網上流傳既「個人問卷」

由好耐以前既 chain letter 開始，到宜家既 email forward，也不過是舊酒新瓶。
但唔知點解就係有一種魔力係到咁，你又真係會去做喎！哈哈~
不過呢，收到呢 d 「個人問卷」又真係太多，通常我會看晒人地既，但 reply 既就真係好少。
之前看過 100 條，好似有 d 新意，都有 d 意欲去答下我既 100 條，之但係以下呢個 d 問題，都有幾多我又未見過喎！anyway，post 呢個先啦，100 條之後再 post~ ^_^

全名： Candice Yeung
喜歡別人稱呼自己：Candy / Candice
出生日期： 同 Mrs. Hilary Clinton 一樣
現在正在聽誰的歌： 宜家無聽
在哪裡讀書(工作)： 我想返去讀 graduate school，今年係真架啦，羅左 form 啦！
最後吃的一樣東西是什麼: beacon
現在天氣如何： sunny
戴隱形眼鏡嗎： sometimes
上一次生日蛋糕上蠟燭的數目： 一支
通常吹熄這些蠟燭的日期： 十月
開心的生日： 係生日都開心，只係越黎越驚 jer
星座： 問緊太陽定月亮?
兄弟姊妹跟他們的年紀： 剛滿二十的弟弟
你喜歡你目前的生活嗎： 可唔可以寫十萬個 NO!!!!!!
出生地： 我中學隔黎
目前居住地： 香港
喝過酒嗎： of 'coz
想跟誰一起去酒吧喝酒：我去 bar 都唔係為飲酒既~
會去哪裡喝酒呢： 唔晒去架喎，晚晚返屋企食飯，daddy 都會開 wine 架啦，想飲咪羅多隻杯囉
去過哪些國家：好敏感喎條題目，我成日去台灣架喎！china, s.korea, japan, singapore
覺得自己花心嗎： definition = ???
曾經出過車禍嗎： 巴士撞車我無損傷
暗戀過幾個人： 戀既 definition = ??
會因為害羞而不敢跟人告白嗎： 矜持的我實會啦~
不敢吃的東西： 好多架喎~ 大部份野味、田雞、各式皮類 esp 魚皮、鱔、某 d 內臟
喜歡吃什麼東西：dessert 同日本野
喜歡喝什麼： 咖啡同 pepsi
最喜歡的顏色： 呢隻~
最喜歡的數字： 以前會根據o個年既 lucky number 而定，宜家係 '0' 同 '7'
最喜歡看哪一種電影類型： 好多都咁鍾意架喎，呢一刻係好細膩好感動既感情片
最喜歡的卡通人物或品牌： 小甜甜、Hello Kitty & My Melody
最喜歡的動物： 無乜、熊貓啦我諗~
最懷念的日子： 在 yw 的時候
最傷心的經驗： A Level 放榜後
最喜歡禮拜幾： Friday
最喜歡哪個月： December
最喜歡哪個節日： Christmas
最喜歡哪一個季節： Winter
最不喜歡哪個季節： Summer
喜歡日出或日落： Dusk
喜歡太陽或月亮： Moon
喜歡晴天或雨天： Showering NOT raining
喜歡早,午,晚哪個時候： nite
喜歡的花： tulip
最想去的國家(城市)：布拉格
最不喜歡或是最怕遇到的話題：唔講啦，都話明最怕囉~ 唔想同人 argue
喜歡的運動： 其實係 swimming 但好少去，softball 係 second!
喜歡的冰淇淋種類： 又滑又 creamy 但唔肥
最怕甚麼動物： 其實咩都怕架喎
最喜歡的電視台： cable tv
如果有來世，你最想當什麼：唔會諗，活好今世就可以
最討厭做的事： 唔可以講真話，唔可以依我意願去做野
擅長的事： 彈琴算唔算?
上次上醫院是什麼時候： 上醫院 = go to hospital? Year 2 抝柴入E&A~ if = go to the hospital, 半年前度 Alfred 出世
以後想做什麼職業： 其實我會報 translation 同 humanities 既 MA，看下可唔可以轉行，or 同 design / music 有關既野 (從小既志願)
最大的理想是： 活我自己既人生
你們家總共有幾層樓(你們家住幾樓？)：以前住頂樓有兩層，宜家住六樓得番一層
你覺得自己十年後會在哪裡：唔諗~
無聊的時候你大多做些什麼：自由聯想，唔無聊既時候都會，無時無刻都係
你住得距離最遠的一個朋友是： 係 North America o個班 friends
世界上最煩惱人的事：to live oneself's life
全世界最好的事：to live my own life
對於沒把握的事情態度如何：try my best (突然諗起 william hung: I've tried my best and I have no regrets)
如果有人誤會你，你會： 看下o個個係邊個囉~ friend 既咪試下解釋囉~ 其他人咪算囉~
如果有人誤會你，又不聽你的解釋：咁o個個都唔方同我 friend 啦，有佢~
有想過要怎麼對付你討厭的人嗎：聖經話要寬恕人，如果真係做唔到，咪唔理佢囉~
你認為你幫另一半付錢是理所當然的嗎：世上無理所當然的事~ 只有自然與不自然~
若你的另一半硬要幫你出看電影的費用時：謝謝！
你最喜歡的身體部份： 無乜~ 樣囉~
你的口頭禪是： fascinated!!!! (嘩！岩岩先係另一個 blog 講過, link click here) / i mean / 痴線架
你的怪癖是： 自由聯想 (何謂自由聯想，詳見 post)
你喜歡的類型是： 喜歡咪喜歡囉~ feel 黎架，邊有類型架 jer~
自己起床第一件做的事是： 飲水
回家做的第一件事： 換衫
睡覺前做的最後一件事： 播 mp3
幾點上床睡覺： 唔定
在心裡最想見的人是誰：一個人
開心和不開心的時候會想起誰：唔定，因為自由聯想
不舒服/生病的時候會想起誰： 媽咪
最近讓你心安的場所和時間： 屋企張床o個被竇、訓覺o個陣
最近有去哪兒玩： 無
最近日日做既夢： 都係 d 發癲既夢
每天不可或缺的事是: 上網、blogging、reading blogs
最近著迷的事是： 之前講過啦~ eg 蘇打綠、annie proulx、hocc 見 post 1 同 post 2
發簡訊會用繪文字嗎：繪文字 definition = ??? mms 唔會，因為 $$~ symbol eg ^_^ @_@ 等會用
在公共交通工具上做些什麼： 聽 mp3、自由聯想 (都講過啦，我無時無刻都聯想緊)
自己最厲害的地方是： 一心幾用 / 無時無刻都自由聯想緊但要做野o個陣可以話 concentrate 就 concentrate / 訓緊覺個陣可以隨時叫醒我，十秒後即可 concentrate 做野 / 通完頂但個樣唔似
如果有一天可以變成別人，你想變成一個：無制爪 to live my own life 的人
對於你來說最重要的人： 屋企人 (同血緣無關，我認係屋企人既人)
突然放假的話，你會做什麼： 執房，拍 dv，影 snap shot，看晒我未看既 vcd，去晒我想試既 cafe，繼續我首半完成作品，練琴，跟媽咪學彈古箏，搵 violin 老師繼續學習~
自己會搞外遇，還是對方會外遇：係我既世界係無外遇呢個 term 既，我好相信我地會 respect 對方 respect 自己
你覺得自己像爸爸還是像媽媽：half half
你要幾歲結婚： 無定，但我想生 BB 所以唔想做高齡產婦
簡述自己的性格： 超敬愛 Plato，Utopia 擁護者
今天心情好嗎： 一般，因為工作上既煩惱，幾緊張下~ 唔理工作既話，心情唔錯~
有想過要自殺嗎： 有的
有現在幾點了：個 post 有寫架~

無色聚會

嘩！突然連我自己都好鍾意個名添！講緊咩? colourless 囉！咁多年都只係得英文名，頭先突然唔想打咁多隻字，又即刻比我諗起「無色」喎，colourless gathering = 無色聚會! 咦，呢一刻好感動添，好型呀！背後好似有把魔鬼聲話我「型咩型呀? 發夢呀你?」可能係！臨近 holiday，holiday mood 由 christmas 就無中止過，哈！我 d 痴線性格出左黎好耐添，過埋個 lunar new year 就要收歛番 :p

話說舊年食唔成團年飯，我就好期待今年可以一齊團年，所以一早(其實都唔太早)就 post 係 newsgroup 約大家，雖則大家都勁忙，好開心可以係年廿五去左唱 K 團年，本來要上 YOGA 的我仲專登早走。

colourless 唔單只係一個大家庭，一班姊妹仲係 K 精同 sufi 精，仲有幾個電視精。我地唱 K 唔會冷場，只會「歌曲以滿」、「cut 得啦」同「插上黎啦」。之前我食物中毒，所以我唔可以係出面食野，我份晚餐就順理成章貢獻左比一眾姊妹。講開又講，雖然份晚餐唔算大份，但三個女仔前後食左五份，仲有 salad bar buffet 又真係有 d 嚇人。幾時姊妹聚會都係最開心架啦，咩都講一餐，唱 K 又可以發癲，一 d 顧忌都無；一個人可以同時扮男又扮女唱合唱歌，o個晚我玩左「刻不容緩」，丹丹同 winnie 媽都一齊唱，正呀！唱 eason 係最好玩既，可以用女聲唱，又可以扮男聲唱，唱左兩次「浮誇」。本來點草蜢既 medley 純粹為左示範之前講過既 keep fit 舞步，點知 Pinky 真係識唱，最搞笑既係佢唱唱下係度問 (係 thru' 咪問喎!!!) 「點解我識唱既?」。

原來 Pinky 都有聽個集「女校生活」，勁講勁笑，喪笑到標晒眼水，攣晒肚，訓埋落 sofa 咁制。

仲有，「疾走」同「暴斃」，證明我地係癲既。

但癲還癲，咁都只係姊姊感情好 jer，可以毫無保留咁「釋放自己」，因為我地本來就係一齊成長，互相扶持互相學習，大家係點仲唔知咩，呢個感覺好好，I love you all!!!!! 我地既話題都有好正經同好有建設性架！畢竟歲月飛逝，一眾好姊妹都開始為自己打算，而話題當然轉移到「如何裝備自己」，裝備黎做乜？你話呢？點男仔頭既都係女仔一個，裝備黎做乜就唔晒我講啦！講講下又講到大家對愛情既諗法，我記憶當中我地好耐無 chat 過呢個話題，上次認真討論應該仲係 yw 個陣。winnie 媽既講法一如既往，以前我覺得有 d 沮喪，同丹丹宜家既想法一樣，但今次我已經開始明白 winnie 媽，忽然有點唏噓，但其實好實在，好多野都唔係話你想點就點。丹丹，其實我個心都唔想屈服架，我都好憧憬你講既野，但宜家我真係做唔到囉。

人大左係咪會慢慢變得懦弱呢? 無晒 guts 咁　>.< 向社會妥協? 咁我地既人生又應該點呢? 究竟我地做緊乜呢? To live to others' expectation 定 To live our lifes? 我覺得小菇其實好勁，因為我覺得佢真係「在活自己既人生」，無比任何野阻止佢，就好似佢話「我都無諗住結婚」，有性格，我鍾意！

上面個段同聚會無關，純粹我自己發噏風。

開心既時候總係過得特別快，唱到十二點幾，第二朝其實仲要返工。就係我煩惱緊第二朝點起身既時候，知道有人好 hea, 哈哈，有人肉鬧鐘囉~ winnie 媽實覺得好奇，不過真係好耐未試過啦我！

就係咁，一次無色聚會就係咁結束左啦！宜家要 prepare 定下次開年飯先！^_^

生活隨筆

(moved here)
臨近歲晚，雖然工作尚不算輕鬆，但卻有點沉悶，以致「人心」一早鬆懈了，哈哈！

最近沒甚麼有趣的事情跟大家分享，卻造就了多篇的「音樂隨筆」。剛剛看到了一個 stranger 的 blog，她好像跟誰有誤會，要借 blog 向誰解釋「為什麼要寫 blog」的，很令人反思的一個題目。

想想為什麼我也寫 blog 呢? 答案應該也可以寫成一篇 entry 吧。或許概括來講，我寫 blog 是為了記下一些自己的看法，也是為了與人分享，就像從前的「生活隨筆」一樣。從前只會有一個讀者，就是老師，但這個讀者卻真的很用心的看，因為每一次老師都會寫下她的看法，跟我討論一番，這種互動的窩心感覺，很令人懷念，所以我是極度渴望看到回應的。

終於訂左/我好想看/發現我的音樂

發左癲~ 訂左 2DVD 同 CD + DVD~
癡左線~ 因為我屋企已經有 VCD 同埋我屋企無 DVD 機~
講緊乜? 梗係呢排發癲咁煲既「梁祝」。
* * *
2004年既「攣到爆」已經超想看，但唔知搵邊個去看好。個個禮拜返學都見到張 poster，有時同 d 同學仔一齊搭lift o個陣都有 chat 下，佢地講到好正咁，但我真係想唔到邊個會同我去看 >.< 第一次 re-run 都有想過自己一個入去看，但始終未可以做到。今次係第二次 re-run 啦，真係好想搵到人同我去看！！唔該，見字者，有 interest 既同我聯絡下啦！if 你唔知係咩，我好樂意 introduce 架！ 仲有之前套《你今日拯救o左地球未呀？》，我都係搵唔到人同我去看！看黎我應該識番 d 可以同我去看舞台劇既朋友先!
* * *
勁鍾意「汽水樽裡得咖啡」，我覺得好 melo 啦喎，點知阿爺都話「你知我唔好 rock 架啦，個首都幾嘈喎」，我回「下? 唔係喎，你知唔知我講咩呀? 首歌係 xxxx (因為我係酒樓，唔好意思係到唱歌，所以 la 比佢聽)o個首喎」爺「係呀」我「下? 係個 chorus 厚 d jer」! 唔怪得知 cash 話係「另類」啦！香港人接受唔到。另一首呢排勁聽勁鍾意既係「不一樣的天空」，聽聽下，先覺得有 d 我自己 d music 既 feel，唔怪得之我鍾意啦！不過呢，首歌唔係 endy 寫架，只係佢編既，隻歌本身好 dark 同我覺得係有 d contemporary 囉 (我鍾意搞個 d，之前做功課我屋企人話好難聽，係「好」難聽o個 d)，所以個編曲好靜架。哈哈，真係唔怪得之啦，我編曲好「渣」，成日都做唔到自己想要既 feel，淨係識用最 simple 既野，咁靜既 arrangement 真係幾「我」feel 囉！不過人地係勁野，專登靜 d 出個 melody，我呢就因為「渣」，哈哈！不過，仲有呢，係 endy 個 y! blog 度見到佢 d art work，嘩，有幾張我都有影過同畫過咁上下既野呀，好邪呀！唔怪得之前連我自己都唔知點解會咁留意呢個 artist 啦~ 即係呢，我既年紀應該係看 music 去買 cd 既人嘛，唔會好似 d 妹妹迷 idol 咁既，所以呢，我應該係比 art sense 吸引，哈哈！

好多人都知我勁鍾意日本既 visual rock，其實呢，外國既我都 buy 既，只係我真係比較少接觸 jer 同埋呢，可能比較老:p david bowie 好正架！Marilyn Manson 我都覺得正架！Sex Pistols 我都有聽架！robbie williams 之前隊 boy band 叫 take that，你地仲記唔既得呢? take that 早期既歌比較 mainstream pop，之後都work out 到佢地既 own style，比較 ballad d。講開 take that，真係唔明點解跑出左個 robbie，mark 呢? 不過呢 d 唔講住！本來想住只講 rock 的，但我又想起 boyzone，我都會聽 pop 架，哈哈！仲有好多 indie 同細 label 我都好鍾意，但有時真係會唔記得 d 名，我宜家搵緊隊 italy 同隊 sweden 既 band，搵到再話你地聽。講下講下，好多喎，講多 2 個算啦！blur 同 oasis 比，我鍾意 blur 多 d 喎，咁又想起 pulp 添！

仲有 d soft rock 同 country folk 我都勁 buy 架！carpenters 係永遠既首選！onj (olivia newton-john) 勁靚聲！當然唔少得 bob dylan 啦！第一次聽係係 music 堂聽既經典之作「blowin' in the wind」！

之前 kaman 介紹我聽既 kent 都超正，但唔係 heavy metal 個 d rock 囉！仲有 kaman 好鍾意既 coldplay，我都聽架，不過無 j rock 咁「好」咋嘛！除左 kaman 推介，我都有自己去「發掘」架！有一對由佢地玩 teen pop 到宜家 soft rock 都咁鍾意既 "bros' band" Hanson!

其實我今日本來唔係想講以上o個 d 架，我想講阿「教父」級人馬 Blixa Bargeld 同佢隊 Einstürzende Neubauten 架！唔多介紹，自己去看啦！www.blixa-bargeld.com Blixa 宜家定居北京，將會係 2006 搞 tour concert 喎！

女校生的學校生活

尋晚心血來潮，臨訓前聽下 903，森美小儀架勢堂，請左 10 個女校學生上去傾偈，好好笑。一路聽一路笑，笑到訓唔到覺。一路聽一路諗番起以前 d 生活，有人話更衣室唔夠位，所以係更衣室門口換衫。我就諗起我地係課室換衫既高超換衫技巧。最記得既當然係一路係課室換衫，窗外個地盤岩岩去到我地個 level，成班人一路換衫一路見到 d 地盤佬先識得落番個廉；仲有波叔唔理我地仲換緊衫就走入黎教書。不過 ok 啦，我地既技巧高超程度簡直直逼 mr bean 啦！(唔知你地仲記唔記得 mr bean 有集係講換衫同換褲呢) 仲有 pe 褲啦，拉高條裙坐啦，都好懷念呢！

另外有講女仔玩得好癲，「打架」好好玩。係呀！原來間間女校既「打架」都差唔多，都係「互襲」！不過佢地講o個 d 好似激 d，唔知係時代唔同左定係校服既關係啦！我地最多都係以「扯甩晒 d 鈕」為目標，最多咪拉埋條拉鏈同「偷襲」，就唔會話好似佢地講咁「出手打招呼」。不過真係好好玩架，佢地講都講得好 high，諗番起都覺得好 memorable！

有人話升 uni 之後都習慣左拉高條裙坐，但又無 pe 褲喎，結果 d 男同學話佢「你做咩呀?」哈哈！我都會架，不過 so far 到宜家我都好習慣着 pe 褲，有時着短褲都會加 pe 褲架！:p 同埋呢，我地既「拉高條裙」同佢地又有 d 唔同既。「拉高條裙」呢個動作簡直變左一個 reflex，我連上樓梯呀，落樓梯呀咁都會拉高 d，連褲都會，哈哈！根本變左一個 reflex 囉！我發現小菇有時都會的！

學生生活真係好開心，諗番起都會心微笑啦！識多左人之後，好多人問我，你自己揀定屋企人揀架? 點會揀女校既? 答案係: 本來係媽咪好鍾意間學校，但慢慢我覺得我都係鍾意女校多 d，所以無揀男女校咁制。咁多女校點解要揀o個間? 可能係緣份啦，我覺得佢好 elegant，同埋其實我好鍾意件校服！:p 淨係我學校既校服咋，我堂家姐o個件又唔同啦！我覺得我o個件 elegant d，中西 mixed d，好有宋家姐妹o個種「大家閨秀」feel。家姐o個件連個頭髮都要管埋，only 得個中字，諗黎諗去都覺得同 elegant 唔襯，似「秋瑾」多 d，哈哈！

聽我咁講都知，如果要我揀多次我都係揀呢間！^_^ 雖然曾經好羨慕 Maryxxxxx 既校舍同 Dioxxxxx 既氣派，但人慢慢長大就更懂得欣賞當初為之動容的氣質。

校長退休後，新校長上台，新人事新作風，理所當然。我的校長是個雍容華貴，非常高雅的女士；新校長給我的感覺是一個雷厲風行的女強人，也很大方得體，但氣質總有不同吧。加上我們學校經費有限，香港教育制度越變越不利傳統學校，連我弟弟的母校「傳統官校」也想變「直資」，真的有點擔心，只希望校長能 maintain 學校的氣質吧，但很難吧，我在街上看過一些師妹，總希望她們是害群之馬。

上年本來很想去 105th Anniversary 的 annual dinner，但有事錯過了，今年真的很想去；記得 2002 年去過一次，氣氛很好，在那裡終於感受到久違的 elegance!

我覺得我很需要再去一次，感受一下！要不然叫爸爸帶我去見見鄭太也行！:p

P.S. 音樂隨筆(一)終於完成。http://hk.myblog.yahoo.com/jw!RntXlyORERmSreZJ3lem0TG1E_gR/article?mid=9&prev=-1&next=8

HOCC @勁歌 + 糖與靚女的一席話

勁歌 IN GENERAL 就唔講住啦，我新城同最想講既叱咤都未講，唔講住~

回應一下之前個 post 既 comments 先！

係呀！佢勁型呀~~~~~~~~~~~~~~~~~ 呀~~~~~~~~!!!!!!! 真係勁開心！話說過左一半有多，呀詩都未有獎羅，千嬅又無，呀靚女就問我「楊千嬅都未羅獎呀? 唔知有無呢? 咁你估何韻詩係咪黎陪跑齋坐呢?」我好快就回佢「無線嘛，千嬅連係叱咤都羅唔到大獎，係無線無大獎就唔奇啦，金曲都應該有既」靚女好同意我既意見，佢都覺得烈女應該入圍。但講到呀詩啦喎，我就話「一定會有金曲獎既！佢首歌咁 good (作曲填詞編曲監制都咁店，係專業音樂獎 cash 呀都有獎啦) 又 hit 點會唔金曲呀！」靚女好懷疑我既「推測」，佢話首歌係幾好，但好難講架嘛，劉生咁都仲有大獎就知啦，所以佢覺得係我個人偏好既問題喎！到左呀詩羅「傑出表現金獎」既時候，勁感動，因為佢唱到最後一句「可要像梁祝那樣愛」既時候，勁多人一齊唱，依我聽係咁多個 artist 最多人一齊和唱，然後勁多 applause！靚女咁岩去左 shower，佢一出黎我就同佢講，點知佢話「咁都上左台就應該無金曲獎啦」，雖然我覺得好似好有道理，但又無乜道理喎，最後一首，仲有邊個先? 跟住真係呀詩羅「金曲獎」既時候，靚女本來已經入左房，我勁叫番佢出黎，雖然唱第二次，但唱到最後都仲係有咁多人一齊唱「可要像梁祝那樣愛」！！然後一樣咁多 applause!!! 靚女都話「係好多人支持喎」，梗係，學靚女話齋，有實力既人係一定會有發圍既時候既！呢個係我地 home 既 theory 1，只係我地所講既實力並唔係單指某項技能或知識，一個空有知識但一 d 常識﹝現在大部份人把她稱作「通識」﹞都無既人係我地 home 既標準係唔可以算做有實力既！實力亦包含做人處事，待人接物既態度同對社會既認知！

哈哈！總知就好開心啦！一首比較新既歌「圓滿」都好正架！

我另外有個叫「音樂隨筆」既 post，今次講 HOCC 呀！link 係: http://hk.myblog.yahoo.com/candy-art

今日仲未 publish，但快了，看住其他 post 先啦，請 bookmark 一下再返去 check 啦！^_^

HOCC X 梁祝

原來今日係黑色星期五，早知就唔返工啦！(有關係咩? 有 d 啦，我老細今日返黎嘛，我驚 black Friday 會影響到佢 d 情緒。) 可能真係借口一個啦！

受到我同事既影響，我又係公司播，播咩? 呀詩既「梁祝下世傳奇」，正！十個正都唔夠比！不過好唔開心，因為上演o個排前後受工作影響，好少留意娛樂o野，o個排連新一季日劇都無追！我知 Endy 會出碟，但唔知佢做舞台劇喎！我知呀詩會有舞台劇搞，但我o個期又無乜心機，無留意賣飛就 miss 左啦！:( 我有係電台聽過「化蝶」同「勞斯、萊斯」，但唔知係舞台劇既歌！唉~~~

聽左 live 版既 cd 後就更好想快 d 出 vcd，因為好想看，終於等到啦！無奈，我家的 notebook 年代已久，沒有 dvd。早知在公司播的話，就買紀念版 cd + dvd box set 啦！>.<

不過呢，死啦，越看就越 buy 佢地，我連續看左兩日仲未厭，今日老闆返黎唔敢播，我係到播 mp3，成個 list 都係呀詩同 Endy 架！不過都覺得自己好勁，Endy 既歌我首首都有架，我係買 cd copy 過機架！呀詩既都係，不過依家剩番 d 我比較鍾意聽既係部腦度，e.g. 上面講o個兩首同露絲瑪莉o個期。

想來想去都唔明，點解呀詩搵 d 合作 partner 次次都咁好既? 好 = 我鍾意！ 哈哈！好似「化蝶」既 mv，就有周俊偉，勁正！(p.s. 自此 mv 一出，我每次唱 k 都唱，初初幾乎每次同唔同 friend 唱 k，d friend 都會問: 邊個黎架?) 仲有「勞斯、萊斯」既 Edison 同日籍 model，我 d friend 都有問個 model 係邊個。:P 而舞台劇仲有 Endy 添！可能我地眼光一致！(<-- 好明顯係到發緊白日夢)

再次沉溺在自我空間中~

p.s. 補充番上次 wild day out 既 post 呀，go glory 既 goro 原來係 endy 隊 band 黎架!　之前好多次 function 都有出過，不過，恕我眼力差，我真係唔係好認得出囉 :p 唔係係 endy 個 blog 度見到 wild day out d pic，番看番 endy 既 mv 先發現呢！:p

Fascinated then Addicted to

(moved here)
I was listening to the radio when helping my Aunt yesterday. The radio program was a general talk show and yesterday they were talking about Flight Attendent. When the boy DJ asked the girl why she wanted to be FA before they talked about 'dream'. Dunno why the word 'long for' made me suddenly thought of 'addicted to' [all in Cantonese and when writting the article, i found out that not a single word in English can fully explain the chinese one :P]

And thus I made myself a promise that I should write sth. about this today.

Now I finished and posted in my 'candy-art' site.

If you are interested or you wanna know me more, please visit:

迷上、迷戀、沉溺 Part 1 及 迷上、迷戀、沉溺 Part 2 (originally one post; forced to split as they're too long [as prompted by Y!])

特稿! Grasshopper 瘦身舞~

[編後按: 前言 from elsewhere -
'coz they're tooooooo Great that i left my previous planned entries empty and write this first!
Thanks my colleague to let me watch such a great show! esp. their dance! great 80's.... haha~ funny but... v.v.v. useful in keeping fit!
Check out the 'Grasshopper Body-building Dance' summarized by us! :D (編後按: 如下)]

本來預計好要寫既 entries 宜家都要跳過唔寫住，因為 Grasshopper 實在太勁！大家記住去搵佢地 2005 回歸樂壇個 concert 黎看呀！尤其是。。。想瘦身既小姐們！

「重大發現！草蜢既 80 年代舞步既收身功能一絕呀！」

本來只係係公司笑下 d 老土但好勁既舞蹈，點知下晝返到公司，同事們好 buy，好 high 咁番看左o個段 vcd 好多次。跟住我看住佢地係度學跳，話說勁過跳 aerobic！我同事仲話下次唱 k 一定要試下！做完手頭上既野之後，我又去湊熱鬧，原來。。。唔單只好笑，仲好得！

草蜢瘦身操: (disc 3 既 medley 舞蹈精華)

第一式、「來吧！三分鐘放縱！來吧！三分鐘放縱！」請留意 vcd disc 3 既 medley，注意佢地既舞姿！雙腳前後腳企，一手渣咪，一手伸出，做「三」字既動作，跟住節奏分三下舉高~ 唱左兩句要重複兩次！呢個動作可以收 bye bye 肉！記住要挺胸收腹！有助改善身形！仲有要換手渣咪架，咪「鴛鴦」手架！

第二式、同一首 medley，因為四面台，佢地不時會轉身！練好呢個轉身動作，可以收腰！雙腳都係自然前後企，一手渣咪，一手可自然舉起 or 伸出，要當自己係四面台上面，所以你要先決定好轉動方向。向右時重點腳在右邊，扭腰面向右邊既觀眾，再慢慢將左腳抬起，轉身望後面既觀眾，整個過程只有左腳「郁」架咋！仲唔扭腰！記住要左右都做喔！

第三式、都係同一首 medley~ (句歌詞遲 d 搵比你地呀！) 雙腳呈「pre-紮馬」形，一手渣咪，一手伸直，配合音樂，舉高伸出既手，同時雙腳坐下，個句唱完之時會變成紮馬跟單手舉高，舉高時頭要依勢向上望，咁配合呼吸呀！呢個動作唔晒講都知係訓練協調性同收大腿啦！bye bye 肉都係有幫助架！

第四式、依舊係個一首 medley~ 唱唱下歌要打側躺下，假設你面向右側，你既右手 elbow 以下前臂位置要放係地上撐住自己，同自己成 perpendicular，右腳係地上，左腳屈膝跨過右腿，左腳腳底放係右腳大腿既前方。係你做o岩呢個動作既時候，你既上身應該有所傾斜，扭腰收腹功效極佳！係 vcd 度你可看到佢地既 six packs! 呢個動作仲可以收手臂，經測試，唔知 bye bye 肉收，連 bicep 位都應該會酸酸地，相信對收手臂有一定功能！

仲有一個係蔡一傑既 always 動作，上下扭動 s 型，唔只收腰，pat 同腳都收，簡直係全身運動。聽聞 joey 既 concert 都有扭，但扭得好僵硬，唔靚。Apply yoga miss 既 theory，扭得越 smooth，身體越 flexible 時，你既 figure 應該都好左好多。唔好看小扭腰同扭 pat 既動作，呢個上下扭 s，最靚既係可「郁」到背脊後面腰同 pat 之前o個到，好瘦既人o個到好多時同有 fat，唔好看的，咁扭法，持之以恆就一定 fit!

暫時只 summarize 到呢四式，我同事話會回家好好練習同繼續煲 vcd，務求可以 summarize 到全套「草蜢瘦身操」同「草蜢無 machine 操 fit 法」喎，咁就可以女仔瘦 d fit d，男仔 fit d 型 d！^_^

記住係草蜢 2005 年既 concert！vcd boxset 既 disc 3，a e i o u 既 medley！

恭賀新禧!!!!!!!

(moved here)
新既一年，小天使我已經有好多野想同大家分享 (雖然當中包括未來得及寫既 2005 年既事同 2005 年各類大事總結)，計有 (按時序):

1. 2005 年平安夜 party
2. 2005 年聖誕節新城頒獎禮
3. 2005 年 boxing day 後補假既日記
4. 2005 年小天使嚴選之"新聞"大事
5. 2005 年小天使嚴選之"另類"大事
6. 2005 年我的十大
7. 2005 年大除夕夜之"偶遇靚仔記"
8. 2006 年元旦日叱咤頒獎禮
9. 2006 年我的展望

好！慢慢寫啦！1 同 2 已經諗好左好耐，好快可以寫完。3 係好簡單既 diary~ 4 已寫好稿，放左係屋企，返去打埋佢就得啦！5 係仲未諗的 6 係真係要嚴選，我的最愛已列出，要在投票選十大！7 係一定要寫！！！真係好靚仔架！靚仔程度係我地成張檯都"呆左咁望住佢"，我張檯男女比例係 1:1!!! 但居然 d 男仔都好熱衷去偷拍！ 8 係好"有感而發"，一路看一路想同大家分享！9 係真係要好好諗下，近幾年 d 展望都好似麻麻地實現咁，今年要好好想清楚，亦要努力 d 至得！

2005. 12. 27 聖誕假期最後一天

聖誕假期最後一天，到了久違的稻香飲茶。還好，不用等很久，可能因為樓下有一間「迎喜大酒樓」吧，分散人流。

很久沒吃蘿蔔絲酥餅，有點忘了它原來的味道，只是外表看來，好像比前小了一點，但還是覺得很好吃！還吃了一芋泥餐飽，飽很軟，芋泥很濃，味道很好，很好吃，有點驚喜。閒逛了一下銅鑼灣，忘了帶 fancl 的 vip card，結果來不及在 2005 年把積分積好，原來有的10%，本來還可以變 5%，結果，二號才去買，白白送了 24 分給 fancl，也錯過了我本應拿到的 5% off! :__(

姑姐過了「海」，到香港來了，因為 wild day out，沒有跟他們吃飯，最終還是要跟他們見見面吧！約了姑姐吃晚飯，下午先會合他們。很驚訝，我的小弟弟 Alistar 小朋友居然還記得我，遠遠就叫了我一聲，走的時候還緊握着我的手。哈！我想要是我真的去教小朋友，我也應該稱職吧！帶 Alistar 回家，再一次看到我最小的堂弟弟，喔！樣子真的變了很多喔！他是我第一次看的「初出生 baby」(應該我弟也是，可是我沒印象)，在 baby 房的時候跟彌月時的樣子有差卻還認得，現在是完全看不出來！胖嘟嘟的，挺可愛！不愛哭的小孩~ 有點像女生的小男生，跟哥哥很不像呢，名字卻比哥哥男生很多，他是小 Alfred！中文也是，哥哥的是中性名字，弟弟的是十足男生名字。

雖然小 Alfred 長的比較像媽媽，可是胖嘟嘟的，可可愛愛才跟我們有點像嘛！我跟弟弟小時候也是很可愛的胖寶寶喔！

晚上吃了火鍋！還不錯，$$ 跟 quality 永遠都成正比，所以，應該沒有伯伯說的那麼不濟。說人家不行前先看看自己拿些甚麼出來囉。

中學以後，很少朋友叫我的中文名字，剛剛一聽，才發現原來他們都知道我的名字，突然有很「家人」的感覺。

2005. 12. 24 Christmas Eve

2005. 12. 24 Christmas Eve

今年是連續兩年與中學姐妹開 party，感覺很好，很 warm！之前煩惱開 party 的地方時，有人問: 點解要開 party 呀? 出街食 dinner，再去廣東道 count down 都好好呀! 是的！自從大學 year 2，連續三年也是在廣東道過的！但，心總有一點「未盡興」，我想打從小時候爸爸帶我去現代開 party 後，在我的生命裡，聖誕 = 開 party，還要把地點佈置得很有氣氛。

記得小時候學校一定有 party，爸爸也會帶我去現代的。中學的聖誕 party 更是隆重，會弄很多吃的玩的，又有 variety show，好開心！離開中學的第一年，爺爺去世，剛巧在聖誕前後，心思也不在慶祝上，只隱約記得當天跟很多朋友講了很長的電話。Year 2 是香港第一年的冬季嘉年華，去過嘉年華後一起吃飯，再一起擠到廣東道上去。Year 3 也是。到畢業後的第一年，可能因為還「習慣」跟他們慶祝吧，地點也是廣東道。

終於在去年，我的 party 癮發作，難得我的一眾姐妹響應，開始了我們一年一度的 party!!! ^_^

今年吸收經驗，減少了食物，還是吃不完，可是朋友們可以「打包」回家，又食又拿的感覺很好！丹丹說，去年的火雞她家弄成「火雞湯米」，很好吃。Wance 說她家是炒熱當菜配飯，西菜中煮，也很好吃。我聽了很高興。今年，丹丹拿了羊架 (再加些炸雞和牛排)，Wance 拿了牛排春卷并盤 (再加些炸雞和羊架)，kaman 拿了焗飯 (再加些炸雞、羊架和牛排)。Wance 前兩天告訴我，當晚她一回家，弟弟便開始吃牛排羊架當宵夜！春卷隔天煎過再吃很好吃！聽了真的有點感動！^_^ 謝謝！

今年有 hymns section，閒聊，uno 跟 killer！當然還有 gift exchange 跟 count down！播的是 jay's concert。Party 的感覺漸漸回來了！明年，我要播 christmas carols 和 set dress code! 當然，如果有一處不受時間限制的地方給我開 party 就最好不過了！

P.S. Photos taken by Winnie, not yet available! :( Sorry~

What is important in your life?

係 winnie 既 xanga 度看到個 quiz，得閒咪做下囉，都幾準喎，哈哈！

Family is most important in your life. Having a high focus on family indicates that you are a loving and nurturing person. You want to have a nice big family of your own, and you are very close with your siblings and parents. Take this quiz at QuizGalaxy.com

新年換 template~

新既一年，要有 d 新景象，見到一地 d blog skin 好靚我都想換呀！可惜我未搵到 d 靚靚相 as 呢度既 background，搵度我都要搵地方 host！:p

雖然我成日度處試唔同既 blog host site，但都係唔捨得放棄呢到。講真，講 function 同靚，呢度就真係無乜過人之處，但我都係鍾意呢度簡單 d，同埋有一個我好 buy 既 function~ :) xanga 同 msn 都無架！

netvigator 既 hompy 都好靚，但我同細佬 share account，所以唔可以自己霸晒個 hompy，雖然佢應該無異議。

xanga，msn 同 forumer blog 我都有，但 function 唔同，用慣呢到，呢到就好似返左屋企比我「亂o翕」咁，好 warm 下架！xanga 呢，係同 d friends 交流下 d 比較 serious 既野，其實即係似番 d 我以前既隨筆。msn 就好似一個 summary 咁，我既 friends 只要係 msn 度 check，就可以知我邊個 blog 有新野 update，click 下條 link 就 ok 啦！

forumer 我一路都用開個 forum，blog 呢，本來只係想試下佢 d function，又 ok 喎！就順利成章變埋我既「遊記」，我懸空多年既 travel web 終於可以以另一個形式出下場啦！

其實仲有好多唔同既 blog host 同 blog writer，但花多眼亂，新既一年，換下 template 算啦，如果有朝一日真係覺得呢到好 boring，或者我先諗下去第二度啦！

Wild Day Out Part 3 of 3

終於黎到 part 3 of 3 啦！

岩岩講到維港對岸開始有 d 光，咦?! 激光 show! d 人竟然轉晒頭去影激光 show！何解? 因為台上黎左個北京黎既 liya (黎亞)，遠看以為係大陸既新新人類，mini skirt / 長 boots / curly hair / 彈 guitar / rock!, 一開聲，well..... 田震接班人????? 但班聲咁...... 「滄桑」既?! 望下大螢幕，嘩！！佢個樣 = 田震同期???? 真係唔知搞乜啦！後生女既話，我會建議佢快 d 去做 facial；真係田震同期既話，我會建議佢着番下田震去新城個個類型既 look 囉，咁大個人，條腿點靚都唔好咁啦！嚇親我地 d 細佬 and 細佬女架嘛！佢 d 歌呢，咁大陸咁多人都「跑得出」就知有一定水準囉，不過就，真係幾大陸獨有既 rock 味，真係，好田震 lei~

係 d 人坐低晒既時候，(我地旁邊o個班 high fans 仲帶埋 little chairs 坐住黎打 psp!!!! ) 就出南拳媽媽！(o個班 high fans 既 'leader' 仲落 order: 收凳！收凳！媽媽呀！) 彈頭超搞笑，講好多勁肉麻既野，e.g. 最愛香港呀! 不過我 buy 喎，哈哈！ kaman 話好想聽 lara 唱珊瑚海, 然後阿jay走出黎一齊唱，佢就梗係想啦！學劉家玲話齋，諗下好嘞！kaman 應該 buy lara 多 d，不過我就好鍾意彈頭把聲，其實，我覺得佢把聲好聽過 jay 架，kaman 同 wance 唔好打我！消失比較 commercial d，但我覺得彈頭把聲唱消失好「出」好正！不過 d 音響唔知做乜，係佢地出晒黎前面「伸展台」唱個陣，都唔係好近 jer，竟然 feed 喎！雖然係小小，但都聽到 d 微弱既「we we」聲~ 哎~~~~~~~ 不過好在佢地 d 歌真係好聽，氣氛又好，佢地又好 high，好似好開心咁，唔知係咪因為見到我地勁嗌~ [後記: 之後看電視，有訪問，佢地話未去過咁大型既音樂會，所以已經好 excited，仲要見到氣氛咁好，所以好正！又話我地好熱情，唔怕凍喎！哈哈！原來佢地唔係講假架喎，真係覺得我地會凍 and 話鍾意企係度多 d if 安全~ 又好 care 我地喎，雖然話 interview jer，有 d 人連呢 d 都唔識講架嘛~ 唔怪得之啦，佢地係台上真係 high 架喎！]

南拳媽媽入返後台之後，大家都估下一個係邊個呢? 出得好快，無乜間場咁制，alive! 嘩！聖誕老人呀！一出黎就勁飛 d gift 落黎，又 poster 啦，又 cd 啦，又 tee 啦~ 我地隔離，真係企我隔離o個女仔既 friend 羅到 daniel 飛落黎既 tee 呀！！！氣氛超正，我都估唔到，連 d 男仔都好 high 咁喎！可能 conroy 真係玩慣呢 d band show 啦，d 人 buy 佢掛！不過，始終係 daniel 出現係螢幕到時 d scream 勁 d~ 我只知勁近台，望得好清楚佢四個個樣，連 d camera 影住都唔理得咁多啦！又影相，不過晒曬個位囉，我地無帶 camera 呀，只用 kaman 既 mobile 影囉，結果係一 pat pat 的！>.< kaman 竟然唔識 terence 喎，咁係 terrence 望過黎既時候，kaman 問我"佢係邊個?" 個度咁嘈，我咪勁嗌 terence 呀！ terence!!!!! 佢都係聽唔到，結果我仲大聲 d 咁叫"尹子維"！well..... 旁邊有人望住添！:p 不過真人真係好靚好型架！[後記: 原來 eva 都鍾意 terence 多 d 喎，哈哈！我話 kaman 話 daniel 唔過黎我地個邊，eva 即刻話: 我寧願 terence 望多 d! 同埋呢，佢同我買左同一期既新地 ─ 一本我地平時唔多買既 magazine!]

alive 之後，數數手指都知唔會停啦！大家係到估，跟住邊個呢? 我見好多人嗌 mavis 同伍佰，我就 doubt 會唔會咁早伍佰呀? 唔係壓軸架咩? 我仲以為係哈林添！點知真係伍佰 & china blue! band show 中流底柱喎，梗係多 fans 啦！d 人勁跳勁 scream！伍佰果然係大哥，唱一首歌換一支 guitar 呀！！唱台語 d 人都照 scream! 勁！大哥果然不同凡響！最後一首仲搵埋家強、mavis 同 jun 黎夾！jun 打 drums，家強 guitar，mavis 吹 flute~ 正！jun 竟然留到咁夜！

之後大家估係 mavis 既時候，出左家強既 mv~ 勁多 fans，家強家強，此起彼落~ 好好玩，跟住一齊 scream，但我既腳板到此時已痺痺地但好痛，所以只係原地wave 同 scream，唔可以跳！係時候再講下 d 不濟既音響~ 個喇叭開始'冊'，信我，真係有 d '冊' 架！咁大型既 show，係要開大個 volume，但唔可以冊喎！雖然唔係好嚴重，至少無人 cheer down!

家強之後，我同 kaman 都想快 d 綺貞啦~ 不過出黎既係 mavis！都正呀！mavis 出左個 hippies 既 look，好正！好似 70's d band show 咁，哈哈！不過 d 音響又 short short 地，feed 同冊都算啦，咁開咁耐咁大聲既喇叭，又真係幾難 tune 既，但！！！mavis 有一 part 個 wireless mic 竟然無聲！！唔知咪佢地未開呢??? 我地聽到晒 music，又見到 mavis 唱，但就聽唔到佢 vocal!!!! 好在都唔算太耐，一陣就聽得番 mavis 把聲。都幾 surprised 會見到 sam 同 lawrence 上台~ 不過看唔清楚 lawrence 個樣，佢頂帽似乎拉得太低啦！

mavis 都出埋，只剩綺貞、哈林同東方神起，咁擺明神起係壓軸啦！咁 next one 一定係綺貞。未看到 mv，d 人已狂嗌綺貞同小虎 (guitar)，出左 mv 就簡直瘋狂！原來係我地隔離個班都係綺貞 fans，超 high! 綺貞出黎後，好似萬眾期待咁，一唱歌就開始和唱，個 feel 勁正！可能因為係我地附近都係綺貞 fans，大家一齊唱，個 feel 好 warm，好似開 d fan club gathering 咁！正！不過最估唔到係看完綺貞後都有好多人走~

哈林係尾二出，但我覺得其實係「壓軸」~ 熱情的沙漠，唔知點解，係 harlem 唱先唔會覺得老土同核突，仲好 rock 添！我記得 tvb8 個新秀 show 都有人唱，我覺得好核突~ :p 汪明荃 d show 都有人唱，但都係好老土!!! 可能 harlem 帶得個氣氛勁好，之後竟然全場一齊唱「情非得已」，好正！好似 d candle show 咁! 成個 atmosphere 都好似完場咁~ :p

哈林返入去後，我地身邊既人唔知係邊到羅出好多神起 banner 同卡，我地先知原來我地係神起 fans 後面！嘩！都好多男仔喎！本來我地都被推向前，等左一陣，頂唔順神起 fans 既熱情，我決定同 kaman 行番後 d，點知一「出」神起 fans 堆，先知原來成個場走左近九成人！@.@ 好誇！都 ok 呀，少男跳舞組合，係咁上下啦，仲唱國語添！

之後未等佢地完場就決定走啦！行番出去 d，原來 d 賣 food & drinks 既 stalls 出面有位坐係到食架！隔遠同 wild day out 個台影左相就走啦，都未離開會場，只係岩岩出左個出口就完 show 啦，放煙花！勁高呀 d 煙花，d 煙都要一陣先散，勁喎！之後就聽到 announcement 話完 show 啦！

嘩！勁！就係咁企左 10 個鐘有多~ 計埋之前搵 toilet 同之後行番去灣仔食飯既時間，我總共 uprite 左 11 個鐘，無食過野 (除左幾粒 candies)，無飲過水，亦無去過 toilet!!!!!! ^_^

好開心！$280 好抵~ 呢個 experience 正！

Wild Day Out Part 2 of 3

講過 run down 之後係詳情！

我地排得算前，之前都講過，排我地前面既，有一半以上係神起 fans，所以我地都算係早黎既一批，個位唔錯架！

一黎係一隊叫 4pm 既香港 hip hop band，ok 呀，個 atmosphere 都唔錯，仲要係 d 人都未入晒場就開 show，人都唔齊就開始，算係咁啦！hip hop 要有既元素都有齊咁制，又有清唱同玩人聲捽碟, 最後 feat. 黃泆童，ok 得架，之前係無線都聽過佢唱，我想無線想出「女人魅」既時候，佢應該入選的！不過 d 音響就麻麻啦，第一首已經 well，第二首跳線跳到爆，不過我估跳得勁係"裝"既，因為要 cheer down 同帶清唱嘛，哈哈~ 最搞野係佢地帶頭 cheer down，正呀！不過音響呢，就真係唔多 ok，本來一開始我都係度諗：扮既 jer，聽聽下，聽到完場後就發現個 sound engineer 簡直要捉去打啦！之後先再講點解！

第一個 party 完左之後，個 atmosphere 本來帶得幾好，一開始間場個陣有 set keyboard 又 set violin，d 人見到個 violin 都幾有 interest，仲有個鬼仔出黎 set guitar，一開始見到個鬼仔既時候，我都仲聽到附近話: 喂！鬼仔呀！聽得出有期待！但第二個 party 遲大到，我估係主音 elisa 小姐，因為 guitar 呀，drums 呀，一早出黎 set 好晒，搞到 d 人開始鼓譟，當鬼仔再走出黎既時候已經開始 cheer down。等左唔知幾耐，kaman 話應有 15 mins, 整個 party 終於出黎，原來係「信仰」喎！我，應該有聽過的，不過究竟係歌定係 band 就唔記得左！等我之前仲同 kaman 講，遲咁多，咁大排，斷估都唔係 indie band 掛，點知中左，係台灣黎既 indie，elisa 小姐就將會出碟咁話喎~ 坦白講，elisa 小姐 ok 架，d music 都討好的，唔太 pop 又唔會太 alternative，出 commercial cd 都應該有路可行既！同埋呢，佢又拉 violin 又彈 keyboard 又彈 guitar，應該係得既！只係佢實在遲得太多，d 人 feedback 唔太多。仲有，我好唔滿意佢 hard sell 自己！！！好似才藝表演都不特止，仲同大家講自己就黎出碟，全自家創作，叫大家 like 佢頭先既音樂就記得去支持，當呢個 show 係免費廣告咁，雖然話呢 d show 都係想介紹有實力既 indie 比多 d 人認識，都唔晒咁揚架！

跟住落黎既，大家一定要記得，佢地叫「蘇打綠」！如果話，佢地係 wild day out 既最大驚喜同意外收獲，我諗絕不為過！！主音「青峰」超級靚聲，又超級 cutie。講野嬌嬌o爹o爹但又唔係話 sissy 喎，好 cute 啦！kaman 勁讚！原來佢感冒，練習個陣仲係啞啞地聲，但 d 假聲都仲正到爆！好過好多所謂勁人多多聲！聽左一首歌，我認得佢地，我係台灣真係有聽過架，不過我唔識佢地係邊個，原來叫「蘇打綠」，勁雀躍。而且佢地用樂器用得好好，又識得用大聲公扮扭曲既 vocal，呢 d 先叫 live 嘛！bass line 靚爆，仲要係靚女 (不要異議，彈 bass 的女生已經好型，仲要五官端正又斯斯文文，仲唔係靚女?) bass 手！勁！木 guitar 超純音，又係一個靚字！仲有個 melodica，好 pure 呀！melodica 配歐陸 d，relax d 既 spanish style，唔講野，唔嗌係最好既，聽完先嗌，正！i love soda green!!!!!!!!!!!!!!!! kaman 都超同意！(後記: 我返到屋企第一件事係上網 check 蘇打綠既 info，搵到個 forum 留埋言，原來 kaman 都有呀，遲我兩個留言！本來打算下個月去台灣先買 cd，不過已經等唔切，kaman 話 d 人留言話集成有，我地打算去看下！我仲叫 kaman 整定個台證，等佢地一有 concert 就可以飛過去聽！哈哈哈！)

勁開心終於知道呢隊 band 係邊個，心情仲好 high 既時候竟然出 jun!!!!! 唔晒停啦！同 jun 對唱個個女 vocalist 好勁！靚聲~ 所有其他既樂手都好正，jun 仲叫大家一齊做 peace sign，好 touching 好有 feel，個一刻，我有一個好強烈既感覺，音樂係 peaceful 既，rock n roll 都可以, 想返外國個 d 就知啦~

當我好奇怪點解咁早就呀 jun 既時候，跟住個 party 就出場，明晒！呢個 party 係一出道就標榜 alternative 同 rock 既 kay tse 謝安琪。well，講真，我唔太 buy 佢，不過無所謂啦，同 kaman 傾下咪捱過囉！一路都 ok 啦，都有人叫佢個名咁啦，只係最後佢竟然整首「我歌故我在」(唔係好記得，類似啦！勁 pop，其實都唔緊要，但佢真係齋唱，做到好似 d 告別 concert 咁，扁晒眼！)

跟住既出場我有 d 失憶，好似係 jolie。想黎想去都唔明點解 wild day out 會搵 jolie? 莫非同佢羅新城咩跳舞歌曲獎一樣咁離奇? 總知就露晒臍咁跳呀唱呀過左兩首歌！同埋有四個 dancers，唔知乜水，個款好似 eo2, 不過 jolie 又無話係 eo2 喎，真係唔可以證實。我唯一就係覺得，真係 fit 左喎，因為我之前係 ifc lane crawford 見過佢，好高好瘦但有肚腩。

跟住就慘囉！go glory，我只係係 magazine 到看過呢個名，知道係一男一女既獨立樂團，以為會幾好啦，唉，無謂多提，台灣既獨立樂"圈"果然好好多！

然後黎個張繼聰，嘩！好唔掂！之前看 magazine 講到佢好勁咁，但..... 我諗佢都係去做番 anakin 算啦，唔係話唱歌好唔好 or 作曲掂唔掂，但佢都幾 show off，唔太岩做佢講既 alternative 囉！仲有，唔知係咪佢以為自己跳舞好勁呢，扮 moon walk 喎，係就好似係有 d 既，都有人叫囂，但我覺得唔係囉，總是覺得有 d 唔同，不過唔識講，或者真係既，只不過係唔 smooth 既 moon walk 囉 (咁咪即係唔係囉，哈哈！) 佢又扮人聲捽碟，不過...... 同下午個個都有 d 相差喎！係勁多人狂嗌 bye bye 下，終於完左呢兩個令人勁唔耐煩既 parties。(唔好以為真係，好戲在後頭 >.<)

Endy 係成日 show 既第一個高潮，可能特別係o個兩個咁唔得"民心"既 parties 後出場，簡直係全場轟動！女既有女既叫，連男仔都勁 buy endy，喪嗌 endy! 講真，我都幾鍾意 endy 架，不過佢把聲就真係唔算好好，但係 d 歌就勁正！(即係好似佢之前講，自己作作埋 d 歌太高 key，唱唔到，or 唱得好辛苦，所以要去改進) 同埋個人又超型，可能夾慣 band，仲超 rock 添！佢唔知係 natural high 定咩呢，唱到係地下滾住彈結他 (不過之後話真係扑親喎，唔知真定假，真係就要小心 d 啦，會跌親架！)！最 not buy 既係最後都要搵埋 go glory 同張繼聰合作囉，嗯..... 咩佢地都係 warner music 架咩?

間場靜左一陣，明顯多左人去買野食 or beer，不過小春一出，都勁架！佢 set 晒台，又多 dancers，好似做自己 show 咁，不過無所謂，大家 buy 咪得囉！唱「犯賤」，明顯甩嘴，不過大家一齊和唱，氣氛幾 ok 囉！雖然唔 rock，d 歌仲好 k 添，不過算係咁架啦，大家都係看 show jer，又有野看，d 歌又岩晒 d 男仔 feel (好似無賴咁，我發現宜家 d 人聽到 d 咁既歌就好有「共鳴」，唔理係咪 pop 架啦！)，atmosphere 都幾好呀！

數下數下，都差唔多一半啦喎，但對岸好似已經開始維港 show，咦?! 八點啦???? 唔知，因為無看表！ :p

(後續)

Wild Day Out Part 1 of 3

星期一去左 wild day out，足足企左 10 個鐘，不過超超超超.......... (下刪infinity x 超) 正！本來想一早去排隊，係真係一早，不過怕太誇張，所以就約左一點！不過拖下拖下，去下 toilet 咁就一點九到添馬艦，已經由海旁近中環既入口排到去解放軍啦！！

雖然排左成個鐘有多先開始入場，不過一 d 都唔 tired，梗係啦，岩岩開始咋喎，咁快 tired 就唔晒玩啦！:p 我地算排得前，我想應該係最好位置既一區，except vip 啦，好近台，T 字台，前面"伸展台"離我地大概幾米咋！！！就算唔行去台前面，台中間 d 人都看到樣架，雖然細 d~

詳情唔講住，講下出場 run down 先~

4pm (最後一首 feat. 黃泆童) → Elisa + 信仰 → 蘇打綠 [驚喜!!!!!]→ Jun & fds (?? 總知有 band & 女聲 vocal 啦) [第一高潮] → kay → jolie (呢段失憶，唔知次序岩唔岩) → go glory → 張繼聰 → endy [第二高潮；全場到次為止先有一次勁嗌] → jordan → 黎亞 [最多人坐低之一，仲要維港有激光 show，d 人轉晒頭望向對岸] → 南拳媽媽 [可能因為經過頭先悶到發慌，呢到有個小高潮] → Alive [唔晒講都知勁啦，但洶湧情況令我有 d surprised，因為 band show 嘛，居然連 d 男仔反應都勁好！可能頭先真係悶左太耐，又唔係咁多人會 buy jay feel 的南拳媽媽] → 伍佰 & china blue [勁啦！我旁邊幾個女仔都話: 嘩！估唔到咁多 fans 喎！梗係啦，band show 喎！大把伍佰 fans 啦！我就識人喇，佢話 if 今年去都只係齋看伍佰 & china blue，又無張震嶽，所以唔去。全場開始 high 啦！最後一首，mavis，jun 同家強仲出埋黎！] → 家強 [無左 beyond 既家強依然好多 fans，我旁邊既另一班 'high fans' 就係啦！男仔勁跳，女仔喪嗌] → (此時好似已經 over run) mavis [mavis 出黎就勁嗌，臨尾仲有 surprise! mavis 自己都話係 surprise，我無看錯既話係呀 sam (李燦森) 同 lawrence (周俊偉) 出左黎跳同埋同 mavis 抱抱] → 綺貞 [好似有 d 萬眾期待，連 guitar 都係，d 人喪嗌 guitar 手個名！不過唔知係咪因為我地旁邊有好多綺貞既 fans] → 哈林 [尾二係 harlem，勁正！全場又喪嗌到勁跳到合唱，簡直好似壓軸完場咁] → 東方神起 [原來我地前面既全部都係神起 fans，唔怪得知咁細個啦 (p.s. in fact 係矮囉，因為一直我都有「隙」看到個台，之後前面幾個「高人」向右移後我都看到晒個台咁制 :p) 氣氛唔錯架，雖然人走左九成咁制，不過 d 妹妹同弟弟繼續喪嗌，ok 啦) → 完場啦！有煙花！好高呀！靚！

當愛已成往事

其實我唔係好識呢首歌，不過頭先係 office 悶悶地，client 收晒工，我地又放早，就放縱少少，上左 now.com 看番 tvb8 全球華人新秀。岩岩聽到一首歌叫「當愛已成往事」，d 歌詞都幾到位，真係幾想「點歌」，但又好似好衰咁。我唔係唔想 support 朋友，但有 d 野其實唔可以勉強嘛，唉........

可以點歌就好喇~ @_@

簡提絲的文藝空間最新更新

冬天刺激人的思維，引發人的創作靈感。
在公司無聊之時，看看窗外，觸發了寫作的欲望，靈感卻是零零散散的。分開了幾次的寫，結構不太連貫，其實只是有感而發的一篇無題散文。

願望清單~

平日除了 gmail 外，很少會用到 google，search engine 我都是用 yahoo! 的。

今日準備update 一下 blogger 的 user profile 時，發現了「願望清單」，原來 google 有一個叫 froogle 的東西給人 online shopping，除了有個人 shopping list 外，還可以有一個 public 的 wish list，讓你告訴親朋好友。我當然也把我的 wish list 寫進了 profile 中，也 link 在此！:p 有人以為放 link 在此是貪心的表現，我絕不是這樣的，我只是希望我的朋友能多點了解我的現況。

畢業後，雖每每都有 gathering，但朋友之間的了解始終未及從前，所以我希望可以把我的 wish list link 在這裡，讓我的朋友可以多一點了解現在的我！^_^

這一次的 wish list 有四樣東西，排名並不依 wish 的程度，只是我放入 wish list 的次序！第一樣是 evening dress，其實並不是要依圖所示，只是我希望可以買一條 formal 些的 evening dress。表姐下年籌酒，始終是 wedding，總希望可以穿漂亮一點！再加上上一次在 alfred 的彌月酒，看見很多從國外回來的女士都穿上不誇張但得體的 evening dress，感覺到是時候去「入貨」了！哈！我突然又想起了「旗袍」！

第二件是配 evening dress 的 pouch bag。說一個笑話，剛剛在公司 (現在也是 :p) 有點悶就想要去 update blogger 的 profile，然後走到 froogle 的 wish list，我本想打 pouch bag，只是手比較順的打錯的一個字母，想也知道吧，就出了一些，哈哈，在家就沒問題，在公司，就急急的關掉 window 呢！

第三件是一直想買的長 boots，不過還沒有想到買甚麼 style 的，現在常常穿的有一中短及中長 boots，還差一對到 knee 的長 boots，不過天生身高問題，還是要慢慢搜尋一下比較好！:p

最後一件是渴望已久的 3G mobile phone，不一定是 w900；再說下去，其實不是 3G 也沒有太大關係，也許 w800 也真的不錯！