走火入魔 vs 懶練功

講多樣野先~

今日上 yoga，師傅講到「走火入魔」。佢話有個師奶同佢講:「miss 呀~ 我老公問我點解呢排我唔鬧佢喎！」師傅回應佢道：「係呀！因為你做 yoga 做得幾好，個人 relaxed 左，平心靜氣左，d 火都收晒囉，恭喜你喎，記住繼續努力啦！」師傅話我地呢一派系既 yoga 係 emphasize on "relaxation" 同個人既「修養」(係呀~ 我去過個 official site 啦，佢地 d trainning course，其中一部分既 trainning 係打掃地方!!!!! 同幫助別人!!!!!)，做 yoga 呢，唔晒要「口力」，我地要既係 relaxed，個人 relaxed 左先可以入靜，再而去到其他 meditation or 修道既境界，所以呢，練 yoga 練得好係平心靜氣既，無火既。佢有好好既 explanation 架，透過練 yoga，慢慢將緊張既情緒控制，將體內撞黎撞去既氣調和，d 氣可以好流暢咁係身體裡面流動 (當然唔可以反方向啦)，所以呢，個人調息好就唔會有氣「谷」住，無氣「谷」住就無火架啦！師傅話「火」= 氣唔通，「谷」住晒喎~ 佢比左個 example (雖則我覺得有 d 唔 applicable on myself)，話個人胃痛痛得好緊要o個陣就會無心機，仲會好燥，因為「痛」係氣唔通既另一表現，氣唔通就令人痛同炆憎喎~ [如果我真係胃痛得好緊要o個陣我會喊架~ instead of 炆憎]

講左咁多，其實師傅想話比我地聽，如果你呢排越黎越燥，即係你練 yoga 唔單只幫唔到你，仲比你本來既 emotion 控制番，and then 你越練 yoga 就越脾氣唔好，仲好想做好多「勁」既 yoga，咁你就「走火入魔」了！

well~ 我之前講過我「情緒崩潰」，新年o個陣自己都知自己燥，即係我「走火入魔」?

同媽咪講，媽咪話我一定唔係「走火入魔」而係「懶練功」喎~ 哈哈 :P 媽咪話「走火入魔」o個 d 通常都會偷偷狂練，練過晒龍都唔知架喎！嘩~ 好似武俠小說呀！