九十年代

喂！比個作文題目你地呀，「九十年代」~ 你會諗起 d 乜呀?
之前講過，呢排好多 web 看，好多故仔看。好老土，但真係勾番起好多美好回憶。~ 此為我的 90's 之一!
再之前講過，開始覺得自己有 d 「老人癡呆」，驚自己唔記得晒 d 人同事，已經開始着手寫「My Friends」。今次多左好多我地相處既片段，好正喎！~ 此為我的 90's 之二!

我今日先發現原來 now.com.hk 有商台重溫架！咁就重新聽過「八王子」，之前只係斷斷續續咁係做 facial 既時候聽過。(因為做 facial o個度係 basement，唔係成日都聽到 cr2) 至從少爺占組左 I love U Boy'z 之後，我就無聽少爺占好耐。
當早排發現「王貽興」原來唔係我上堂讀o個個作家後 (詳見另 post)，我就看左佢話希望係唯一一本既散文集，跟住就係其他既小說。所以... 好有興趣看「少爺占 + 王貽興」既八王子。
嘩！正到爆！果然，我已經二十幾歲。(不過呢，其實有 d 我都唔熟悉既，因為始終三年一代溝嘛~ 哈哈) 再加上我住東區，雖然中學跨左區去中西區返學，但「港島區」既一切，實在是熟悉不過。
========================
(後續)
尋晚一連聽左五集，聽到兩點幾，想繼續聽，但因為今朝要返工，唯有今日再聽。

今日聽第六集，大 wok!!! at least 有以下既o野我好想講:

1. 梁漢文「好朋友」-- 嘩！我一直以為首歌只係幾年前，原來十年都黎緊啦！
2. auntie -- 一直以黎，我都係以「auntie」稱呼同學仔既媽咪，一直都唔知原來仲有其他稱呼。小學既時候，去左九龍城阿姨屋企，係街度撞到表姐既同學，佢竟然叫我阿姨做「劉太」！！嘩！我已經覺得好奇怪！但之後有日有人對我媽咪講「伯母」，我毛管凍晒！！唔係呀話，宜家九十年代啦喎，仲叫「伯母」??? 點知升左 uni 之後發現，原來仲有好多人叫「世伯」同「伯母」，當時個心真係有 d 「有無搞錯呀」！所以頭先聽，聽到叫人地媽咪做 auntie 就好開心，嗯，就當佢係「港島文化」啦~ :p
3. 彩虹戰隊 -- 呢集講到 homo，我諗應該係講 Rainbow 彩虹團體。記唔記得當年有個中五定中六既男學生同一班 rainbow 成員去左一間男校門口派 rainbow 既刊物，仲上晒新聞同報紙添！幾年後既 AL 英文作文我都有寫過呢個 example。
4. 趙學而「尋開心」-- 呢首歌好正，我記得當年抄歌詞係 schedule 到，annka 仲寫左幾首 lyrics 比我添，o個期好興趙學而，除左「尋開心」仲有「我恨我是女人」。
5. 同埋呢~ 之前講左好多有關咩「幸運星」呀、手繩呀咁，好正！
==================
(再後續)
今晚同 kakin 食飯既時候講開，呢排搵左 d friends 問「比你 choose，90's 既 icon 係咪?」，竟然有人話「孖條」，我係「o」晒嘴~ 點知 kakin 仲令我...... well loh~
跟住同 kakin 講左好多宜家同舊時既o野，講到 internet 既發展係咪好呢? 宜家 d 人唔識同人溝通，淨係 thru' internet 同人用文字"講o野"，我記得聽過有人話就黎 d 人會啞架啦~ 封閉自我，打機都唔晒同人 interact！唉~~~
點知呢今晚繼續聽八王子既時候，就到講呢個 topic 既 episode 喎~ 哈哈~
雖然 kakin 無回應我既「言論」，但聽到就覺得，其實好多人都同我有同樣既想法，即係好似我細佬之前做功課，都有類似言論。我想遲 d 再仔細一 d 講下我既看法。:P
~~~~~~~~~~~~~~~~~~
P.S. o個日係 mk 佢地問我: 你 d friends = 商台架? well~ 我o個日話咁o岩jer，但宜家想想下，可能我地係聽商台大囉~ 同埋呢，我覺得商台同我地接近 d~