韓國之旅 -- 1

凌晨機真係好似玩多左日咁~~~~

係飛機度 (一架細細既 737)，矇矇矓矓，睡下醒下就到左韓國啦！落機係凌晨五時十分！不過係架機度睡得「過龍」，唔記得 apply lotion 先落機，不過好彩落機個陣又 ok，唔會太乾。到左韓國仁川國際機場後既「天氣」(室內應該用「氣候」？是但啦~~~~ 哈哈)都 ok，可能有暖氣，我 only wear 一件 tee 加一件冷外套 (件外套真係好勁，有幾日係街度 only wear tee + 外套都頂得住)都覺得有 d 熱，哈哈！可能岩岩「訓醒」既關係，去到機場都無預期中咁興奮，過左關，去到行李帶，多人度你唔會覺得係凌晨！！仲要個個講廣東話咁制！等左好耐先見到 d 行李，拿齊之後就去「暢錢」，考慮左好耐，最終都係決定暢三千蚊港幣(費是唔夠有排搵地方暢)！暢完錢就等埋其他人，出到去就有當地既導遊接我地 (我唔記得左個 photographer 係呢到有無出現)，仲同我地講「早晨」！

離開機場之前係點名時間，我第一次真正認識我 d 團友，('coz 係香港機場個次，我地遲到，派 passport 個陣我 only 留意 d 入境 form 係邊)，有：(點名次序唔記得啦)

1. Emily, 輝同恆
2. 孫氏夫婦 (呀 ling 同呀君)
3. 曾氏一家四口 (其中家姐係ust師姐呀！)
4. Sylvia 四位 (2對夫婦；其中一個先生有 d 似阿部寬)
5. William 小弟弟同佢爹地媽咪 AND 婆婆公公
6. 胡氏夫婦
7. 陳氏夫婦
8. Macy (媽咪) 一家三口 (Zoe 小朋友)
9. Michael 同 Raymond
10. Susanna (媽咪) 一家三口 (小朋友好似叫 Yoki)

勁呀~~~ 又講下我地 tour 既工作人員啦，一共有四個，香港既 tour guide 叫思明，韓國既導遊叫 Ricky，係韓國華僑，司機叔叔同埋一個叫 Jacky 既 photographer (定係打雜?)。

正式開始韓國之旅！第一站係去2002世界盃會場...... 隔離，一個好似浴場，但又有溫泉，又可以睡覺，仲有野食、facial 同 gym room 既地方，個名我真係唔知，only 知個音叫「韓蒸沐」(點寫完全唔知呀~~~ 呢個係取音 only)。

係呢度... 係要裸體入浴場 and 溫泉架！不過 d 溫泉都真係好 ok 呀，可能係香港唔會有，所以咩都覺得 ok 啦(台灣個個我都覺得好 ok 架):P

好舒服，仲有 sauna，不過真係好熱，68 度個個都已經麻麻地頂得住！係呢到叫做「熟左」Emily 同曾氏三母女，'coz only 我地幾個係度「玩」晒各式各樣既溫泉同 sauna。跟住想住去搵 kakin，點知唔見，走番入去就飲左盒牛奶，好正喎，原來 korea milk 都好好味！行出行入幾次，走左去 gym room 跑左一個 course 既跑步機，見到 d 小朋友係度勁兜圈，好搞笑，難為左爸爸媽媽囉！搞左好多野都 only 係九點鐘度，仲有成個半鐘先走，點算？係呢個時候，曾氏家姐叫我一齊上去上面睡覺，話靜 d，咁我就上左去睡覺囉，橫店呀家姐有鬧鐘，唔怕睡過頭啦。睡左一個鐘度就真係精神晒，起身梳洗一下，換好衣服就同 Emily 一齊出去睡覺既大廳，but 由於實在太難搵番 d 人出來，我們決定到門口 (tour meeting point) 等；好彩無係入面搵，原來佢地已經出左黎啦！

跟住去邊呢？你地估唔估到十點半會去邊？我擔保 99％　人都會估錯！我地係去......　食飯！！仲要係特色餐：石頭飯！

由於篇幅太長，我將在我既　ＴＲＡＶＥＬ　ＰＡＧＥ　另行再寫我既　ＫＯＲＥＡ　遊記，仲會有相添呀！記住去看啦！

韓國之旅 -- 序

宜家其實係二零零四年三月六號晚上十一時二十分~~~ 我宜家'back date'番我韓國之旅既「遊記」！

星期五係 casual wear day，本來已經係輕鬆 d 既一日，會懶散 d；但今日成日都無乜做野，好興奮，因為今晚要出發去韓國旅行！

一心想住快 d 返屋企 final check d 行李，點知要搞到差唔多六點三先走，行左過去火車站同媽咪一齊搭巴士返屋企 (媽咪今日上左大陸)。返到屋企差唔多七點三，仲要沖涼，幾驚趕唔切，'coz 約左 kakin 八點鐘係屋企出發 (我絕對唔係驚遲到 check in 啦~~ 十點九喎~~~)！點知最後 kakin 要係 CB 買野，都遲左~~ 最開心係爸爸自動駕車送我地去機場！(唔晒搭機場巴士係非常非常高興既事！)

去到機場都係九點鐘多 d，(不過有 d 擔心爸爸返到屋企好夜，會唔會有 d 「不孝」呢？爸爸仲未吃飯 :P)去左 spaghetti house 食飯，食得都幾飽！到左十點鐘左右就離開餐廳，去周圍行下 (我既 favourite hobbies 之一就係係 airport shopping!)， kakin 怕搭飛機悶，買左壹週同便利！我就去左買水 (好重要！！)。行行下就十點半，上左去離港大堂，慢慢咁行去 E 區，見到好多旅行社既牌 but 就係唔見有東瀛遊，咁就繼續去「兜圈」同去下 toilet 咁，攪到十點幾差唔多十一點度就再去看看，今次就見到喇，仲已經有好多行李放低左，我地放低埋 d suitcase，拿左 boarding pass 同交低左 passport 之後就去左 pacific coffee！杯 latte 好熱，搞到遲左去 meeting point，去到個 tour guide 已經講緊野！黎到呢到，我既韓國之旅就正式開始，因為有呢刻開始，我已經 join 左呢個團，癡實左大家！

我地班機係機場最後一班客機：凌晨一時正！入左閘，過左關，都無咩野做，十二點咁制，咩都 close 晒，齋等！見到附近有二大班「師奶團」，看下個團章，係康泰既，好彩無跟錯東瀛遊，起碼頭先個度 only 有 d 好可愛既小朋友而沒有「好多師奶」。

等等下我地就自拍一下出發前個樣同個機場閘口，跟住就校埋隻錶，校快一個鐘。上到飛機，想睡覺，but 近住機翼，好噪！！跟住又有 d juice 同 snacks，重點黎喇！！原來半夜機都有晚餐架！！早知頭先唔食 spaghetti house 去食 ice-cream 算啦！唉~~~~ 食左少少啦，都 ok 架！跟住就看下 magazine，看下個 monitor 話仲有幾多 miles 到，之後就真係睡覺啦~~ 有被架！睡下醒下睡下醒下，唔知點又有號勁既氣流喎，扣番安全帶之後就無開過，'coz 想好好睡一下，雖然好噪！

好喇~~~ 序到此為止！'coz 其實已經係星期六上午而唔係星期五夜晚囉！ :P

星期五晚去korea啦!!!

我去韓國呀!!!

好緊張呀~~ 唔知係咪真係好凍呢?

仲有.... 唔知要晒幾多 $$ 呢?

要 prepare 好多禦寒既野，手套啦、冷帽冷襪啦、等等等等~~~~

好驚帶漏野啦~~~ (其實我仲未執野架，only 寫左 checklist 同埋係個腦度想好左)

期待一個愉快既旅程!!

小菇，生日快樂!!

小菇，生日快樂呀！又大一歲啦，要更加努力啦...... 工作啦，身體啦 (唔好肚痾啦)，學業啦 (你讀唔讀 gis 添呀？讀唔讀唔係 main pt.，main pt. 係要「終身學習」、"add value" 嘛！)同埋...... 桃花啦 (唔好等 Winnie 媽啦)！

好！！跟住要講下呢幾日發生既事！

Valentine's Day 收到一束「青見」「青見」花花，有十二枝紅玫瑰，又有襯得好好既小花同一枝枝好長既花，好「青見」！不過 momo 話都係覺得個年枝玫瑰「青見」d，梗係啦，個枝好大朵架！跟住去左 holiday inn 食 buffet，ok 啦，唔算好好食，但一定唔係難食，係就係少 d 款囉！因為好飽，食唔落 ice-cream + cake 呢樣甜品，就返番港島區，本來想係 Causeway Bay 既 Haagen-daz 食番個個甜品，點知去到先發現原來已經 11:45pm，closed 啦！咁就算數啦，返屋企啦，原來 xTc 未 close wor~~ 咁就食到一直都未試既意大利雪糕啦！真好！我食左 chestnut 同 lavender，momo 食 blu (即係 blueberries) 同 raspberry nxxxx (唔記得左，不過係白色然後有 d 紅色 (raspberry) 紋)！好味，不過講真，個 chestnut 正得黎有 d 甜左 d~~~ 嘻嘻！

星期日一早就去 Stanley BBQ!!

o岩唔o岩? subject 同 object 究竟點分?

好多人都話:「乜乜唔o岩我‧」又或者:「我唔o岩乜乜‧」究竟個 subject 應該係邊個? 究竟「o岩唔o岩」/ "suitable or not" 有無特定既 subject 同 object 呢?

我係一個好家姐~~~

我想幫下細佬，唔知點先幫到佢呢？
可能我個榜樣做得唔夠好，我太懶，搞到細佬以為自己已經夠勤力，但事實上係未既！我真係一個唔係好溫書既人，「唔係好」係我既定義，level 即係將所有既 materials 係考試之前「讀」過一次就夠！呢個「讀」字好重要架！我係真係會盡我所能消化晒我所讀過既野，所以我好少做 past paper！但呢個 only 係我既讀書方法，我將所有理科 (even 工科) 都當成「人文、文化」既讀書方法，唔係人人都可以跟到，even 細佬都係咁話‧所以我覺得我做得唔好，我到宜家先發現我自己個讀書方法既奇怪之處，細細個無同細佬講清楚，搞到佢摸唔到自己個個~~~ 佢會話家姐仲懶既時候，我唔應該 agree，我應該話比佢知，每個人既讀書方法所需既時間都唔同，唔可以比較！希望宜家唔會太遲啦，宜家係2月，都仲有一年先考 mock，一年多 d 先 A level，應該 okay 既！努力加油！！細佬都要！

仲有，我堂細佬好似......
三歲既小朋友唔應該分唔到「伯娘」同「伯伯」架？！點解教左咁多次都係錯，反而細個 d，兩歲既時候會識既？仲有，點解對住哥哥叫「哥哥」，但要加埋個名就變左「xx姐姐」？同埋，我覺得小 bb 唔識得表達自己，好似唔係幾 fit 3歲既年齡~~~

食左藥好攰~~~

話咁快又過左一個月喇~~~ 無咩特別既一日，食左藥好攰好無心機，不過好肚餓~~~ 睇番之前既diary，決定要寫番我個「我的一天飲食」，希望咁會好d~~~ 原來我最後一次寫係七月二十二號！仲發現左我宜家真係食多左好多添~~~ 好！聽日要去一下supermarket，入番d「蒟蒻」同低鹽soda餅先~~~~