情緒崩潰~

尋晚食飯同班 friend 傾左勁多野，好開心！仲玩到十二點先離開 mk，今朝仲要返工~ :P

好耐之前已經講過，呢班 friend 一齊個感覺就好似同 colourless 一樣，有種 family 既感覺，可能因為大家搞過莊，一齊 work together 過。

食飯既時候都係傾下近況等，去飲野既時候變左「男女地帶」，班男仔自己傾。幾個女仔，傾傾下講到返工返到情緒唔係咁好。好似之前有人返工返到有病，好似小朋友唔想返學o個個病咁，一早起身返工就唔舒服咁。又有人返工返到無晒記性，心不在焉咁，咩都唔記得，有時仲會唔記得自己為乜會去左某地方。好似大家都試過因為份工搞到情緒低落晒！

之前既 post 都講過，尋晚我以為自己癡左線，雖則之後發現虛驚一場，但我既情緒呢，我就知道有 d 唔妥啦！

雖然唔知點解 (近因)，而我亦都未諗到「遠因」，但我知我既情緒崩潰-ing~

自問係個超 sentimental 既人，由細到大既星座書呀、心理測驗呀等等都係話我個人好 artistic，其實包含左「容易 lose temper 但又好容易 cheer up 番」既所謂藝術家脾氣，所以我都好努力咁克制自己，舊年下半年都做得唔錯架，依我記得都無乜幾次「當眾黑面」，收火到一個程度係係情緒唔係咁好既時候，崩潰既方式都靜態好多！仲好記得o個陣做左幾日唔見左鑰匙既上鏈娃娃添。

可能做「唔見左鑰匙既上鏈娃娃」既呢個感覺實在太奇怪，而呢排又突然 take up 番好多 art related 既 hobbies，個人又 artistic 番，上年年尾既 negative 情緒累積到新一年，慢慢崩潰-ing, 大年初一就比 d 野 trigger 左就「病發」啦！>.<

呢幾日都知自己情緒崩潰ing, steve 綜合各事件話係「人多擠迫既地方我就開始燥喎」，maybe 啦，我唔知喎，只知道我要「爆」囉，唔「爆」會癲囉！

可能呢幾日既「自由聯想」時間比較少，我個 mind 處於現實既時間比較多，所以未有位去消除 d negative 情緒，由於我真係崩潰ing & 尋日既「心痛」事件#，我決定左要「以毒攻毒」，今次唔係為左個心唔痛，而係希望一次過「有組織地崩潰」，咁就唔會巔啦！

「病發」時令別人難受，我要說對不起，就像我之前說的，我是真的控制不了，要克制的話我會很辛苦。但坦白說，這樣的感覺很爽！:P

自己看自己也真的覺得有點 bandai! well... :P

# remark: 報告一下，我個心仲有 d 「神經痛」但痛楚程度已經低到差唔多 feel 唔到，只係你 press 下旁邊 d 淋巴腺既時候有 d 痛~ 今次算係幾快搞店，上次神經痛痛左一個禮拜!!!! ^_^