小人兒記事 – 20110318

今日係TEAM GATHERING；原本計畫 CYCLING + BBQ，我只去 BBQ SECTION，但上個禮拜感冒未好，決定 EXCUSE 一次，反正之前都係WORK AT HOME，如果身體唔係真係好好 CONDITION，我都唔想「去玩」。^^

點知天有不測之風雲，天文台話天陰有雨，老細們決定「放棄」有益身心既 OUTING，改為我 TEAM 最鐘意而英國紳士 BIG BOSS 最唔鐘意既唱 K + BOWLING + 食飯。:P

OFF TOPIC: 相信此一變動會令我地 TEAM 既「社會服務PLAN」 加速上馬。我無返 OFFICE 既一段時間，話說我 TEAM 成員 (多為熱心公益既基督徒) 向 BIG BOSS 獻計，推行探訪獨居老人、兒童院、低收入家庭等活動，BIG BOSS 唔想 ONE OFF，但又怕唔夠 $$ SPONSOR (當公司越來越多典型香港人，越來越少英國紳士，用公司 PROFIT 去做呢 D 公益事務都唔係咁容易)，所以計劃正龜速進行中。

BACK TO TOPIC:
因怕 K 場空氣混濁，我本打算只食 LUNCH，然後返公司等 BOWLING 時間，晚飯就 PASS 了。點知阿姐好好咁選左 RED MR，話貪個度「空氣好」，叫我一齊去 (其實係阿姐好鐘意唱 K，由舊公司跟到過黎佢都無變過，一唱 K，分分鐘就會唔去 BOWLING 了 :P)，既然如此，咁就去啦~

可能 RED MR 係新開，真係一 D 煙味都無，仲要無刺鼻既空氣清新洗劑，唔錯！

BURGER 當然未去過唱 K 啦，亦好少聽 POP MUSIC，除左 DADDY 會係 MOOV 度播既 EASON 或者舊歌。初初我都驚 BURGER 唔鐘意，但 OK 喎，MAMA 唱歌個陣，BURGER 會踢得好開心，又會跟住節奏踢，好得意！

唱 K 既最後當然既爆 ROCK 歌，我好驚嚇親 BURGER，亦深知 > 90 db 唔好比 Burger 聽咁多，但又唔好意思走，所以羅左件大褸 COVER 住個肚，ZIP 隻袖落張凳到坐住 (怕VIBRATION 太大)，再羅個袋 COVER 住個肚，Burger 無奇怪動靜，我想我應該是成功了 :P

唱完 K，本來仲想去荷花看一下，點知 KAKIN 好早出到黎，就先去 SOGO 買奶樽，本來 BURGER 六月出世，五月前買好晒就 OK，但日本 311 大地震再加上核電危機，唯有早D去"入貨"，我地唔係想"同人搶"，只怕到時無得入口!!!!