(moved from elsewhere)
近呢幾個月突然有好多戲看，就由今年講起，一套 NaNa2 後，有一大堆既 hollywood movies，又有外語片，多到最後要犧牲我本來好想好想看既日本片「太陽之歌」~ 雖然細佬看完返黎勁讚，但係時間同銀包既限制下，都係犧牲左，留番 dvd 先，好明顯係塚本高史既魅力未夠咁 attract 我。
之但係呢排呢，就咩都無得講啦，好在 will smith 係上個禮拜至上，愛與淚相隨就上上個禮拜。「愛與淚相隨」，勁好看！！有人話，唔係妻夫木聰，你看唔看呀？看！！仲有長澤正美！點知細佬話佢一 d 都唔靚，又唔 cute。唔 cute 咩？ok 呀，「大隻」左少少 jer~
之後係「多羅羅」呀！！妻夫木聰仲要配柴咲幸，同手塚至虫，投降了！我無力抵抗 :p
講左好多 background 都好似未入「正題」，黎啦黎啦，我要講妻夫木聰啦~
星期日係銅鑼灣發記門口等位o個陣向上望下，見到妻夫木聰同柴咲幸既巨型 poster 吊左係 world trade center 到，好似中國畫 vertical scroll 咁~ 本來同 kakin 講緊「我細佬話阿森似塚本高史 rather than 草弓剪剛 」同「媽咪今日話木村仲係好型」既話題，望到咁大既 poster 當然要講下啦，結論係「妻夫木聰可能唔算好靚仔，唔算好「傳統既」有型，但佢好型，好有自己既 style，最重要係佢「好好笑」、「好 cute」(一般男仔你話佢 cute 可能唔係太好，但妻夫木聰既 cute 係好正！絕不低能) 看佢做戲好開心，好舒暢，even 演悲劇，你唔會覺得「愁雲慘霧」，而係融入左去套戲度，唔會覺得死氣沉沉，而係完全感受到「悲從中來」，演小品又好，愛情又好，喜劇更好笑，連古裝(唔算古裝既，相對於中國既民初咁上下啦)都得！其實算唔算結論呢？定係我自己既想法？
anyways，妻夫木聰就係一個「令人好開心」既演員，並唔係低低能能胡胡鬧鬧o個隻。另一個，我覺得係「阿部寬」，當然「阿部叔叔」樣貌更勝一點，「阿部叔叔」真的很有型。
跟住就看到一篇 magazine 訪問，被訪者話之前去日本拍戲，聽到木村話「唔會限制自己既戲路，因為拍一套感動人既電影好難，拍一部令人大笑的電影更難」(此乃大概意思，並不是直抄至 magazine) 嗯，原來木村想拍喜劇~ 媽咪就話佢好岩喎，岩咩？媽咪話木村係「全能型」，唔至單單做「憂鬱小生」喎~ 媽咪居然用木村同「阿部叔叔」一齊講！o下？木村同阿部？有咩共通點？但明明係妻夫木聰似阿部多 d 喎，我覺得~
想左好耐，究竟我同媽咪講緊既，係咪同一樣野呢？我係覺得佢地都好全面，演喜劇唔會便鬧劇，演悲劇又演得細水長流，好生活化，呢個特質係咩呢？綜觀亞洲演藝圈，好似都無咩邊幾個可以~ 對！媽咪話過，韓國既元彬，不過宜家去左服役~
今日看 news 既時候，終於解決左我既疑難了！原來這叫做「喜劇感強」既演員！看下下面既 quote:
「導演馬場康夫接受訪問時稱讚阿部寬是日本鮮有喜劇感強又有型的演員，其他兩個是木村拓哉與妻夫木聰。他跟阿部寬最投緣，是因為對方是機械工程科出身，自己當年在日立做電器，故他們特別多話題。」
哈哈~ 我同媽咪 d 洞悉力都幾好喎~ 係唔係有 d 天份寫「藝評」呢？係都唔錯呀，我宜家讀緊科 art translation，如果識寫，translate o個陣應該會好 d~
仲有，我發現好多 artists，不同地區，都係讀 mechanical engineering 的，看來，又一次印證 engineering 的路真的不好走~
No comments:
Post a Comment