中華巴士

其實點解呢期會諗番起以前 d o野? 因為年頭囉！哈哈！本來我想寫「2005 我的十大 2006 展望」，咁我就看番前幾年o既 diary backup，哈，好好看~ :P 終於明白媽咪點解細細個要我地寫 diary，仲要用靚靚 diary 寫，收得好好咁，原來真係好有意思架！

(插一下離題o野: 看下看下就覺得呢幾年過得好快，明明就好似岩岩入 uni 咁，我今日返 ust 時好多 soc polling，有好多人問我「你係咪 marketing soc 呀? 今日 polling 喎！」好熟悉，唔覺得有咩大改變，但原來距我離開呢度都成兩年幾，嘩！)

但其實我係想寫...... 中華巴士！除左因為年頭看番好多以前既o野，仲因為呢排見到「中華巴士」現身北角！！！見到藍色車身，勁興奮，第一次見番既，雖然係佢既背影，但以我同佢朝夕相處左咁多年，我梗係一個眼尾就認出啦！我第一時間同媽咪講: 「嘩！中巴呀！」但原來媽咪看唔到，仲話:「你眼花呀? 新巴左好多年架啦喎！」嗯，可能真係我看錯啦！

幾個禮拜後，我已經唔記得左呢件事，學完瑜伽同媽咪搭巴士返落炮台山飲茶既時候，我好清楚咁再一次看到「中巴現身」，今次媽咪都看到！我地既新巴係佢隔離，所以看得好清楚係「中華巴士訓練車」！我一見到就接近「嗌」既程度同媽咪講：「喂！真係中巴呀！我無眼花架！」係我地好疑惑，唔知點解仲會有「中巴」既時候，我聽到有個小朋友細細聲同佢媽咪講：「香港無中巴架！大陸先有架！香港得巴士同小巴！」我既反應唔知係咪大左 d 呢? 連小朋友都以為我唔識o野~ 不過，well, 因為佢講得細細聲，我扮聽唔到，但佢媽咪竟然無同佢講中巴係以前行駛香港既巴士公司！佢地係港運城落車，我諗佢地一定唔知港運城係中巴車廠。唉~~~

仲有呢? 我有一日去看「冷」，諗住看下有咩靚o野，織下頸巾，行去馬寶道既時候，發現北角村附近既政府宿舍已經拆左！！！入去冷舖，左看看右看看，阿婆問「要咩冷呀？交功課呀？定自己用呀？」哈~ 唔知係咪以為我仲讀緊中學呢？

仲有好多架? 例如，早排唱 k，竟然講番「火熱動感 la la la」，何解? 唔知呢~