:P 哈哈~ 原來我唔係癡左線，只係食錯藥 jer~
寫完之前篇 entry 就出左去食飯，因為早到就同幾個朋友仔到處逛逛，但心痛既感覺一直無停過！我已經覺得有 d 唔對路，無理由癡線到咁架? 咁開心同班朋友仔食開年飯都仲心戚戚?
諗下我做過 d 乜黎先發現，我食左胃藥！！！
食 lunch 都覺得個胃脹脹地唔係好食得落野，但最終都係去左食竹筒飯 :P 所以食完返黎就出事啦，個胃勁脹，後尾仲勁痛添！五點左右終於頂唔順去左食胃藥，一時唔為意，唔記得左要「飽肚服」，因為個胃仲好脹，我覺得好飽肚~ 跟住無幾耐就心痛啦，一定係咁！
其實我都只係估估o下，但行行o下一個女朋友仔話肚餓，就去買「雞蛋仔」，「癡」左幾粒食之後好似無咁痛喎，咦~~~ 好似真係肚餓喎！
食飯既時候都仲痛緊架，但食飽之後就好左好多，只係有少少神經痛 (之前試過，問過醫生，所以識得分)~
唉~ 等我仲驚我自己癡左線添~ 原來只係「不當食藥」既副作用，不過呢個副作用都幾大！:P 唔知 d 神經要幾時先唔痛呢?
p.s. 咁呢~ 其實今次心痛，我諗 70% 係食錯藥，30% 就係另外既~ 我都仲識分，只係之前唔知食錯藥，如果 100% 都係另外既，咁我一定癡左線~
No comments:
Post a Comment