終於 update 完啦~~~~

嘩!!! 幾經辛苦~ 終於 update 完啦~~
大家一定要看下呀!!! :)

p.s. 好眼訓喔!! :o:

男人~ 女人~ 魚網絲襪~

今朝搭巴士返工~ 終於見識到魚網絲襪既魅力啦~

話說今朝巴士好逼人~ 到我個站~ 我已經企係黃線到~ 我面向對門企~ 我前面有一個應該未夠三十歲既西裝男子 (A 君)~ 我左邊係一個過左三十既 casual wear 男人 (B 君)~ 跟住個站上多幾個人~ 有 d 入左去車尾~ 我右邊企多左個女人~ 係我同 A 君之間企多左個男仔 (C 君)~ 應該係去 poly 返學~ 仲有個大叔企係車頭近司機個邊~ 架車咁 full，一般都會飛站~ 點知... 係呢個時候~ 有個女人 draw 到我既 attention 喎~ 個車咁 full，一般人等車都會算架啦，預左飛站，誰知呢位小姐離遠就 "遞手"，好似截的士咁~ 唔知係咪真係咁趕時間呢? 我 only 見到佢隻玉手，無留意其他野，以為個司機會唔理佢~ 點知架車竟然 cut 埋線，準備泊站!!!! 咁就梗係要望下有幾「國色天香」到無情既巴士司機都載佢~ 未黎得及望佢個樣，就見到我周圍既 A，B，C君視線好一致咁望佢對腳，咁我又望下啦~ 美腿乎? 嘩!!! 唔怪得之啦~~~ 白色貼身荷業邊少魚尾迷你裙配黑色大魚網絲襪!!! 對魚網絲襪仲應該係貴野黎架~ 有黑色絲襪底!!!! 腳蹬黑白色 MARILYN MONROE 時代復古 PUMPS!!! 跟住 ZOOM 上去，黑灰色BIKER，又幾型喎~ 身材好唔好就看唔到~ 對腳就幾長既! 不過唔瘦架~ 有肉但唔肥啦~ 再 ZOOM 上去 D，WELL~~~ 我看呢~ 就... 唔靚囉~~ 又唔可以話醜既~ 但唔平庸囉~ 有 D 外國返黎既味道! 跟住... 就係正題啦!!! 呢位小姐企係 A 君隔離，挨住車門~ 呀 A 君就時不時向下望~ 一直到落車~ 呀 B 君閃閃"宿宿"咁向下望~ 仲好似"裝"下"裝"下咁~ (因為離"太"遠) 呀後生仔呢~ C 君就真係 "明目張膽"~ 一路扮望地下~ 反而呀大叔就好似同車既女士咁，望一下就無再望啦~

這就是~~ 男人、女人和魚網絲襪~

嘩!! 今日撞到泰國人呀!!

好奇怪~ 尋晚看完泰國片~ 今日就係咁撞到 d 講南亞話既人~~

今日去 city 溫日文前去左 causeway bay 買書~ 入閘既時候見到個好cute既「賓仔」~ 真係「賓仔」呀~ 好細個架咋~ 小學一二年班度~ 肥嘟嘟~ 眼大大~ 輪廓又深~ 真係好想同佢影張相~ 跟住入到車卡~ 又比我見到個好 cute 既 bb~ 咦~ 又係差差地喎~ 不過呢個 bb 真係好 cute，佢爺爺個袋 cover 左佢架 bb 車~ 佢就用手撥開個袋~ 呢個 bb 對眼好大呀~ 又靚~ 我隔離對 couple 話: 「你看~~ 佢對眼真係好大呀~~ 點解一個 bb 就可以咁大~ 仲大過你喎~」咦~ 看真 d，原來係頭先個細路個細佬黎架!!!

跟住轉荃灣線~ 有一家人羅住地圖~ 看真 d~ 又係南亞人士~ 聽下佢地講野~ 咦~~~ 我尋晚咪聽過呢 d 音同語調囉~ 原來係泰國人呀!!!!

我再轉去觀塘線~ 又撞到 d 唔係講廣東話~ 唔係國語~ 又唔似係大陸方言既「類中國人」~ 唔知又係咪南亞人呢?

同 martin 影相 ~~

終於到左同 martin 影相既大日子啦~ 雖然今次無同 cathy 影個陣咁多人，but 都好好好開心呀!!! compare 番 martin 同 cathy 既 「影相日」，覺得呀 joe 真係非常極到唔話得! 佢地話呀 joe 好比面 cathy~~ 我都認同~ 不過我就更加覺得係呀 joe 非常珍惜朋友 (佢個 diary 都有 mention 到佢好珍惜架!)，懂得尊重 d friend!! 有時會覺得，朋友係身邊真係唔係必然，有一班好朋友係好應該去珍惜!!! 係咪? 好似 kaman 打比我，話同 winnie 慶祝生日~ 好呀~ 買禮物呀~ 好呀~ but 佢問買唔買比另一個 friend，因為驚佢又放飛機~ 呢個女仔呢~ 一年都約唔到幾次~ 約到又唔到~ 到呢又遲到 (注: 係遲好多又無講明個 d) ~ 有時都唔知點咁~ 試過好「男女男」，不過想深一層，算啦~ 隨緣吧了!!! 所以呢~ 我就見議: 請佢食飯算啦~ if 佢出黎~ 佢唔出都無辦法架~~ rite?

講番 martin 影相~ 係「南北小廚」飲完茶就影相啦~ 因為 velda 趕住上堂，係蘑菇影左幾張就走啦~ 無 cathy 個日影咁多喎~~ but 去左「荷花池」影~~ 喂!!! 點解我讀左三年都唔知有個咁既地方架? 我都有住 hall 架喎~ but 連 atrium 頂都無上過!!! :( 仲話 library 頂~~ 唔制呀!!! >.<

影完相就去唱 k~ velda 已經「搵左房」~ 不過... 我地... 竟然~~~ 唔識 d 「新歌推介」!!! 好似係食 k buffet + 聽歌~ 哈! 不過~~ winnie 到左之後就好 d 啦~ 呀 bill 都識 d ~ 我呢~ joey 個 d chorus 就記得囉~ 不過呢~ 至從上次聲帶發炎之後，唱 joey d 歌就真係有 d 控制唔到囉~ 哈哈~ 會知道把聲又有 d 事囉~ 千嬅個 d 就 ok~ 唔知試下練單田係咪會好 d 既呢?

唱 K 唱到九點就比人趕嚕~ 見仲早就去看 movie~ 看 shutter 呀~ 好少我會咁大膽! 不過~~ 有個意外收獲喎~ 個男主角勁型~ 都幾靚仔架~ 咁~~~ 靚仔喎~ 我梗係會留意下結尾個「cast」字幕啦~ 唔係泰國人喎~ 姓 「e咩ringham」架~ 叫做~~ 咦~ 唔通我看錯~ amanda?!!! 所以我都無講比大家聽~ 我只係話「咩ringham」咁囉~ 咁就一定要去查下啦~ 「起人底」係我既強項喔~

真係要~~~~~ 走!!!!!!!!!!!!!

癡線架！！看清楚 d，原來有 ＝ 無！！唔係幾次先 warn 架咩？？真搞笑！！

仲有．．．驚聞呀！！！有人減薪！！仲超大幅度！！！唉～～　真係．．．癡線！！！個人一返來就大鬧！！！咁有係～　仲少個入職個陣喎！人地大大話話都係度七年啦！要減到少過七年前，都唔ｒｅａｓｏｎａｂｌｅ！！所以～～～　我一定走！！！！

癡線架~~~ 我唔想鬧人~ 但真係忍唔住!!!!

癡線架!!!!!!!!!!! 本意當然好，我亦理解~ 我都講過~ 你無 policy，我唔會理你；你有 policy，我就一定做得好好看看~~

不過會唔會有 d 癡線呢? 頭三個無問題，好正常，但最尾個個真係有 d 怪囉~ 你看唔到架咩? 咁都要 mark? mark 黎做乜呀? 係咪會看下邊個 mark 最後? 有 bonus 架? 癡線!! 雖則話唔難理解，but 好似變左工廠妹!

點解 d 人做野可以咁樣? 就好似有班學生上堂訓覺，佢地當然知唔岩啦，不過問心個句，如果呀SIR OR MISS 唔話你，你會唔會繼續訓? 我肯定 99% 既學生會繼續~ 如果個呀SIR OR MISS 唔話你，BUT 同你班長講，叫你訓少 d，你會唔會彩個班長? 仲要個班長周不時都釣魚!!! 跟住個先生就話班學生屢教不善，要嚴厲執行校規，上堂睡覺者"記過"! 咁你會點? 咪唔訓囉~ 鬼叫你係呀sir 咩~ 不過，係你好眼訓個日咁點算呀? 梗係去 sick room 啦~ 頭痛要訓覺架嘛!!! 再唔係~ 就梗係 sick leave 啦~

呢個呀sir 以前一定係個死蠢/"勁乖"既學生~ 否則又點會想唔到呢點呢? 咁"記過"黎又做乜?

不過我想~~ 黎得呢到既 friend 都試過請 "sick leave" 架啦~

突然好懷念係 sick room 訓覺既日子~~~ 我都係 sick room 常客!! 呵呵! 尤其係今日見到 yw sports day~ 好有緣~ 平時架車都唔經個邊~ 今日經過就見到~

好朋友們~ 比下你地既 comments 啦~ 比你係個學生~ 1. 無人話你，except 個班長，你會唔會繼續訓? 2. after 要"記過"，你會唔會上 sick room?

突然有好多野寫~~~

突然間又有好多野寫喎~~

上個禮拜五~ 我係度 update 緊我既「國語日記」既時候~ 收到一個好驚喜既電話~ 聽到一個好令人開心同"雀"躍既消息~~ 不過我真係無想過呢~~ 雖然話收到佢電話唔出奇~ 但竟然呢 d 消息佢會打比我同我講~~ 好 surprised 架~ 嗯~~ 哈哈~ 有 d "受寵若驚"咁~ 嘻~ 由於太 surprised 既關係~ 我竟然唔係好識講野~ 搞到 d 語氣怪怪地~ 所以呢~ 我當時講既野唔係好表達到我內心所想~ 所以就 send 左張 ecard 比佢啦~

今日同 cathy 影相~~~ 係將軍澳既「客家好棧」飲左茶先入去~~ 影左好多好多相~ 有 d 「景點」我舊年都無去~~ 幾開心架~ 不過有 d 感觸咁啦~ 人地話「十年人事幾番新」~ 好似... 我地最多都係一年無見~ 就幾番新嚕~~~

夜晚~ 又上左山頂~ 同小捷姨姨同佢 d 朋友~ 都係覺得 IFC 2 好唔 match~ 搞到成個 view 光晒~ 無以前咁靚~~

宜家 icq 緊~ 都係個句啦~ 對唔住~ 呢幾日好似有 d 問題~ 個腦同把口間歇性咁有 d 唔 match~

唔知寫咩好~ 但又好想寫~~

唔知寫咩好呢?

呢幾日，生活好平淡，好似無咩值得同大家分享，但係，我又好想好想係呢到留低 d 野~

嗯~~~ 星期三終於做左一個 mask，FANCL 既補濕淨白面膜~~ 哈! 我呢個懶人都終於係媽咪既督導下做左一個久違既MASK!

可能係太耐無做MASK 啦~ 連保養品都好少搽，效果出奇地好喔! :D

仲有，呢幾日都仲食緊中藥，老毛病，個胃唔係好好。偶然比我呀姨發現我 d 藥全部都係補藥，唔通我身體真係咁虛弱? (!!!) 講到中藥，醫師同媽咪都話我好食得「苦」，因為飲藥既時候，我都唔覺得苦，有一次我仲覺得有 d 甜甜地~~ :P 中藥會甜，第一次聽掛?　仲有一陣玉桂既香味喔！

唔好誤會啦~~

嗯~~ 唔知今日係咪講錯野呢?

其實我無特別既意思架~ 我只係想同你傾多 d ~ 希望溝通下~
如果搞到有誤會，我會好唔開心架~~ 希望無啦~~

總之~ 就溝通溝通啦~ 好嗎?

隧道 "P" 牌奇遇記!!!!

嘩!!!! 經典呀!!! 竟然唔記得係度同大家講~~~ 宜家記得，即刻講番先!!!!
話說我上個禮拜，應該係星期三，搭緊巴士返屋企，竟然比我遇到奇景!!! 我見到有一個好瘦弱既人，我覺得似女仔，不過都有可能係個男仔，一個 "P" 牌仔，竟然!!! 推著架棉羊仔係隧道度行!!! 佢企左上隧道旁邊個"駁"度，推著架車~~~

可能我細路女未見過世面，我覺得好經典！！！唔知佢係死左火，定係 balance 唔番呢?

亦唔知道佢最後點呢? 不過在此，祝福會駕電單車既朋友，唔會有咁既經歷，亦希望你地開得小心 d，安全 d 囉! :D

生日禮物二~~

Trick or Treat!!!!
Happy Halloween~~~~

今日係 halloween~ 不過今晚出黎 dinner 卻是為了慶祝生日~ 我同 gumyu 既~
收到一份好靚既 present，係條天使頸鍊~~ 有粒紅色既石~ 係 for october 架~

今晚都好開心~ 又去 xtc 食 ice cream~ 原來開心果、guava 同 banana 都唔錯架~ blu 都 okay~
仲行番屋企~ 係維園行石春路同打韆鞦~ 勁好玩~~

同中學同學出黎係唔同 d~ 個 feel 好好~

發現左一樣野: 同中學同學玩既 feel 有 d 似同 express friends 去玩既 feel~ 不過 of 'coz 同 d 中學同學一齊，有 d 女仔親密 d 既 feel 囉~ express 個 d 就有男仔囉~ 唔同~ 不過都係好 comfortable~ 好似家人咁~ 同 ic friends 就有 d 唔同~ 同他們一齊都好開心~ 不過就係無左個種家人既親切感!!!