋企食完飯看電視，看完電視之後仲未夠，返入房看 water boys 2 :P 發緊燒既我唯有躺係張床到看，好正呀!!! 看左兩集，不過真係頂唔順，終於訓覺啦~

就係咁，一個禮拜既週記就此完結~ ^____^ 多謝收看!!!!!

(注: d 相s 係 from their official web 同 internet search result，我無見到話唔比 link，if 唔得，請告知我~)

轉載: 工程師

(轉載自 www.miniforum.org)

工程師

當你選擇丈夫時,請先把工程師與以下的職業作一番比較:

醫生

幾乎所有女人都喜歡追求當醫生的。所以不要期望你們的婚姻能持續五年以上,因為早晚有一天,他會跟某個護士小姐跑掉的,或是被一個假裝生病的年輕女人勾引走。這種倒霉事還往往發生在你已經為他生了幾個小孩的時候。

你的工程師丈夫不會發生這種事。因為他忙得連見你的時間都很少,
更別說有機會跟他工作以外的其他女人接觸了。

律師

你真認為你可以和一個靠撒謊謀生的人能保持誠實、信任的關嗎？
而你不用擔心你的工程師丈夫,他笨拙的社交能力將無法掩蓋他的謊言。
跟律師結婚還有一個危險,那就是離婚時,官司往往他打贏,你將一無所有。

推銷員

他的可信程度比律師還差。另外,他還要常常離家出差,或是到處上課和開會,和那些有著同樣可信度的人混在一起。如果有一天你被邀請出席聞所未聞的千人大派對時, 你不要感到驚訝。

而你的工程師丈夫卻被公司整天關在那叫做"小隔間"的鳥籠裡,除了回家,哪裡都去不了。

老師

男人當教師的唯一目的是,他能整天被一大群青春貌美,又盲目崇拜他的女學生團團圍住。於是,他很快就會被抓到監獄,那時你只得琵琶別抱另尋郎。

其他危險的職業,如消防員,建築工人等。如果你嫁給這種人,他即便沒有因意外事故死亡,也很可能會因脊椎受損而導致性無能。要命的是,那時正值你的性需求高峰期。

而你那位工程師丈夫要面對的唯一危險是,由於整日盯著電腦,視力將會衰退。這危險其實對你有好處:當你變老時,他不會注意到,因為他的視力模糊了。但他的記憶力卻非常好,仍記著你們初次相會時你那年輕美麗的容貌。

假如你擔心他在望著別的年輕女人,對他說:「親愛的,你幹嘛老瞧著她呀？」他會很誠實地回答說:「我根本無法看清那女人的臉! 」

嫁給工程師的好處 [反證版]

1.男工程師不修邊幅,所以家裡不用保持太整潔。

2.男工程師很難有女朋友,所以他會對目前的這個死心塌地。

3.男工程師呆板無趣,根本不活在人的社會中,只活在圖表的世界裡 所以妳不必花心思去取悅他。

4.男工程師視修理東西為娛樂,在妳生氣時大可在他面前摔東西出氣他會很高興的幫妳修好又不必花錢。

5.男工程師IQ都不低,所以嫁給他後可以生一堆這樣的兒子考一堆的滿分讓妳去跟街坊炫耀。

6.男工程師待在研究室的時間比在家裡多,所以嫁給他以後還是很自由。

7.男工程師口才太差根本講不過妳,所以妳可以盡情用言辭凌辱他。

8.男工程師最講求【理】,所以妳有理的話他服妳;他如果有理,妳就不要跟他講理,他對妳一點辦法也沒有。

9.男工程師薪水不錯,自己不會娛樂不怎麼花錢也很少女人花他錢,
所以妳可以大大方方的花他錢並且告訴他這是促進經濟繁榮,他做出來的東西才有人買。

10. 男工程師除了以上之外毫無魅力可言,所以嫁給他不用擔心他有外遇。

嚇親~

上個禮拜五發生大件事，嚇親左~ 係 xanga 度已經寫左 d，不過可能講得唔係好清楚~
被嚇親，覺得好恐怖！感覺好似以前讀書講既白色恐怖咁，原來真係可以好慌架！好彩我唔係太"至在"，所以都 ok，只係唔想無端端有 d 咩事，話晒我由細到大都係"乖"架嘛，唔想比人"隔硬"畫花個 record。
總之就係快 d 學野，樣樣學好 d，之後就可以有能力去創自己既路~
教我 yoga 既 miss 已經唔多教康體處啦，全職教私人咁制，超多 $$，月入過 "幾萬"!!!!! O_O !!!! [兩眼發光 look]
得悉有數個舊同學畢業之後無打工，全職教琴，"店"呀! part time 教個個都唔錯，係時候打電話 call 番 d 人先~ :)
我咁講唔代表我無志向 only 向 $$ 看架，我只係覺得"教人"係"造化社會"，春風化雨嘛~ 又真係可以幫到人，有意義過係 office，就算係 office 比人覺得係 professional 又點? 對社會既 contribution 都係 indirect 既~
文教可以改變人既思想，幫助人渡過思想上既難關，個人覺得有 d 似心理醫生，不過 d 難關就無咁嚴重~ 運動同飲食就可以幫助人既健康喎~
所以我幾時都話想開間綜合 cafe，不過唔係宜家大部份 cafe 個 d 層面囉~
講開又講，依利近街有間 cafe，之前行過已經好想入去看看，前幾日見報紙有專題，原來間 cafe 夜晚會有 live music，不時又會舉辦下 d exhibition 咁架~ 好似真係好 okay 咁喎，得閒一定要去試下先~ :)

How can I change the language setting in the Control Panel of Blogger?

How come the default language has been set to Chinese in Blogger?
'coz I'm accessing it thro' a Chinese OS or 'coz I'm in HK?

Whenever I click "change language" and save the changes, NOTHING happens!!!

(>.<) The Chinese used, especially for the "settings", is not easily understandable. You know what "Archives" is called in Chinese? And how about "Comments"? haha~ Really funny to read those Chinese.

Why can't I change back to English? Help~~~~~

Wait for me~ I'm updating this blog....

Wait for me~ I'm writing......

我有好多野想寫呀，今朝看左報紙，更加想寫 d 野~ 不過要等陣先~ :)

太過份啦!!!!!!

請看以下一段取至台灣 msn 的新聞:

中國邊防站將駐港機場 到香港等於到中國

【2005/4/20】
　　
中共將在香港機場設立﹝中國邊防站﹞，為來到香港的外國人提供更便捷的服務，讓外國人可以直接在香港機場辦理有關進入內地的入境手續。因為香港雖然是特區，但畢竟是中國大陸的一部分，要讓外國人有一種「來到香港就算來到中國大陸」的感覺。港府原則上表示支持，但具體細節和一些技術問題，還需要與有關部門進一步商談。

此外，一個月後，深圳蛇口碼頭將開辦直接發放登機牌給往香港登機乘客的業務。香港機管局行政總裁彭定中表示，機管局為提供乘客更便捷的服務，特別在蛇口、東莞、中山、福永、蓮花山、澳門等碼頭，提供快速船開往香港國際機場，直接在碼頭換領登機牌的業務將陸續在上述碼頭開通，這將使機管局的服務得到進一步提升，增強香港國際機場的競爭力。

新聞來源：中廣

太過份了吧~ 把事件既「主動」跟「被動」既角色倒轉晒！

太過份啦！！！　我特地去　ｃｈｅｃｋ　番　ｙａｈｏｏ　既　ｎｅｗｓ～　係下面呢個版本：　

【明報專訊】香港機場管理局行政總裁彭定中透露，為令經香港機場轉到內地的外國旅客能享「僅通一海關」服務，已經向中港政府建議，由中國海關及邊防人員在港機場設置櫃䒷，為外國旅客清關，外國旅客日後轉飛內地任何機場均毋須再通過安檢。

彭定中昨天以國際機場協會太平洋區理事長身分，出席該協會在北京舉行的會議。他指出，機管局將爭取外國遊客到港機場就等於抵達了內地，由中國邊防人員在港機場設點進行邊防檢查。

不過，彭定中同時指出，目前正與兩地政府商談這一構想，港府「原則上很支援」，但由於涉及到很多技術問題，因此尚不知何時能實現。

被問及中國的邊防人員在港跨境執勤，會否引起政治上的敏感，機管局發言人表示，類似安排在美加也存在，該局會小心研究。保安局發言人強調，本港機場是否容許內地邊檢人員執法，因「牽涉機場未來規劃發展」，要由經濟發展及勞工局決定。但經濟發展及勞工局發言人昨日拒絕評論有關事宜。

機管局發言人指出，由於內地只有少數機場有供外國旅客使用的清關設施，若本港能實現上述安排，外國旅客在港機場的中國海關清關後，便可飛往大陸的任何機場，不僅方便了旅客，亦可鞏固香港作為進入大陸的跳板角色。

彭定中表示，香港太小，市場很成熟。內地機場是持續增長的火車頭，故香港機場「一定要與大陸融合起來，為全國經濟服務，成為國內機場體系的一個成員」。他又稱，香港機場客流3800萬中，其中45%的旅客是因為要到內地才到香港的，33%是不入港境的轉機客。他說，「以前沒有45%，以後這一比例會更高」。他希望在未來10年，能達到屬地旅客與轉機旅客各佔一半的目標。

彭亦透露，經港機場往外地的珠三角旅客在當地辦理登機證的安排，最快下月將從蛇口擴大至東莞、深圳芙蓉港、中山、番禺蓮花山及澳門等5個口岸。有關措施實施才1年多，珠三角旅客選擇到港乘機的人從最初1天幾百人，增至現在約4000人。

看到了沒有？？　

正確既版本係：香港機場管理局因為要賺錢，要做business，所以向「中港」政府提出建議！！

係一個香港既私人企業建議，而港府「原則上表示支持」！！！！並唔係中共要在香港設立中國邊防站!!!!!

設立中國邊防站是「方便旅客」!!!

甚麼「來到香港就算來到中國大陸」??? 機場管理局都話可能會引起政治敏感，要小心處理，點知未開始就比人歪曲晒！！有無搞錯！

香港是中國一部份，但香港始終是香港吧！從社會基建、城市規劃、生活態度、國際認知、人民的教育水平等等都不一樣！雖然香港之前經濟有點衰落，但香港畢竟是世界金融中心！(雖然其他地方也在進步，逐步追上我們，可是 at this particular moment!!!! 香港還算是 international metropolitan 吧!!!) 中國再怎麼說都是 developing country!!! 雖然有很多學者 predict 今個世紀將會是「亞洲 (中國) 的世紀」，不過不是現在吧!　

請大家明瞭甚麼是一國兩制！！！！！　一國是主權的國家，兩制就是政制，是政權之不同！！當然有包括人文生活！

好 angry 呀~ 我尋日係個去開個個台灣既 forum 度竟然看到 d 另我好傷心既 posts，本來係講緊 hk disneyland~ 已經有好多人語帶酸味咁話本來 disney 看中台灣，要係台灣搞喎，呢個我就無乜 feelings~ 點知後尾有個人話「不敢去啦~ 大陸建的，誰知道它安不安全!」然後已經引起其他台灣人說: 「香港也有一個海洋公園喔，都沒甚麼大意外，應該很安全喔！」點知個個人仲 post 喎，佢話: 「係呀~ 我都去 ocean park 架~ 因為 ocean park 係"香港"建~ disney 已經回歸，係大陸建!!!!!! 佢一講完已經有個香港人話同呢個無關，因為 disney 會有人 monitor~ 跟住個個人就無講呢個話題，不過話佢宜家唔去得大陸所以都唔黎得香港~
佢係咪有病架？　跟住我見到平時好溫文既一個香港女仔回佢post，入香港同大陸既簽證係唔同架~ 最仲要個句係「請你明白甚麼是一國兩制」！
不過我發現好多台灣人真係覺得「香港」係「一夜之間」變成「大陸」囉~ 我本來唔係好明，不過看完頭先段 news 就知啦~

根本就係有 d 當權者妖言惑眾!!! 有無搞錯呀！無左「香港」，你地 d 台商點入大陸呀? 宜家三通呢咩?

政治真係好醜陋！

等左好耐既台灣 trip "遊記" 之序!!

呢篇序既 "extracted version" 已經係 icq info 度出現左一個禮拜啦！而「遊記」之「工作篇」﹝上﹞﹝下﹞亦都係另一個 blog 度刊載緊，何解呢度到宜家先出「完整版」既遊記之序呢? 好明顯，答案只有一個，就係我既「懶惰症」發作，係公司已經 ot 到七、八點﹝對於我呢個平常唔晒多 ot，一 o 就通常通頂既人黎講，七點幾成八點先走係好恐怖既事，仲要連續兩日！一日開會，一日幫我既「junior」【註: 講到好似好勁咁，but 分分鐘佢高人工過我，only 我係公司耐 d jer，but 有時真係覺得唔甘心，新請既兩位新人都，大 d 個個真係幾唔 smart，細 d 個個又，樣樣唔想人幫，自己又唔可以係限時內做到】finish 個 report，基本上我要改過佢既 calculation 同改 d findings 用既 wordings，我 only 得四個鐘去做，我早一日就提佢，搞唔店要早 d 出聲，交到個 report 比客先係最重要 (遲左公司應該有 penalty 架，個客可以比少 d $$)！but~~~ 算啦，搞店就算，but 個 reprot 係無我名出架！:(

好~ 講完無聊野，其實我打幾隻字 jer，我又未至於 lazy 到咁，不過，有看過我 icq info or 有同我 chat 過既人都知，我今次係去做野同開會，本來以為有成一日半到兩日咁制既時間去玩，最後得番 24 小時 (連睡覺時間)! 雖然之前我無 plan 過條 route 要點去玩，but 就有幾個特別想一到既「景點」，大概有想過條 route 咁囉！最後少左咁多時間，但我竟然去多左好多地方，而且每一個地方都唔算「到此一遊」個隻，連我 d 台灣 friend 都話我好勁，可以去做「台北 shopping 玩樂一日遊既導遊」，所以想寫好 d 我點樣用公共交通工具同 11 號巴士去遊台北，仲可以去下「散步郊遊」喎！

大概行程: (本來打於"8:31PM 四月3,2005)

工作篇(上) 《第一天: 香港 --> 香港 office --> 機場 --> 台北 --> 工作 --> 晚餐@忠孝 sogo --> 忠孝 sogo --> 東區地下街》
工作篇(中) 《第二天: 開會 --> 午餐@台北101 --> 開會 --> 工作 --> 晚餐@東區地下街 --> 工作 --> 宵夜 --> 通化夜市 --> 忠孝誠品總店 --> 工作》
工作篇(下) 《第三天: 工作到凌晨睡覺 --> 早餐 --> 陪我老闆去買手信 (經過了台北 101，信義新光三越，紐約紐約，華納影城，台北車站新光三越) --> 台式改良波羅包當午餐 --> 工作 --> 下午三點，終於完成了！我真正的台灣之旅開始囉！》

二十四小時《天使式台北 shopping 郊遊一天遊》正式開始!!!　

淡水 (主要去買"米麻""米薯"~ 看左"陰天既日落"~ 行左一陣淡水既"普通街"即係唔係老街個邊) --> 美麗華 (點都要去拜訪下全亞洲最大既摩天輪) --> 忠孝 Sogo 本店 (因為第一晚已經行左賣衫個邊~ 所以去左誠品~ 又看左陣旅遊書安排下第二日既行程~ 仲去左 supermarket 同賣手信野食既 area) --> 沿東區地下街返酒店 -->　返酒店前去一下係酒店對面既"東區小吃街" (唔係夜市，but d 小吃都幾出名)--> 因為無食晚餐既關係，買左碗細既米粉湯，好味道！--> 趕得切係酒店看"鬥魚II" (呢幾日都有看) --> PACK 行李，因為第二日要一早 check out --> 上網 check 左搭幾多號巴士 --> 睡覺四小時 --> 六點半起床 --> 梳洗 + FINAL CHECK 同 pack 野--> 七點半吃早餐 --> 八點去 check out --> 搞到成八點四先去搭捷運 --> 八點十就到左台北車站 but 個站好大，好似中環咁，去到巴士站無幾耐就有車，九點出發上陽明山！！！ --> 九點九到達陽明山公車站　--> 見到有遊園車，一般人都應該會 choose 坐車去上 d 既地方，e.g. 海竽田，but 我 choose 左「行山」:) --> 行左 20 分鐘到左陽明公園個花鐘 --> 賞花區 --> 地瓜湯 --> 十點三左右再出發 --> 慢慢行上去 --> 上左 400 級樓梯去一個小山嶺，好似叫青春嶺，d 樓梯越上月大級，有幾多都去到 knee 咁制！--> 下山 --> 北投 --> 新北投 --> 搭成個鐘有多既巴士去西門"田丁" (好正，經過好多之前有去過 or 無去過既地方，看左好多東西) --> 誠品116 --> 經過阿宗麵線 (想食 but 唔 hungry so 無食到) --> 行下西門"田丁"一陣 --> 捷運到市政府 --> 真係去 shop 新光三越 (choose 左兩個分館行，買左京式點心，本來無想住買but見到就買啦，因為都想食 :p) --> 一定要去行台北101啦 but 都有 d 失望 :( --> 忠孝 sogo 買手信 (都係 sogo 好 d :) 雖然話 d 野食貴 d，but 真係好食 d，好似係香港，我都覺得真係恆香既老婆餅好食 d 咁，我覺得台灣"生計"好好食~ --> 三點十五分離開酒店去搭 airbus --> 三點九上左 airbus --> 五點鐘到機場 --> check in --> 過關 --> 都無咩話 shop duty free --> 行過就入去看下 --> boarding area --> delay 左兩個字 boarding --> 五點十有多先"vip"上機 --> 搞到成六點半(我隻 watch) 先 take off --> 飛機餐有"義美"蛋糕，順便羅番屋企比屋企人試，看下係咪真係好食到要飛去台灣買! (我老闆個 auntie 叫佢去買蜂蜜蛋糕，我係地鐵到都試過聽到個講廣東話唔正既女人講電話: 知道啦，一定要返去買義美嘛，我都唔係香港買蛋糕既!) --> 行程完畢!!!!

《十七歲的天空》(上) ─ 真係孤陋寡聞，竟然係笑片~

真係孤陋寡聞，竟然係笑片~

一套可以代表台灣去參展既同志電影竟然係部喜劇!! 我一直以為係好似少男版既春光乍洩，或者係好似孽子咁，原來唔係架！好幽默詼諧，搞笑但唔無厘頭，d 搞笑位係跟住個 story 而走! 個 story 係淡淡的，唔會好似春光乍洩同孽子咁 dramatic，但整套戲好似係個 utopia 咁，呢一個族群好似唔晒面對外間人一樣，同孽子好唔同，孽子都係一個 utopia，but 之外仲有好現實既地方雖要去面對，e.g. 家庭！所以係我個人既角度黎看，我覺得呢套片比到 audience 好大既想像空間，而呢個想像空間都好 flexible，相信唔同人抱着唔同既心態就會看到唔同既野~ 有人當笑片看，只當它笑料題材特別d，笑完就算~ 不過我估呢個唔係製作既原意，otherwise 應該唔會去參展! 我覺得套片定位好好，輕鬆喜劇，題材能夠製造話題，增加可觀性，不落俗套，又能帶出好有 meaning 既 message~ 雖然話，message 係由 audience 去領略，未必係導演既原意，but 就好似我之前講，呢套戲既想像空間好 flexible，同一套戲唔同人看應該有唔同既共鳴!

由第一個 shot 到 finish 第一隻 disc 都有好多笑位，導演好巧妙咁 exaggerate 左一般人認為既「stereotype」(我唔 sure 係某個族群入面係咪真係有個咁既 stereotype，but 我敢肯定絕大部分既一般人都「BELIEVE they act like that」)，制造一 d 唔需要刻意經營既笑位！而且「純情少男」既演出，見到佢個「純情」樣，有ｄ滑滑稽稽，已經令人笑左一半~ 普通既少女就做唔到呢個效果，因為純情少女個ｌｏｏｋ大家見慣見熟~ 可以被 categorize 做 2B 既喜劇，應該就係呢個原因!唔怪得知個封面寫住:「台灣本年度最賣坐本土喜劇」~

到第二隻 disc 就少 d 搞笑位，但開始進入「戲玉」(係呢個肉定係「戲肉」?)，個 story 我個人覺得好感人!!!! 只係我稍厭個 story 未 fully described，好似開頭 d 笑位比較拖戲，個 love line 唔夠 fully developed，起承轉合好快，不過就係咁既安排，令到套戲好... 我想唔到點講，but 就好似之前講咁，成班人好似係個 utopia 到生活咁，有點兒「夢幻」，感覺輕鬆 d~ 不過個 story 真係好感動，雖然我唔好意思講，但我都看到有淚光~ :P 唔晒講咩特別野，就係個 story 裡面有提到既 message 已經好正，基本上可以 apply 係所有人到~ e.g.《愛是一種信仰》、《親密恐懼症》同埋「你有否真正勇氣去愛人同接受人家的愛嗎?」(呢個 phrase 係我 summarize 出黎既，個對白太長)~ 其實仲有好多，但都只係個 story 有講到既野，都仲未去到看呢套片既表達方式 etc~

看完套片，我仲未得閒去 check 下個導演同呢套片既資料，我覺得幾特別，套片無刻無意去描寫某一族群面對既 problem~ at least 我看唔出~ 哈哈! 可能有暗示，but 我要 check 下先知~ :P 裡邊寫既矛盾同衝突係好單純為「愛」~ 我覺得呢套戲係純種戲，「愛情喜劇」種，我所看到既表面係純談情，幾有興趣知道點解個 story 會特別以 gay 為背景? 古今中外既 gay story 都有好多，但大部份都夾雜其他元素，比較愛情 d 既《藍宇》都有一段講胡軍 (sorry 我唔記得左個角色名) 要結婚，雖然之後都有講到藍宇歸西之後胡軍(好似係陳總呀~ 唔知有無記錯呢) 好傷心，又有 d 後悔 (呢個係我個人 interpretation)，所講既 message 係老生常談既「珍惜眼前人」，but 好明顯，講陳總要結婚同藍宇初初「唔識路」既 message 仲令人「難忘」~

講到呢到我又想起 d 野，我覺得呢套片好「台灣」~ 描寫刻劃好細膩，感情好深刻，但給 audience 的感覺卻是淡淡的，表達的手法很自然平淡，就算有搞笑的地方也不會是很 dramatic 的，有一種清新既味道~ 不過就正如我之前講，呢個故事好似未 fully developed，套戲既張力未夠！個人覺得，近幾年黎講，《一一》算係經典，《藍色大門》都唔錯喔! 講真，呢套戲又真係同《藍色大門》幾似喎，不過《藍》寫既係青春既 puppy love，仲有種青澀味係度，帶領左好多人回憶自己既年輕年代~ 不過，可惜既係，我無類似既「真實回憶」，我既中學生活完全係「男生勿近」咁制~ :P

講完對套戲既 feelings 之後，我想講下我對套戲講既野既 feelings~ :D 不過留番下集先~

What is Your Love Number?

Your Love Number is

4 You are a creative and expressive lover - a true romantic at heart. An introspective soul, you know exactly how your ideal relationship should be. But if you don't get that ideal, you tend to get a bit pouty and dramatic. You need someone who can roll with the punches, that's for sure!

What Is Your Love Number?

點解 d 中文字咁怪既?

點解之前個篇 d 中文突然變左樣既? 宜家 set 左做「新細明體」會唔會好 d 呢?