終於出台既日本遊記(序)

再唔寫真係驚自己唔記得，又再「重蹈覆徹」。
今次既日本之旅意義重大，係上年既十一月已經定左，只係時間仲猶豫緊四月定七月。最後決定七月，因為七月北海道既花田實在太吸引了。
係決定左七月去之後，其實都j無乜 prepare 過，直到農歷新年 mr kao 既 email 話佢七月會係東京搞 exhibition 之後先開始「正式籌備」。
為左就 mr kao 攝影展既時間，我揀左七月十九號出發去北海道，當時係三月。幫細佬用 asia miles 出左張 Tokyo 機票後就即刻搵 suki 問 package 價同機位，我仲記得，當時仲幫細佬個 friend手問埋五月底去 Bangkok or Taipei 同幫我地自己問埋佛誕去 Bangkok 既野。最後，竟然十八號晚十九號凌晨機都係 full 晒！兜兜轉轉，又問埋 egl 同縱橫遊，決定請多一日假 (最後 turned out to be 多左兩日半)，十八號凌晨出發，二十八號凌晨到香港，整整玩足十日，如果由離開屋企門口計，係十二日長，對我黎講，算係名乎其實既「長假」。
係未定好機票前就已經買左本香港出既 guide book，又買左一本台灣一本日本既 magazine，仲上左 n 個 websites 同 mushroom 夾住 d 行程。
我覺得 preparation 唔算一等一既充足，但起碼 hotel，hostel，pension 都 book 晒，咩 pass 抵 d，巴士點搭都 check 過晒，火車班次同船期都 check 過，夾過行程，算係唔錯啦~
可能出去做野做得都幾多次，習慣左到一個新既地方係香港機場買本 guide book 係飛機到望下，再唔係就係當地機場拿 map 拿 brief guide 係車到望下，做完野無人帶就自己出去「闖」下，flip 下 guide book pick up 一個 spot 既「半準備式」四圍走 travel mode，今次顯得好有 planning，同埋無以前咁驚青，唔會話無準備唔知點咁，隨意 d 都好，otherwise 就好似 guided tour 咁，去邊食野都定住晒，我地今次呢，就有 d 邊走邊逛，邊走邊找吃的感覺。